Esaïe 5.27
Septante

Israël, vigne de l’Éternel

¹ ᾄσω δὴ τῷ ἠγαπημένῳ ᾆσμα τοῦ ἀγαπητοῦ τῷ ἀμπελῶνί μου ἀμπελὼν ἐγενήθη τῷ ἠγαπημένῳ ἐν κέρατι ἐν τόπῳ πίονι.
Psaumes 80.8 Marc 12.1 Luc 20.9 Matthieu 21.33 Jérémie 2.21
² καὶ φραγμὸν περιέθηκα καὶ ἐχαράκωσα καὶ ἐφύτευσα ἄμπελον σωρηχ καὶ ᾠκοδόμησα πύργον ἐν μέσῳ αὐτοῦ καὶ προλήνιον ὤρυξα ἐν αὐτῷ καὶ ἔμεινα τοῦ ποιῆσαι σταφυλήν ἐποίησεν δὲ ἀκάνθας.
Marc 11.13 Jérémie 2.21 Exode 33.16 Matthieu 21.19 Nombres 23.9
³ καὶ νῦν ἄνθρωπος τοῦ Ιουδα καὶ οἱ ἐνοικοῦντες ἐν Ιερουσαλημ κρίνατε ἐν ἐμοὶ καὶ ἀνὰ μέσον τοῦ ἀμπελῶνός μου.
Matthieu 21.40-21.41 Psaumes 51.4 Romains 3.4 Marc 12.9-12.12 Jérémie 2.4-2.5
⁴ τί ποιήσω ἔτι τῷ ἀμπελῶνί μου καὶ οὐκ ἐποίησα αὐτῷ διότι ἔμεινα τοῦ ποιῆσαι σταφυλήν ἐποίησεν δὲ ἀκάνθας.
Matthieu 23.37 2 Chroniques 36.14-36.16 Michée 6.3-6.4 Jérémie 2.30-2.31 Jérémie 2.5
⁵ νῦν δὲ ἀναγγελῶ ὑμῖν τί ποιήσω τῷ ἀμπελῶνί μου ἀφελῶ τὸν φραγμὸν αὐτοῦ καὶ ἔσται εἰς διαρπαγήν καὶ καθελῶ τὸν τοῖχον αὐτοῦ καὶ ἔσται εἰς καταπάτημα.
Esaïe 28.18 Lamentations 1.15 Luc 21.24 Deutéronome 28.49-28.52 Apocalypse 11.2
⁶ καὶ ἀνήσω τὸν ἀμπελῶνά μου καὶ οὐ μὴ τμηθῇ οὐδὲ μὴ σκαφῇ καὶ ἀναβήσεται εἰς αὐτὸν ὡς εἰς χέρσον ἄκανθα καὶ ταῖς νεφέλαις ἐντελοῦμαι τοῦ μὴ βρέξαι εἰς αὐτὸν ὑετόν.
Esaïe 7.23-7.25 Esaïe 24.1-24.3 Jérémie 25.11 2 Chroniques 36.19-36.21 Apocalypse 11.6
⁷ ὁ γὰρ ἀμπελὼν κυρίου σαβαωθ οἶκος τοῦ Ισραηλ ἐστίν καὶ ἄνθρωπος τοῦ Ιουδα νεόφυτον ἠγαπημένον ἔμεινα τοῦ ποιῆσαι κρίσιν ἐποίησεν δὲ ἀνομίαν καὶ οὐ δικαιοσύνην ἀλλὰ κραυγήν.
Psaumes 80.8-80.11 Psaumes 147.11 Jérémie 12.10 Exode 3.7 Jean 15.2
⁸ οὐαὶ οἱ συνάπτοντες οἰκίαν πρὸς οἰκίαν καὶ ἀγρὸν πρὸς ἀγρὸν ἐγγίζοντες ἵνα τοῦ πλησίον ἀφέλωνταί τι μὴ οἰκήσετε μόνοι ἐπὶ τῆς γῆς.
Michée 2.2 Habakuk 2.9-2.12 Jérémie 22.13-22.17 Ezéchiel 33.24 Matthieu 23.13
⁹ ἠκούσθη γὰρ εἰς τὰ ὦτα κυρίου σαβαωθ ταῦτα ἐὰν γὰρ γένωνται οἰκίαι πολλαί εἰς ἔρημον ἔσονται μεγάλαι καὶ καλαί καὶ οὐκ ἔσονται οἱ ἐνοικοῦντες ἐν αὐταῖς.
Matthieu 23.38 Esaïe 22.14 Esaïe 5.6 Esaïe 6.11-6.12 Amos 5.11
¹⁰ οὗ γὰρ ἐργῶνται δέκα ζεύγη βοῶν ποιήσει κεράμιον ἕν καὶ ὁ σπείρων ἀρτάβας ἓξ ποιήσει μέτρα τρία.
Lévitique 26.26 Aggée 1.6 Ezéchiel 45.10-45.11 Aggée 1.9-1.11 Lévitique 27.16
¹¹ οὐαὶ οἱ ἐγειρόμενοι τὸ πρωὶ καὶ τὸ σικερα διώκοντες οἱ μένοντες τὸ ὀψέ ὁ γὰρ οἶνος αὐτοὺς συγκαύσει.
Esaïe 5.22 Proverbes 23.29-23.30 Ecclésiaste 10.16-10.17 Romains 13.13 Proverbes 20.1
¹² μετὰ γὰρ κιθάρας καὶ ψαλτηρίου καὶ τυμπάνων καὶ αὐλῶν τὸν οἶνον πίνουσιν τὰ δὲ ἔργα κυρίου οὐκ ἐμβλέπουσιν καὶ τὰ ἔργα τῶν χειρῶν αὐτοῦ οὐ κατανοοῦσιν.
Psaumes 28.5 Job 34.27 Esaïe 22.13 Osée 4.10-4.11 Esaïe 5.19
¹³ τοίνυν αἰχμάλωτος ὁ λαός μου ἐγενήθη διὰ τὸ μὴ εἰδέναι αὐτοὺς τὸν κύριον καὶ πλῆθος ἐγενήθη νεκρῶν διὰ λιμὸν καὶ δίψαν ὕδατος.
Osée 4.6 Esaïe 1.3 Esaïe 27.11 Amos 8.13 Esaïe 42.22-42.25
¹⁴ καὶ ἐπλάτυνεν ὁ ᾅδης τὴν ψυχὴν αὐτοῦ καὶ διήνοιξεν τὸ στόμα αὐτοῦ τοῦ μὴ διαλιπεῖν καὶ καταβήσονται οἱ ἔνδοξοι καὶ οἱ μεγάλοι καὶ οἱ πλούσιοι καὶ οἱ λοιμοὶ αὐτῆς.
Habakuk 2.5 Actes 12.21-12.23 Apocalypse 20.13-20.15 Luc 21.34 Proverbes 27.20
¹⁵ καὶ ταπεινωθήσεται ἄνθρωπος καὶ ἀτιμασθήσεται ἀνήρ καὶ οἱ ὀφθαλμοὶ οἱ μετέωροι ταπεινωθήσονται.
Esaïe 2.9 Esaïe 2.11 Esaïe 2.17 Esaïe 10.12 Jérémie 5.4-5.5
¹⁶ καὶ ὑψωθήσεται κύριος σαβαωθ ἐν κρίματι καὶ ὁ θεὸς ὁ ἅγιος δοξασθήσεται ἐν δικαιοσύνῃ.
Psaumes 46.10 1 Pierre 2.15 Esaïe 29.23 Esaïe 12.4 Esaïe 8.13
¹⁷ καὶ βοσκηθήσονται οἱ διηρπασμένοι ὡς ταῦροι καὶ τὰς ἐρήμους τῶν ἀπειλημμένων ἄρνες φάγονται.
Sophonie 2.6 Esaïe 7.25 Sophonie 2.14 Esaïe 1.7 Néhémie 9.37
¹⁸ οὐαὶ οἱ ἐπισπώμενοι τὰς ἁμαρτίας ὡς σχοινίῳ μακρῷ καὶ ὡς ζυγοῦ ἱμάντι δαμάλεως τὰς ἀνομίας.
Jérémie 23.14 Jérémie 23.10 Juges 17.5 Jérémie 5.31 Psaumes 36.2
¹⁹ οἱ λέγοντες τὸ τάχος ἐγγισάτω ἃ ποιήσει ἵνα ἴδωμεν καὶ ἐλθάτω ἡ βουλὴ τοῦ ἁγίου Ισραηλ ἵνα γνῶμεν.
Ezéchiel 12.22 Jérémie 17.15 Jérémie 23.36 Amos 5.18-5.19 Jérémie 23.18
²⁰ οὐαὶ οἱ λέγοντες τὸ πονηρὸν καλὸν καὶ τὸ καλὸν πονηρόν οἱ τιθέντες τὸ σκότος φῶς καὶ τὸ φῶς σκότος οἱ τιθέντες τὸ πικρὸν γλυκὺ καὶ τὸ γλυκὺ πικρόν.
Proverbes 17.15 2 Timothée 3.1-3.5 Matthieu 6.22-6.23 Job 17.12 Luc 11.34-11.35
²¹ οὐαὶ οἱ συνετοὶ ἐν ἑαυτοῖς καὶ ἐνώπιον ἑαυτῶν ἐπιστήμονες.
Proverbes 3.7 Romains 12.16 1 Corinthiens 3.18-3.20 Proverbes 26.12 Romains 1.22
²² οὐαὶ οἱ ἰσχύοντες ὑμῶν οἱ τὸν οἶνον πίνοντες καὶ οἱ δυνάσται οἱ κεραννύντες τὸ σικερα.
Esaïe 5.11 Habakuk 2.15 Esaïe 28.7 Esaïe 56.12 Esaïe 28.1-28.3
²³ οἱ δικαιοῦντες τὸν ἀσεβῆ ἕνεκεν δώρων καὶ τὸ δίκαιον τοῦ δικαίου αἴροντες.
Jacques 5.6 Psaumes 94.21 Esaïe 10.2 Proverbes 17.15 Michée 3.11
²⁴ διὰ τοῦτο ὃν τρόπον καυθήσεται καλάμη ὑπὸ ἄνθρακος πυρὸς καὶ συγκαυθήσεται ὑπὸ φλογὸς ἀνειμένης ἡ ῥίζα αὐτῶν ὡς χνοῦς ἔσται καὶ τὸ ἄνθος αὐτῶν ὡς κονιορτὸς ἀναβήσεται οὐ γὰρ ἠθέλησαν τὸν νόμον κυρίου σαβαωθ ἀλλὰ τὸ λόγιον τοῦ ἁγίου Ισραηλ παρώξυναν.
Job 18.16 Joël 2.5 Esaïe 30.12 Esaïe 47.14 Luc 3.17
²⁵ καὶ ἐθυμώθη ὀργῇ κύριος σαβαωθ ἐπὶ τὸν λαὸν αὐτοῦ καὶ ἐπέβαλεν τὴν χεῖρα αὐτοῦ ἐπ’ αὐτοὺς καὶ ἐπάταξεν αὐτούς καὶ παρωξύνθη τὰ ὄρη καὶ ἐγενήθη τὰ θνησιμαῖα αὐτῶν ὡς κοπρία ἐν μέσῳ ὁδοῦ καὶ ἐν πᾶσι τούτοις οὐκ ἀπεστράφη ὁ θυμός ἀλλ’ ἔτι ἡ χεὶρ ὑψηλή.
Esaïe 10.4 2 Rois 9.37 Esaïe 9.21 Esaïe 9.17 Daniel 9.16
²⁶ τοιγαροῦν ἀρεῖ σύσσημον ἐν τοῖς ἔθνεσιν τοῖς μακρὰν καὶ συριεῖ αὐτοῖς ἀπ’ ἄκρου τῆς γῆς καὶ ἰδοὺ ταχὺ κούφως ἔρχονται.
Zacharie 10.8 Deutéronome 28.49 Esaïe 7.18 Esaïe 18.3 Esaïe 11.12
²⁷ οὐ πεινάσουσιν οὐδὲ κοπιάσουσιν οὐδὲ νυστάξουσιν οὐδὲ κοιμηθήσονται οὐδὲ λύσουσιν τὰς ζώνας αὐτῶν ἀπὸ τῆς ὀσφύος αὐτῶν οὐδὲ μὴ ῥαγῶσιν οἱ ἱμάντες τῶν ὑποδημάτων αὐτῶν.
Job 12.18 Joël 2.7-2.8 1 Rois 2.5 Esaïe 11.5 Esaïe 45.5
²⁸ ὧν τὰ βέλη ὀξεῖά ἐστιν καὶ τὰ τόξα αὐτῶν ἐντεταμένα οἱ πόδες τῶν ἵππων αὐτῶν ὡς στερεὰ πέτρα ἐλογίσθησαν οἱ τροχοὶ τῶν ἁρμάτων αὐτῶν ὡς καταιγίς.
Psaumes 45.5 Esaïe 21.1 Michée 4.13 Juges 5.22 Nahum 3.2
²⁹ ὁρμῶσιν ὡς λέοντες καὶ παρέστηκαν ὡς σκύμνος λέοντος καὶ ἐπιλήμψεται καὶ βοήσει ὡς θηρίου καὶ ἐκβαλεῖ καὶ οὐκ ἔσται ὁ ῥυόμενος αὐτούς.
Zacharie 11.3 Esaïe 42.22 Esaïe 49.24-49.25 Michée 5.8 Psaumes 50.22
³⁰ καὶ βοήσει δι’ αὐτοὺς ἐν τῇ ἡμέρᾳ ἐκείνῃ ὡς φωνὴ θαλάσσης κυμαινούσης καὶ ἐμβλέψονται εἰς τὴν γῆν καὶ ἰδοὺ σκότος σκληρὸν ἐν τῇ ἀπορίᾳ αὐτῶν.
Esaïe 8.22 Joël 2.10 Jérémie 4.23-4.28 Luc 21.25-21.26 Jérémie 6.23