Joël 1.3
Septante

Une invasion dévastatrice

¹ λόγος κυρίου ὃς ἐγενήθη πρὸς Ιωηλ τὸν τοῦ Βαθουηλ.
Actes 2.16 Jérémie 1.2 2 Pierre 1.21 Osée 1.1 Ezéchiel 1.3
² ἀκούσατε δὴ ταῦτα οἱ πρεσβύτεροι καὶ ἐνωτίσασθε πάντες οἱ κατοικοῦντες τὴν γῆν εἰ γέγονεν τοιαῦτα ἐν ταῖς ἡμέραις ὑμῶν ἢ ἐν ταῖς ἡμέραις τῶν πατέρων ὑμῶν.
Osée 5.1 Joël 2.2 Job 8.8 Jérémie 30.7 Matthieu 13.9
³ ὑπὲρ αὐτῶν τοῖς τέκνοις ὑμῶν διηγήσασθε καὶ τὰ τέκνα ὑμῶν τοῖς τέκνοις αὐτῶν καὶ τὰ τέκνα αὐτῶν εἰς γενεὰν ἑτέραν.
Deutéronome 6.7 Psaumes 78.3-78.8 Josué 4.21-4.22 Esaïe 38.19 Exode 10.1-10.2
⁴ τὰ κατάλοιπα τῆς κάμπης κατέφαγεν ἡ ἀκρίς καὶ τὰ κατάλοιπα τῆς ἀκρίδος κατέφαγεν ὁ βροῦχος καὶ τὰ κατάλοιπα τοῦ βρούχου κατέφαγεν ἡ ἐρυσίβη.
Joël 2.25 Amos 4.9 Exode 10.4 Psaumes 78.46 Amos 7.1
⁵ ἐκνήψατε οἱ μεθύοντες ἐξ οἴνου αὐτῶν καὶ κλαύσατε θρηνήσατε πάντες οἱ πίνοντες οἶνον εἰς μέθην ὅτι ἐξῆρται ἐκ στόματος ὑμῶν εὐφροσύνη καὶ χαρά.
Jacques 5.1 Esaïe 24.7-24.11 Luc 21.34-21.36 Joël 1.13 Ezéchiel 30.2
⁶ ὅτι ἔθνος ἀνέβη ἐπὶ τὴν γῆν μου ἰσχυρὸν καὶ ἀναρίθμητον οἱ ὀδόντες αὐτοῦ ὀδόντες λέοντος καὶ αἱ μύλαι αὐτοῦ σκύμνου.
Joël 2.25 Proverbes 30.25-30.27 Apocalypse 9.7-9.10 Esaïe 32.13 Joël 2.2-2.11
⁷ ἔθετο τὴν ἄμπελόν μου εἰς ἀφανισμὸν καὶ τὰς συκᾶς μου εἰς συγκλασμόν ἐρευνῶν ἐξηρεύνησεν αὐτὴν καὶ ἔρριψεν ἐλεύκανεν κλήματα αὐτῆς.
Esaïe 5.6 Joël 1.12 Habakuk 3.17 Jérémie 8.13 Psaumes 105.33
⁸ θρήνησον πρός με ὑπὲρ νύμφην περιεζωσμένην σάκκον ἐπὶ τὸν ἄνδρα αὐτῆς τὸν παρθενικόν.
Esaïe 22.12 Malachie 2.15 Amos 8.10 Jacques 5.1 Esaïe 32.11
⁹ ἐξῆρται θυσία καὶ σπονδὴ ἐξ οἴκου κυρίου πενθεῖτε οἱ ἱερεῖς οἱ λειτουργοῦντες θυσιαστηρίῳ.
Joël 2.17 Joël 2.14 Joël 1.13 Osée 9.4 Esaïe 61.6
¹⁰ ὅτι τεταλαιπώρηκεν τὰ πεδία πενθείτω ἡ γῆ ὅτι τεταλαιπώρηκεν σῖτος ἐξηράνθη οἶνος ὠλιγώθη ἔλαιον.
Osée 4.3 Osée 9.2 Joël 1.5 Jérémie 12.11 Esaïe 24.11
¹¹ ἐξηράνθησαν οἱ γεωργοί θρηνεῖτε κτήματα ὑπὲρ πυροῦ καὶ κριθῆς ὅτι ἀπόλωλεν τρυγητὸς ἐξ ἀγροῦ.
Jérémie 14.3-14.4 Esaïe 17.11 Jérémie 9.12 Romains 5.5 Amos 5.16
¹² ἡ ἄμπελος ἐξηράνθη καὶ αἱ συκαῖ ὠλιγώθησαν ῥόα καὶ φοῖνιξ καὶ μῆλον καὶ πάντα τὰ ξύλα τοῦ ἀγροῦ ἐξηράνθησαν ὅτι ᾔσχυναν χαρὰν οἱ υἱοὶ τῶν ἀνθρώπων.
Esaïe 24.11 Esaïe 16.10 Cantique 2.3 Joël 1.10 Jérémie 48.33
¹³ περιζώσασθε καὶ κόπτεσθε οἱ ἱερεῖς θρηνεῖτε οἱ λειτουργοῦντες θυσιαστηρίῳ εἰσέλθατε ὑπνώσατε ἐν σάκκοις λειτουργοῦντες θεῷ ὅτι ἀπέσχηκεν ἐξ οἴκου θεοῦ ὑμῶν θυσία καὶ σπονδή.
Jérémie 4.8 Joël 1.8-1.9 Jérémie 9.10 Jonas 3.5-3.8 Ezéchiel 7.18
¹⁴ ἁγιάσατε νηστείαν κηρύξατε θεραπείαν συναγάγετε πρεσβυτέρους πάντας κατοικοῦντας γῆν εἰς οἶκον θεοῦ ὑμῶν καὶ κεκράξατε πρὸς κύριον ἐκτενῶς.
Joël 2.15-2.16 Jonas 3.8 2 Chroniques 20.3-20.4 Lévitique 23.36 2 Chroniques 20.13
¹⁵ οἴμμοι οἴμμοι οἴμμοι εἰς ἡμέραν ὅτι ἐγγὺς ἡμέρα κυρίου καὶ ὡς ταλαιπωρία ἐκ ταλαιπωρίας ἥξει.
Jérémie 30.7 Joël 2.31 Esaïe 13.6-13.9 Joël 2.11 Ezéchiel 7.2-7.12
¹⁶ κατέναντι τῶν ὀφθαλμῶν ὑμῶν βρώματα ἐξωλεθρεύθη ἐξ οἴκου θεοῦ ὑμῶν εὐφροσύνη καὶ χαρά.
Psaumes 43.4 Deutéronome 12.6-12.7 Esaïe 3.7 Amos 4.6-4.7 Deutéronome 16.10-16.15
¹⁷ ἐσκίρτησαν δαμάλεις ἐπὶ ταῖς φάτναις αὐτῶν ἠφανίσθησαν θησαυροί κατεσκάφησαν ληνοί ὅτι ἐξηράνθη σῖτος.
Esaïe 17.10-17.11 Genèse 23.16
¹⁸ τί ἀποθήσομεν ἑαυτοῖς ἔκλαυσαν βουκόλια βοῶν ὅτι οὐχ ὑπῆρχεν νομὴ αὐτοῖς καὶ τὰ ποίμνια τῶν προβάτων ἠφανίσθησαν.
Jérémie 12.4 Osée 4.3 Jérémie 14.5-14.6 1 Rois 18.5 Romains 8.22
¹⁹ πρὸς σέ κύριε βοήσομαι ὅτι πῦρ ἀνήλωσεν τὰ ὡραῖα τῆς ἐρήμου καὶ φλὸξ ἀνῆψεν πάντα τὰ ξύλα τοῦ ἀγροῦ.
Jérémie 9.10 Psaumes 50.15 Amos 7.4 Michée 7.7 Joël 2.3
²⁰ καὶ τὰ κτήνη τοῦ πεδίου ἀνέβλεψαν πρὸς σέ ὅτι ἐξηράνθησαν ἀφέσεις ὑδάτων καὶ πῦρ κατέφαγεν τὰ ὡραῖα τῆς ἐρήμου.
Psaumes 104.21 1 Rois 17.7 Psaumes 147.9 Psaumes 145.15 Job 38.41