Osée 13
Biblia Hebraica Stuttgartensia

¹ כְּדַבֵּ֤ר אֶפְרַ֨יִם֙ רְתֵ֔ת נָשָׂ֥א ה֖וּא בְּיִשְׂרָאֵ֑ל וַיֶּאְשַׁ֥ם בַּבַּ֖עַל וַיָּמֹֽת׃ Osée 11.2 2 Rois 17.16-17.18 Nombres 10.22 1 Rois 16.29-16.33 Juges 12.1
² וְעַתָּ֣ה׀ יֹוסִ֣פוּ לַחֲטֹ֗א וַיַּעְשׂ֣וּ לָהֶם֩ מַסֵּכָ֨ה מִכַּסְפָּ֤ם כִּתְבוּנָם֙ עֲצַבִּ֔ים מַעֲשֵׂ֥ה חָרָשִׁ֖ים כֻּלֹּ֑ה לָהֶם֙ הֵ֣ם אֹמְרִ֔ים זֹבְחֵ֣י אָדָ֔ם עֲגָלִ֖ים יִשָּׁקֽוּן׃ Esaïe 44.17-44.20 Osée 2.8 Jérémie 10.4 1 Rois 19.18 Esaïe 46.6
³ לָכֵ֗ן יִֽהְיוּ֙ כַּעֲנַן־בֹּ֔קֶר וְכַטַּ֖ל מַשְׁכִּ֣ים הֹלֵ֑ךְ כְּמֹץ֙ יְסֹעֵ֣ר מִגֹּ֔רֶן וּכְעָשָׁ֖ן מֵאֲרֻבָּֽה׃ Osée 6.4 Psaumes 1.4 Psaumes 68.2 Daniel 2.35 Esaïe 17.13
⁴ וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם וֵאלֹהִ֤ים זֽוּלָתִי֙ לֹ֣א תֵדָ֔ע וּמֹושִׁ֥יעַ אַ֖יִן בִּלְתִּֽי׃ Osée 12.9 Esaïe 45.21-45.22 Esaïe 43.10-43.13 Exode 20.2-20.3 Esaïe 43.3
⁵ אֲנִ֥י יְדַעְתִּ֖יךָ בַּמִּדְבָּ֑ר בְּאֶ֖רֶץ תַּלְאֻבֹֽות׃ Deutéronome 2.7 Deutéronome 8.15 Deutéronome 32.10 Jérémie 2.6 Nahum 1.7
⁶ כְּמַרְעִיתָם֙ וַיִּשְׂבָּ֔עוּ שָׂבְע֖וּ וַיָּ֣רָם לִבָּ֑ם עַל־כֵּ֖ן שְׁכֵחֽוּנִי׃ Deutéronome 32.13-32.15 Osée 10.1 Jérémie 2.31-2.32 Psaumes 10.4 Deutéronome 8.12-8.14
⁷ וָאֱהִ֥י לָהֶ֖ם כְּמֹו־שָׁ֑חַל כְּנָמֵ֖ר עַל־דֶּ֥רֶךְ אָשֽׁוּר׃ Osée 5.14 Jérémie 5.6 Lamentations 3.10 Amos 1.2 Amos 3.4
⁸ אֶפְגְּשֵׁם֙ כְּדֹ֣ב שַׁכּ֔וּל וְאֶקְרַ֖ע סְגֹ֣ור לִבָּ֑ם וְאֹכְלֵ֥ם שָׁם֙ כְּלָבִ֔יא חַיַּ֥ת הַשָּׂדֶ֖ה תְּבַקְּעֵֽם׃ 2 Samuel 17.8 Jérémie 12.9 Psaumes 80.13 Psaumes 50.22 Proverbes 17.12
⁹ שִֽׁחֶתְךָ֥ יִשְׂרָאֵ֖ל כִּֽי־בִ֥י בְעֶזְרֶֽךָ׃ Jérémie 2.17 Jérémie 2.19 Deutéronome 33.26 Esaïe 3.9 Proverbes 6.32
¹⁰ אֱהִ֤י מַלְכְּךָ֙ אֵפֹ֔וא וְיֹושִֽׁיעֲךָ֖ בְּכָל־עָרֶ֑יךָ וְשֹׁ֣פְטֶ֔יךָ אֲשֶׁ֣ר אָמַ֔רְתָּ תְּנָה־לִּ֖י מֶ֥לֶךְ וְשָׂרִֽים׃ Osée 8.4 1 Samuel 8.5-8.6 Osée 10.3 Psaumes 44.4 Zacharie 14.9
¹¹ אֶֽתֶּן־לְךָ֥ מֶ֨לֶךְ֙ בְּאַפִּ֔י וְאֶקַּ֖ח בְּעֶבְרָתִֽי׃ ס 1 Samuel 10.19 Proverbes 28.2 2 Rois 17.1-17.4 1 Samuel 16.1 1 Rois 14.7-14.16
¹² צָרוּר֙ עֲוֹ֣ן אֶפְרָ֔יִם צְפוּנָ֖ה חַטָּאתֹֽו׃ Deutéronome 32.34-32.35 Job 14.17 Romains 2.5 Job 21.19
¹³ חֶבְלֵ֥י יֹֽולֵדָ֖ה יָבֹ֣אוּ לֹ֑ו הוּא־בֵן֙ לֹ֣א חָכָ֔ם כִּֽי־עֵ֥ת לֹֽא־יַעֲמֹ֖ד בְּמִשְׁבַּ֥ר בָּנִֽים׃ Esaïe 13.8 Michée 4.9-4.10 Esaïe 37.3 2 Rois 19.3 1 Thessaloniciens 5.3
¹⁴ מִיַּ֤ד שְׁאֹול֙ אֶפְדֵּ֔ם מִמָּ֖וֶת אֶגְאָלֵ֑ם אֱהִ֨י דְבָרֶיךָ֜ מָ֗וֶת אֱהִ֤י קָֽטָבְךָ֙ שְׁאֹ֔ול נֹ֖חַם יִסָּתֵ֥ר מֵעֵינָֽי׃ Esaïe 25.8 Apocalypse 21.4 Psaumes 49.15 Esaïe 26.19 Psaumes 16.10
¹⁵ כִּ֣י ה֔וּא בֵּ֥ן אַחִ֖ים יַפְרִ֑יא יָבֹ֣וא קָדִים֩ ר֨וּחַ יְהוָ֜ה מִמִּדְבָּ֣ר עֹלֶ֗ה וְיֵבֹ֤ושׁ מְקֹורֹו֙ וְיֶחֱרַ֣ב מַעְיָנֹ֔ו ה֣וּא יִשְׁסֶ֔ה אֹוצַ֖ר כָּל־כְּלִ֥י חֶמְדָּֽה׃ Ezéchiel 19.12 Ezéchiel 17.10 Jérémie 4.11 Genèse 41.52 Genèse 49.22