Exode 5.8
Bible en Swahili de l’est

Opposition du pharaon

¹ Hata baadaye, Musa na Haruni wakaenda wakamwambia Farao, wakasema, Bwana, Mungu wa Israeli, asema hivi, Wape watu wangu ruhusa waende, ili kunifanyia sikukuu jangwani.
Exode 10.9 1 Rois 21.20 Exode 3.18 Psaumes 119.46 Esaïe 25.6
² Farao akasema, Bwana ni nani, hata niisikilize sauti yake, na kuwapa Israeli ruhusa waende zao? Mimi simjui Bwana, wala sitawapa Israeli ruhusa waende zao.
Exode 3.19 Job 21.15 2 Rois 18.35 Psaumes 14.1 Romains 1.28
³ Wakasema, Mungu wa Waebrania amekutana nasi; twakuomba, tupe ruhusa twende safari ya siku tatu jangwani, tumtolee dhabihu Bwana, Mungu wetu; asije akatupiga kwa tauni, au kwa upanga.
Exode 3.18 Ezéchiel 6.11 Esdras 7.23 Deutéronome 28.21 2 Rois 17.25
⁴ Mfalme wa Misri akawaambia Enyi Musa na Haruni, mbona mnawaachisha watu kazi zao? Enendeni zenu kwa mizigo yenu.
Exode 1.11 Amos 7.10 Actes 16.20-16.21 Jérémie 38.4 Actes 24.5
⁵ Kisha Farao akasema, Tazameni, watu wa nchi sasa ni wengi, nanyi mnawapumzisha, wasichukue mizigo yao.
Proverbes 14.28 Exode 1.7-1.11
⁶ Na siku ile ile Farao akawaamuru wasimamizi wa watu, na wanyapara wao, akisema,
Exode 5.19 Exode 5.10 Exode 5.13-5.15 Exode 1.11 Josué 24.4
⁷ Msiwape watu tena majani ya kufanyia matofali, kama mlivyofanya tangu hapo; na waende wakatafute majani wenyewe.
Juges 19.19 Genèse 24.25
⁸ Lakini hesabu ya matofali waliyokuwa wakifanya tokea hapo, wawekeeni iyo hiyo, msiipunguze hata kidogo, kwa maana ni wavivu hao; kwa hiyo wanapiga kelele, wakisema, Tupe ruhusa twende kumtolea Mungu wetu dhabihu.
Psaumes 106.41
⁹ Wapeni watu hao kazi nzito zaidi, waitaabikie; wala wasiangalie maneno ya uongo.
2 Rois 18.20 Zacharie 1.6 Malachie 3.14 Ephésiens 5.6 Job 16.3
¹⁰ Hao wasimamizi wa watu na wanyapara wao wakatoka, wakasema na watu, wakanena, Farao asema hivi, Mimi siwapi majani.
Exode 1.11 Proverbes 29.12 Exode 3.7
¹¹ Enendeni wenyewe, jipatieni majani hapo mtakapoyaona; kwa maana kazi yenu haitapunguzwa hata kidogo.
Exode 5.13-5.14
¹² Basi hao watu wakatawanyika katika nchi yote ya Misri ili wapate kukusanya matakataka ya mashamba badala ya majani.
Joël 2.5 Nahum 1.10 Esaïe 5.24 Esaïe 47.14 1 Corinthiens 3.12
¹³ Wasimamizi wao wakawahimiza, wakisema, Timizeni kazi zenu, shughuli zenu za kila siku, kama wakati ule majani yalipokuwapo.
¹⁴ Na wanyapara wa wana wa Israeli, ambao wasimamizi wa Farao wamewaweka juu yao, wakapigwa, wakiambiwa, Kwa nini hamkutimiza kazi yenu jana na leo; kwa kufanya matofali kama hapo kwanza?
Esaïe 10.24
¹⁵ Basi wanyapara wa wana wa Israeli wakaenda, wakamlilia Farao, wakisema, Mbona umetutendea hivi, sisi watumwa wako?
¹⁶ Watumwa wako hawapewi majani, nao wanatuambia, Fanyeni matofali; na tazama, watumwa wako wapigwa; lakini kosa hilo ni la watu wako mwenyewe.
¹⁷ Akasema, Wavivu ninyi; wavivu; kwa ajili hii mwasema, Tupe ruhusa twende kumtolea Bwana dhabihu.
Matthieu 26.8 Jean 6.27 Exode 5.8 2 Thessaloniciens 3.10-3.11
¹⁸ Basi, enendeni sasa, mkafanye kazi; kwa maana hamtapewa majani, na pamoja na hayo mtaleta hesabu ile ile ya matofali.
Ezéchiel 18.18 Daniel 2.9-2.13
¹⁹ Basi wanyapara wa wana wa Israeli wakaona ya kwamba wa katika hali mbaya, walipoambiwa, Hamtapunguza hesabu ya matofali yenu hata kidogo; ndizo shughuli zenu za kila siku.
Ecclésiaste 5.8 Ecclésiaste 4.1 Deutéronome 32.36
²⁰ Wakakutana na Musa na Haruni, waliokuwa wanasimama njiani, hapo walipotoka kwa Farao;
²¹ wakawaambia, Bwana awaangalie na kuamua; kwa kuwa mmefanya harufu yetu kuwa chukizo mbele ya Farao, na mbele ya watumishi wake, mkatia upanga mikononi mwao, watuue.
Genèse 34.30 1 Samuel 13.4 1 Samuel 27.12 1 Chroniques 19.6 2 Samuel 10.6
²² Musa akarudi kwa Bwana, akasema, Bwana, mbona umewatenda mabaya watu hawa? Kwani kunituma mimi?
Jérémie 20.7 Psaumes 73.25 1 Samuel 30.6 1 Rois 19.10 Nombres 11.11
²³ Kwa maana tangu nilipokwenda kwa Farao, kusema naye kwa jina lako, amewatenda mabaya watu hawa; wala hukuwaokoa watu wako hata kidogo.
Esaïe 26.17-26.18 Psaumes 118.26 Jérémie 11.21 Esaïe 28.16 Hébreux 10.36-10.37