1 Πᾶς γὰρ ἀρχιερεὺς ἐξ ἀνθρώπων λαμβανόμενος ὑπὲρ ἀνθρώπων καθίσταται τὰ πρὸς τὸν θεόν, ἵνα προσφέρῃ δῶρά τε καὶ θυσίας ὑπὲρ ἁμαρτιῶν,Hébreux 8.3 Hébreux 10.11 Hébreux 9.9 Hébreux 2.17 Hébreux 7.27
2 μετριοπαθεῖν δυνάμενος τοῖς ἀγνοοῦσι καὶ πλανωμένοις ἐπεὶ καὶ αὐτὸς περίκειται ἀσθένειαν,
Hébreux 7.28 Hébreux 2.18 Hébreux 4.15 Hébreux 12.13 Galates 4.13
3 καὶ ⸂δι’ αὐτὴν⸃ ὀφείλει, καθὼς περὶ τοῦ λαοῦ, οὕτως καὶ περὶ ⸀αὑτοῦ προσφέρειν ⸀περὶ ἁμαρτιῶν.
Hébreux 7.27 Hébreux 9.7 Lévitique 16.6 Lévitique 9.7 Lévitique 4.3-4.12
4 καὶ οὐχ ἑαυτῷ τις λαμβάνει τὴν τιμήν, ἀλλὰ καλούμενος ὑπὸ τοῦ θεοῦ, ⸀καθώσπερ καὶ Ἀαρών.
Exode 28.1 Nombres 16.40 2 Chroniques 26.18 1 Chroniques 23.13 Nombres 16.5
5 Οὕτως καὶ ὁ Χριστὸς οὐχ ἑαυτὸν ἐδόξασεν γενηθῆναι ἀρχιερέα, ἀλλ’ ὁ λαλήσας πρὸς αὐτόν· Υἱός μου εἶ σύ, ἐγὼ σήμερον γεγέννηκά σε·
Psaumes 2.7 Jean 8.54 Hébreux 1.5 Jean 7.18 Romains 8.3
6 καθὼς καὶ ἐν ἑτέρῳ λέγει· Σὺ ἱερεὺς εἰς τὸν αἰῶνα κατὰ τὴν τάξιν Μελχισέδεκ,
Psaumes 110.4 Hébreux 7.17 Hébreux 7.21 Hébreux 5.10 Hébreux 6.20
7 ὃς ἐν ταῖς ἡμέραις τῆς σαρκὸς αὐτοῦ δεήσεις τε καὶ ἱκετηρίας πρὸς τὸν δυνάμενον σῴζειν αὐτὸν ἐκ θανάτου μετὰ κραυγῆς ἰσχυρᾶς καὶ δακρύων προσενέγκας καὶ εἰσακουσθεὶς ἀπὸ τῆς εὐλαβείας,
Matthieu 27.46 Matthieu 27.50 Marc 15.34 Marc 15.37 Hébreux 12.28
8 καίπερ ὢν υἱός, ἔμαθεν ἀφ’ ὧν ἔπαθεν τὴν ὑπακοήν,
Philippiens 2.8 Jean 4.34 Esaïe 50.5-50.6 Hébreux 10.5-10.9 Hébreux 1.5
9 καὶ τελειωθεὶς ἐγένετο ⸂πᾶσιν τοῖς ὑπακούουσιν αὐτῷ⸃ αἴτιος σωτηρίας αἰωνίου,
Hébreux 2.10 Psaumes 68.18-68.20 Esaïe 45.22 Romains 2.8 Hébreux 12.2
10 προσαγορευθεὶς ὑπὸ τοῦ θεοῦ ἀρχιερεὺς κατὰ τὴν τάξιν Μελχισέδεκ.
Hébreux 5.5-5.6 Hébreux 6.20
11 Περὶ οὗ πολὺς ἡμῖν ὁ λόγος καὶ δυσερμήνευτος λέγειν, ἐπεὶ νωθροὶ γεγόνατε ταῖς ἀκοαῖς·
2 Pierre 3.16 Matthieu 13.15 Actes 28.27 Marc 8.17-8.18 Luc 24.25
12 καὶ γὰρ ὀφείλοντες εἶναι διδάσκαλοι διὰ τὸν χρόνον, πάλιν χρείαν ἔχετε τοῦ διδάσκειν ὑμᾶς ⸀τινὰ τὰ στοιχεῖα τῆς ἀρχῆς τῶν λογίων τοῦ θεοῦ, καὶ γεγόνατε χρείαν ἔχοντες γάλακτος, ⸀οὐ στερεᾶς τροφῆς.
1 Pierre 2.2 Hébreux 6.1 Hébreux 5.13 1 Corinthiens 3.1-3.3 Esaïe 28.9-28.10
13 πᾶς γὰρ ὁ μετέχων γάλακτος ἄπειρος λόγου δικαιοσύνης, νήπιος γάρ ἐστιν·
1 Pierre 2.2 1 Corinthiens 14.20 Esaïe 28.9 2 Timothée 3.16 Ephésiens 4.14
14 τελείων δέ ἐστιν ἡ στερεὰ τροφή, τῶν διὰ τὴν ἕξιν τὰ αἰσθητήρια γεγυμνασμένα ἐχόντων πρὸς διάκρισιν καλοῦ τε καὶ κακοῦ.
1 Corinthiens 2.6 Ephésiens 4.13 Esaïe 7.15 Ephésiens 1.18 Romains 14.1