Ezéchiel 7.25
Septante

Imminence de la punition

¹ καὶ ἐγένετο λόγος κυρίου πρός με λέγων.
² καὶ σύ υἱὲ ἀνθρώπου εἰπόν τάδε λέγει κύριος τῇ γῇ τοῦ Ισραηλ πέρας ἥκει τὸ πέρας ἥκει ἐπὶ τὰς τέσσαρας πτέρυγας τῆς γῆς.
Amos 8.2 Amos 8.10 Ezéchiel 7.5-7.6 Lamentations 4.18 Ezéchiel 11.13
³ ἥκει τὸ πέρας.
Ezéchiel 18.30 Ezéchiel 5.13 Ezéchiel 34.20-34.22 Ezéchiel 36.19 Ezéchiel 33.20
⁴ ἐπὶ σὲ τὸν κατοικοῦντα τὴν γῆν ἥκει ὁ καιρός ἤγγικεν ἡ ἡμέρα οὐ μετὰ θορύβων οὐδὲ μετὰ ὠδίνων.
Ezéchiel 5.11 Ezéchiel 6.7 Ezéchiel 11.21 Ezéchiel 9.10 Ezéchiel 16.43
⁵ νῦν ἐγγύθεν ἐκχεῶ τὴν ὀργήν μου ἐπὶ σὲ καὶ συντελέσω τὸν θυμόν μου ἐν σοὶ καὶ κρινῶ σε ἐν ταῖς ὁδοῖς σου καὶ δώσω ἐπὶ σὲ πάντα τὰ βδελύγματά σου.
2 Rois 21.12-21.13 Ezéchiel 5.9 Nahum 1.9 Daniel 9.12 Matthieu 24.21
⁶ οὐ φείσεται ὁ ὀφθαλμός μου οὐδὲ μὴ ἐλεήσω διότι τὰς ὁδούς σου ἐπὶ σὲ δώσω καὶ τὰ βδελύγματά σου ἐν μέσῳ σου ἔσονται καὶ ἐπιγνώσῃ διότι ἐγώ εἰμι κύριος ὁ τύπτων.
Zacharie 13.7 Ezéchiel 39.8 Ezéchiel 7.3 Ezéchiel 7.10 2 Pierre 2.5
⁷ νῦν τὸ πέρας πρὸς σέ καὶ ἀποστελῶ ἐγὼ ἐπὶ σὲ καὶ ἐκδικήσω σε ἐν ταῖς ὁδοῖς σου καὶ δώσω ἐπὶ σὲ πάντα τὰ βδελύγματά σου.
Esaïe 22.5 Ezéchiel 12.28 Ezéchiel 12.23-12.25 Ezéchiel 7.12 1 Pierre 4.17
⁸ οὐ φείσεται ὁ ὀφθαλμός μου ἐπὶ σέ οὐδὲ μὴ ἐλεήσω διότι τὴν ὁδόν σου ἐπὶ σὲ δώσω καὶ τὰ βδελύγματά σου ἐν μέσῳ σου ἔσται καὶ ἐπιγνώσῃ διότι ἐγὼ κύριος.
Ezéchiel 14.19 Ezéchiel 9.8 Esaïe 42.25 Ezéchiel 20.21 Nahum 1.6
⁹ διότι τάδε λέγει κύριος.
Galates 6.7 Esaïe 9.13 Apocalypse 20.13 Michée 6.9
¹⁰ ἰδοὺ τὸ πέρας ἥκει ἰδοὺ ἡμέρα κυρίου εἰ καὶ ἡ ῥάβδος ἤνθηκεν ἡ ὕβρις ἐξανέστηκεν.
Esaïe 10.5 Ezéchiel 7.6 Proverbes 14.3 Daniel 4.37 Proverbes 16.18
¹¹ καὶ συντρίψει στήριγμα ἀνόμου καὶ οὐ μετὰ θορύβου οὐδὲ μετὰ σπουδῆς.
Sophonie 1.18 Ezéchiel 7.23 Esaïe 59.6-59.8 Esaïe 5.7 Michée 2.2
¹² ἥκει ὁ καιρός ἰδοὺ ἡ ἡμέρα ὁ κτώμενος μὴ χαιρέτω καὶ ὁ πωλῶν μὴ θρηνείτω.
Esaïe 5.13-5.14 Ezéchiel 7.5-7.7 Jacques 5.8-5.9 Ezéchiel 7.10 1 Corinthiens 7.29-7.31
¹³ διότι ὁ κτώμενος πρὸς τὸν πωλοῦντα οὐκέτι μὴ ἐπιστρέψῃ καὶ ἄνθρωπος ἐν ὀφθαλμῷ ζωῆς αὐτοῦ οὐ κρατήσει.
Lévitique 25.24-25.28 Lévitique 25.31 Ezéchiel 33.26-33.27 Psaumes 52.7 Job 15.25
¹⁴ σαλπίσατε ἐν σάλπιγγι καὶ κρίνατε τὰ σύμπαντα.
Jérémie 4.5 Ezéchiel 7.11-7.12 Esaïe 24.1-24.7 Jérémie 12.12 Jérémie 51.27
¹⁵ ὁ πόλεμος ἐν ῥομφαίᾳ ἔξωθεν καὶ ὁ λιμὸς καὶ ὁ θάνατος ἔσωθεν ὁ ἐν τῷ πεδίῳ ἐν ῥομφαίᾳ τελευτήσει τοὺς δὲ ἐν τῇ πόλει λιμὸς καὶ θάνατος συντελέσει.
Jérémie 14.18 Lamentations 1.20 Ezéchiel 5.12 Ezéchiel 6.12 Jérémie 15.2-15.3
¹⁶ καὶ ἀνασωθήσονται οἱ ἀνασῳζόμενοι ἐξ αὐτῶν καὶ ἔσονται ἐπὶ τῶν ὀρέων πάντας ἀποκτενῶ ἕκαστον ἐν ταῖς ἀδικίαις αὐτοῦ.
Esaïe 38.14 Esaïe 59.11 Esdras 9.15 Esaïe 37.31 Jérémie 44.28
¹⁷ πᾶσαι χεῖρες ἐκλυθήσονται καὶ πάντες μηροὶ μολυνθήσονται ὑγρασίᾳ.
Ezéchiel 21.7 Hébreux 12.12 Jérémie 6.24 Esaïe 13.7-13.8 Ezéchiel 22.14
¹⁸ καὶ περιζώσονται σάκκους καὶ καλύψει αὐτοὺς θάμβος καὶ ἐπὶ πᾶν πρόσωπον αἰσχύνη ἐπ’ αὐτούς καὶ ἐπὶ πᾶσαν κεφαλὴν φαλάκρωμα.
Esaïe 15.2-15.3 Amos 8.10 Esaïe 3.24 Job 21.6 Ezéchiel 27.31
¹⁹ τὸ ἀργύριον αὐτῶν ῥιφήσεται ἐν ταῖς πλατείαις καὶ τὸ χρυσίον αὐτῶν ὑπεροφθήσεται αἱ ψυχαὶ αὐτῶν οὐ μὴ ἐμπλησθῶσιν καὶ αἱ κοιλίαι αὐτῶν οὐ μὴ πληρωθῶσιν διότι βάσανος τῶν ἀδικιῶν αὐτῶν ἐγένετο.
Sophonie 1.18 Proverbes 11.4 Esaïe 55.2 Esaïe 2.20 Ezéchiel 14.7
²⁰ ἐκλεκτὰ κόσμου εἰς ὑπερηφανίαν ἔθεντο αὐτὰ καὶ εἰκόνας τῶν βδελυγμάτων αὐτῶν ἐποίησαν ἐξ αὐτῶν ἕνεκεν τούτου δέδωκα αὐτὰ αὐτοῖς εἰς ἀκαθαρσίαν.
Ezéchiel 24.21 Jérémie 7.30 Ezéchiel 8.15-8.16 Esaïe 64.11 Ezéchiel 9.7
²¹ καὶ παραδώσω αὐτὰ εἰς χεῖρας ἀλλοτρίων τοῦ διαρπάσαι αὐτὰ καὶ τοῖς λοιμοῖς τῆς γῆς εἰς σκῦλα καὶ βεβηλώσουσιν αὐτά.
2 Rois 24.13 Psaumes 74.2-74.8 Jérémie 52.13-52.23 2 Rois 25.13-25.16 2 Chroniques 36.18-36.19
²² καὶ ἀποστρέψω τὸ πρόσωπόν μου ἀπ’ αὐτῶν καὶ μιανοῦσιν τὴν ἐπισκοπήν μου καὶ εἰσελεύσονται εἰς αὐτὰ ἀφυλάκτως καὶ βεβηλώσουσιν αὐτά.
Jérémie 18.17 Psaumes 74.10-74.11 Ezéchiel 39.23-39.24 Psaumes 35.22 Psaumes 74.18-74.23
²³ καὶ ποιήσουσι φυρμόν διότι ἡ γῆ πλήρης λαῶν καὶ ἡ πόλις πλήρης ἀνομίας.
Jérémie 27.2 Ezéchiel 9.9 2 Rois 21.16 Ezéchiel 11.6 Osée 4.2
²⁴ καὶ ἀποστρέψω τὸ φρύαγμα τῆς ἰσχύος αὐτῶν καὶ μιανθήσεται τὰ ἅγια αὐτῶν.
Ezéchiel 28.7 Ezéchiel 33.28 Ezéchiel 21.31 Ezéchiel 21.2 Psaumes 83.12
²⁵ ἐξιλασμὸς ἥξει καὶ ζητήσει εἰρήνην καὶ οὐκ ἔσται.
Lamentations 4.17-4.18 Esaïe 57.21 Jérémie 8.15-8.16 Ezéchiel 13.16 Michée 1.12
²⁶ οὐαὶ ἐπὶ οὐαὶ ἔσται καὶ ἀγγελία ἐπ’ ἀγγελίαν ἔσται καὶ ζητηθήσεται ὅρασις ἐκ προφήτου καὶ νόμος ἀπολεῖται ἐξ ἱερέως καὶ βουλὴ ἐκ πρεσβυτέρων.
Jérémie 4.20 Michée 3.6 Psaumes 74.9 Ezéchiel 14.1 Jérémie 21.2
²⁷ ἄρχων ἐνδύσεται ἀφανισμόν καὶ αἱ χεῖρες τοῦ λαοῦ τῆς γῆς παραλυθήσονται κατὰ τὰς ὁδοὺς αὐτῶν ποιήσω αὐτοῖς καὶ ἐν τοῖς κρίμασιν αὐτῶν ἐκδικήσω αὐτούς καὶ γνώσονται ὅτι ἐγὼ κύριος.
Ezéchiel 18.30 Ezéchiel 7.4-7.8 Jacques 2.13 Ezéchiel 12.10-12.22 Ezéchiel 26.16