Osée 13.15
Biblia Hebraica Stuttgartensia

L’Éternel, seul vrai soutien d’Israël

¹ כְּדַבֵּ֤ר אֶפְרַ֨יִם֙ רְתֵ֔ת נָשָׂ֥א ה֖וּא בְּיִשְׂרָאֵ֑ל וַיֶּאְשַׁ֥ם בַּבַּ֖עַל וַיָּמֹֽת׃
Osée 11.2 Juges 8.1 Romains 5.12 Nombres 13.8 1 Rois 18.18-18.19
² וְעַתָּ֣ה׀ יֹוסִ֣פוּ לַחֲטֹ֗א וַיַּעְשׂ֣וּ לָהֶם֩ מַסֵּכָ֨ה מִכַּסְפָּ֤ם כִּתְבוּנָם֙ עֲצַבִּ֔ים מַעֲשֵׂ֥ה חָרָשִׁ֖ים כֻּלֹּ֑ה לָהֶם֙ הֵ֣ם אֹמְרִ֔ים זֹבְחֵ֣י אָדָ֔ם עֲגָלִ֖ים יִשָּׁקֽוּן׃
Esaïe 46.6 Esaïe 44.17-44.20 Osée 2.8 Jérémie 10.4 1 Rois 19.18
³ לָכֵ֗ן יִֽהְיוּ֙ כַּעֲנַן־בֹּ֔קֶר וְכַטַּ֖ל מַשְׁכִּ֣ים הֹלֵ֑ךְ כְּמֹץ֙ יְסֹעֵ֣ר מִגֹּ֔רֶן וּכְעָשָׁ֖ן מֵאֲרֻבָּֽה׃
Osée 6.4 Psaumes 68.2 Psaumes 1.4 Esaïe 17.13 Daniel 2.35
⁴ וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם וֵאלֹהִ֤ים זֽוּלָתִי֙ לֹ֣א תֵדָ֔ע וּמֹושִׁ֥יעַ אַ֖יִן בִּלְתִּֽי׃
Osée 12.9 Esaïe 45.21-45.22 Esaïe 43.10-43.13 Esaïe 44.6-44.8 Psaumes 81.9-81.10
⁵ אֲנִ֥י יְדַעְתִּ֖יךָ בַּמִּדְבָּ֑ר בְּאֶ֖רֶץ תַּלְאֻבֹֽות׃
Deutéronome 2.7 Deutéronome 8.15 Deutéronome 32.10 Psaumes 63.1 Psaumes 31.7
⁶ כְּמַרְעִיתָם֙ וַיִּשְׂבָּ֔עוּ שָׂבְע֖וּ וַיָּ֣רָם לִבָּ֑ם עַל־כֵּ֖ן שְׁכֵחֽוּנִי׃
Deutéronome 32.13-32.15 Esaïe 17.10 Osée 8.4 Osée 10.1 Jérémie 2.31-2.32
⁷ וָאֱהִ֥י לָהֶ֖ם כְּמֹו־שָׁ֑חַל כְּנָמֵ֖ר עַל־דֶּ֥רֶךְ אָשֽׁוּר׃
Osée 5.14 Jérémie 5.6 Lamentations 3.10 Amos 3.8 Esaïe 42.13
⁸ אֶפְגְּשֵׁם֙ כְּדֹ֣ב שַׁכּ֔וּל וְאֶקְרַ֖ע סְגֹ֣ור לִבָּ֑ם וְאֹכְלֵ֥ם שָׁם֙ כְּלָבִ֔יא חַיַּ֥ת הַשָּׂדֶ֖ה תְּבַקְּעֵֽם׃
2 Samuel 17.8 Esaïe 5.29 Jérémie 12.9 Psaumes 80.13 Psaumes 50.22
⁹ שִֽׁחֶתְךָ֥ יִשְׂרָאֵ֖ל כִּֽי־בִ֥י בְעֶזְרֶֽךָ׃
Jérémie 2.17 Jérémie 2.19 Deutéronome 33.26 Jérémie 5.25 Psaumes 121.1-121.2
¹⁰ אֱהִ֤י מַלְכְּךָ֙ אֵפֹ֔וא וְיֹושִֽׁיעֲךָ֖ בְּכָל־עָרֶ֑יךָ וְשֹׁ֣פְטֶ֔יךָ אֲשֶׁ֣ר אָמַ֔רְתָּ תְּנָה־לִּ֖י מֶ֥לֶךְ וְשָׂרִֽים׃
Osée 8.4 1 Samuel 8.5-8.6 Osée 10.3 Psaumes 47.6-47.7 Esaïe 43.15
¹¹ אֶֽתֶּן־לְךָ֥ מֶ֨לֶךְ֙ בְּאַפִּ֔י וְאֶקַּ֖ח בְּעֶבְרָתִֽי׃ ס
1 Samuel 10.19 1 Rois 12.15-12.16 1 Samuel 8.7-8.9 Osée 10.7 1 Samuel 31.1-31.7
¹² צָרוּר֙ עֲוֹ֣ן אֶפְרָ֔יִם צְפוּנָ֖ה חַטָּאתֹֽו׃
Job 14.17 Deutéronome 32.34-32.35 Romains 2.5 Job 21.19
¹³ חֶבְלֵ֥י יֹֽולֵדָ֖ה יָבֹ֣אוּ לֹ֑ו הוּא־בֵן֙ לֹ֣א חָכָ֔ם כִּֽי־עֵ֥ת לֹֽא־יַעֲמֹ֖ד בְּמִשְׁבַּ֥ר בָּנִֽים׃
Esaïe 13.8 Michée 4.9-4.10 Esaïe 37.3 Psaumes 48.6 Proverbes 22.3
¹⁴ מִיַּ֤ד שְׁאֹול֙ אֶפְדֵּ֔ם מִמָּ֖וֶת אֶגְאָלֵ֑ם אֱהִ֨י דְבָרֶיךָ֜ מָ֗וֶת אֱהִ֤י קָֽטָבְךָ֙ שְׁאֹ֔ול נֹ֖חַם יִסָּתֵ֥ר מֵעֵינָֽי׃
Esaïe 25.8 Apocalypse 21.4 Esaïe 26.19 Psaumes 49.15 Psaumes 30.3
¹⁵ כִּ֣י ה֔וּא בֵּ֥ן אַחִ֖ים יַפְרִ֑יא יָבֹ֣וא קָדִים֩ ר֨וּחַ יְהוָ֜ה מִמִּדְבָּ֣ר עֹלֶ֗ה וְיֵבֹ֤ושׁ מְקֹורֹו֙ וְיֶחֱרַ֣ב מַעְיָנֹ֔ו ה֣וּא יִשְׁסֶ֔ה אֹוצַ֖ר כָּל־כְּלִ֥י חֶמְדָּֽה׃
Ezéchiel 19.12 Ezéchiel 17.10 Genèse 41.52 Genèse 49.22 Jérémie 4.11