Esaïe 45.2
Septante

¹ οὕτως λέγει κύριος ὁ θεὸς τῷ χριστῷ μου Κύρῳ οὗ ἐκράτησα τῆς δεξιᾶς ἐπακοῦσαι ἔμπροσθεν αὐτοῦ ἔθνη καὶ ἰσχὺν βασιλέων διαρρήξω ἀνοίξω ἔμπροσθεν αὐτοῦ θύρας καὶ πόλεις οὐ συγκλεισθήσονται.
Esaïe 44.28 Esaïe 42.6 Esaïe 41.13 Psaumes 73.23 Jérémie 51.11
² ἐγὼ ἔμπροσθέν σου πορεύσομαι καὶ ὄρη ὁμαλιῶ θύρας χαλκᾶς συντρίψω καὶ μοχλοὺς σιδηροῦς συγκλάσω.
Esaïe 40.4 Psaumes 107.16 Luc 3.5 Esaïe 42.16 Jérémie 51.30
³ καὶ δώσω σοι θησαυροὺς σκοτεινούς ἀποκρύφους ἀοράτους ἀνοίξω σοι ἵνα γνῷς ὅτι ἐγὼ κύριος ὁ θεὸς ὁ καλῶν τὸ ὄνομά σου θεὸς Ισραηλ.
Esaïe 43.1 Jérémie 50.37 Esaïe 48.15 Exode 33.12 Exode 33.17
⁴ ἕνεκεν Ιακωβ τοῦ παιδός μου καὶ Ισραηλ τοῦ ἐκλεκτοῦ μου ἐγὼ καλέσω σε τῷ ὀνόματί σου καὶ προσδέξομαί σε σὺ δὲ οὐκ ἔγνως με.
Esaïe 41.8-41.9 Actes 17.23 Esaïe 44.1 Galates 4.8-4.9 Romains 9.6
⁵ ὅτι ἐγὼ κύριος ὁ θεός καὶ οὐκ ἔστιν ἔτι πλὴν ἐμοῦ θεός καὶ οὐκ ᾔδεις με.
Esaïe 44.8 Psaumes 18.39 Esaïe 46.9 Esaïe 22.21 Psaumes 18.32
⁶ ἵνα γνῶσιν οἱ ἀπὸ ἀνατολῶν ἡλίου καὶ οἱ ἀπὸ δυσμῶν ὅτι οὐκ ἔστιν πλὴν ἐμοῦ ἐγὼ κύριος ὁ θεός καὶ οὐκ ἔστιν ἔτι.
Malachie 1.11 Psaumes 102.15-102.16 Psaumes 83.18 Psaumes 46.10 Esaïe 45.5
⁷ ἐγὼ ὁ κατασκευάσας φῶς καὶ ποιήσας σκότος ὁ ποιῶν εἰρήνην καὶ κτίζων κακά ἐγὼ κύριος ὁ θεὸς ὁ ποιῶν ταῦτα πάντα.
Amos 3.6 Ecclésiaste 7.13-7.14 Amos 4.13 Nahum 1.8 Psaumes 75.7
⁸ εὐφρανθήτω ὁ οὐρανὸς ἄνωθεν καὶ αἱ νεφέλαι ῥανάτωσαν δικαιοσύνην ἀνατειλάτω ἡ γῆ ἔλεος καὶ δικαιοσύνην ἀνατειλάτω ἅμα ἐγώ εἰμι κύριος ὁ κτίσας σε.
Esaïe 61.11 Osée 10.12 Psaumes 72.6 Joël 3.18 1 Corinthiens 3.6-3.9
⁹ ποῖον βέλτιον κατεσκεύασα ὡς πηλὸν κεραμέως μὴ ὁ ἀροτριῶν ἀροτριάσει τὴν γῆν ὅλην τὴν ἡμέραν μὴ ἐρεῖ ὁ πηλὸς τῷ κεραμεῖ τί ποιεῖς ὅτι οὐκ ἐργάζῃ οὐδὲ ἔχεις χεῖρας.
Romains 9.20-9.21 Esaïe 29.16 Esaïe 64.8 Esaïe 10.15 Jérémie 50.24
¹⁰ ὁ λέγων τῷ πατρί τί γεννήσεις καὶ τῇ μητρί τί ὠδινήσεις.
Hébreux 12.9 Deutéronome 27.16 Malachie 1.6
¹¹ ὅτι οὕτως λέγει κύριος ὁ θεὸς ὁ ἅγιος Ισραηλ ὁ ποιήσας τὰ ἐπερχόμενα ἐρωτήσατέ με περὶ τῶν υἱῶν μου καὶ περὶ τῶν θυγατέρων μου καὶ περὶ τῶν ἔργων τῶν χειρῶν μου ἐντείλασθέ μοι.
Esaïe 43.7 Marc 11.24 Esaïe 29.23 Jérémie 31.9 Esaïe 48.17
¹² ἐγὼ ἐποίησα γῆν καὶ ἄνθρωπον ἐπ’ αὐτῆς ἐγὼ τῇ χειρί μου ἐστερέωσα τὸν οὐρανόν ἐγὼ πᾶσι τοῖς ἄστροις ἐνετειλάμην.
Esaïe 42.5 Genèse 2.1 Néhémie 9.6 Esaïe 44.24 Jérémie 27.5
¹³ ἐγὼ ἤγειρα αὐτὸν μετὰ δικαιοσύνης βασιλέα καὶ πᾶσαι αἱ ὁδοὶ αὐτοῦ εὐθεῖαι οὗτος οἰκοδομήσει τὴν πόλιν μου καὶ τὴν αἰχμαλωσίαν τοῦ λαοῦ μου ἐπιστρέψει οὐ μετὰ λύτρων οὐδὲ μετὰ δώρων εἶπεν κύριος σαβαωθ.
Esaïe 41.2 Esaïe 41.25 Esaïe 49.25 2 Chroniques 36.22-36.23 Esdras 1.3

Bénédictions universelles

¹⁴ οὕτως λέγει κύριος σαβαωθ ἐκοπίασεν Αἴγυπτος καὶ ἐμπορία Αἰθιόπων καὶ οἱ Σεβωιν ἄνδρες ὑψηλοὶ ἐπὶ σὲ διαβήσονται καὶ σοὶ ἔσονται δοῦλοι καὶ ὀπίσω σου ἀκολουθήσουσιν δεδεμένοι χειροπέδαις καὶ προσκυνήσουσίν σοι καὶ ἐν σοὶ προσεύξονται ὅτι ἐν σοὶ ὁ θεός ἐστιν καὶ ἐροῦσιν οὐκ ἔστιν θεὸς πλὴν σοῦ.
Esaïe 49.23 Jérémie 16.19 Zacharie 8.20-8.23 1 Corinthiens 14.25 Psaumes 149.8
¹⁵ σὺ γὰρ εἶ θεός καὶ οὐκ ᾔδειμεν ὁ θεὸς τοῦ Ισραηλ σωτήρ.
Esaïe 57.17 Psaumes 44.24 Esaïe 8.17 Esaïe 43.3 Esaïe 12.2
¹⁶ αἰσχυνθήσονται καὶ ἐντραπήσονται πάντες οἱ ἀντικείμενοι αὐτῷ καὶ πορεύσονται ἐν αἰσχύνῃ ἐγκαινίζεσθε πρός με νῆσοι.
Esaïe 44.11 Esaïe 44.9 Esaïe 42.17 Jérémie 2.26-2.27 Esaïe 41.19
¹⁷ Ισραηλ σῴζεται ὑπὸ κυρίου σωτηρίαν αἰώνιον οὐκ αἰσχυνθήσονται οὐδὲ μὴ ἐντραπῶσιν ἕως τοῦ αἰῶνος.
Romains 10.11 Psaumes 25.3 Esaïe 54.4 1 Pierre 2.6 Esaïe 49.23
¹⁸ οὕτως λέγει κύριος ὁ ποιήσας τὸν οὐρανόν οὗτος ὁ θεὸς ὁ καταδείξας τὴν γῆν καὶ ποιήσας αὐτήν αὐτὸς διώρισεν αὐτήν οὐκ εἰς κενὸν ἐποίησεν αὐτὴν ἀλλὰ κατοικεῖσθαι ἐγώ εἰμι καὶ οὐκ ἔστιν ἔτι.
Esaïe 42.5 Psaumes 115.16 Genèse 1.2 Esaïe 45.12 Ezéchiel 36.10-36.12
¹⁹ οὐκ ἐν κρυφῇ λελάληκα οὐδὲ ἐν τόπῳ γῆς σκοτεινῷ οὐκ εἶπα τῷ σπέρματι Ιακωβ μάταιον ζητήσατε ἐγώ εἰμι ἐγώ εἰμι κύριος λαλῶν δικαιοσύνην καὶ ἀναγγέλλων ἀλήθειαν.
Esaïe 48.16 2 Chroniques 15.2 Amos 5.4 Esaïe 63.1 Esaïe 45.23
²⁰ συνάχθητε καὶ ἥκετε βουλεύσασθε ἅμα οἱ σῳζόμενοι ἀπὸ τῶν ἐθνῶν οὐκ ἔγνωσαν οἱ αἴροντες τὸ ξύλον γλύμμα αὐτῶν καὶ προσευχόμενοι ὡς πρὸς θεούς οἳ οὐ σῴζουσιν.
Esaïe 43.9 Jérémie 10.5 Esaïe 46.1 Habakuk 2.18-2.20 1 Rois 18.26-18.29
²¹ εἰ ἀναγγελοῦσιν ἐγγισάτωσαν ἵνα γνῶσιν ἅμα τίς ἀκουστὰ ἐποίησεν ταῦτα ἀπ’ ἀρχῆς τότε ἀνηγγέλη ὑμῖν ἐγὼ ὁ θεός καὶ οὐκ ἔστιν ἄλλος πλὴν ἐμοῦ δίκαιος καὶ σωτὴρ οὐκ ἔστιν πάρεξ ἐμοῦ.
Esaïe 43.11 Esaïe 43.9 Esaïe 45.5 Esaïe 48.14 Esaïe 41.22-41.23
²² ἐπιστράφητε πρός με καὶ σωθήσεσθε οἱ ἀπ’ ἐσχάτου τῆς γῆς ἐγώ εἰμι ὁ θεός καὶ οὐκ ἔστιν ἄλλος.
Hébreux 12.2 Jean 6.40 Zacharie 12.10 2 Chroniques 20.12 Michée 7.7
²³ κατ’ ἐμαυτοῦ ὀμνύω ἦ μὴν ἐξελεύσεται ἐκ τοῦ στόματός μου δικαιοσύνη οἱ λόγοι μου οὐκ ἀποστραφήσονται ὅτι ἐμοὶ κάμψει πᾶν γόνυ καὶ ἐξομολογήσεται πᾶσα γλῶσσα τῷ θεῷ.
Philippiens 2.10 Esaïe 55.11 Romains 14.10-14.12 Psaumes 63.11 Hébreux 6.13-6.18
²⁴ λέγων δικαιοσύνη καὶ δόξα πρὸς αὐτὸν ἥξουσιν καὶ αἰσχυνθήσονται πάντες οἱ ἀφορίζοντες ἑαυτούς.
Esaïe 41.11 Matthieu 11.27-11.28 Esaïe 44.8 Genèse 49.10 Esaïe 61.10
²⁵ ἀπὸ κυρίου δικαιωθήσονται καὶ ἐν τῷ θεῷ ἐνδοξασθήσονται πᾶν τὸ σπέρμα τῶν υἱῶν Ισραηλ.
Esaïe 41.16 1 Corinthiens 1.31 Esaïe 45.17 Romains 5.18-5.19 2 Corinthiens 5.21