Psaumes 7.13
Biblia Hebraica Stuttgartensia

¹ שִׁגָּיֹ֗ון לְדָ֫וִ֥ד אֲשֶׁר־שָׁ֥ר לַיהוָ֑ה עַל־דִּבְרֵי־כ֝֗וּשׁ בֶּן־יְמִינִֽי׃Psaumes 31.15 Habakuk 3.1 Psaumes 30.2 Psaumes 32.10 Psaumes 26.1
² (7.1) יְהוָ֣ה אֱ֭לֹהַי בְּךָ֣ חָסִ֑יתִי הֹושִׁיעֵ֥נִי מִכָּל־רֹ֝דְפַ֗י וְהַצִּילֵֽנִי׃Psaumes 50.22 Esaïe 38.13 Psaumes 35.15 2 Samuel 14.6 Deutéronome 33.20
³ (7.2) פֶּן־יִטְרֹ֣ף כְּאַרְיֵ֣ה נַפְשִׁ֑י פֹּ֝רֵ֗ק וְאֵ֣ין מַצִּֽיל׃1 Samuel 24.11 2 Samuel 16.7-16.8 Psaumes 59.3 1 Samuel 24.9 Job 16.17-16.19
⁴ (7.3) יְהוָ֣ה אֱ֭לֹהַי אִם־עָשִׂ֣יתִי זֹ֑את אִֽם־יֶשׁ־עָ֥וֶל בְּכַפָּֽי׃1 Samuel 24.7 Psaumes 55.20 Psaumes 109.5 1 Samuel 20.1 1 Samuel 24.17-24.19
⁵ (7.4) אִם־גָּ֭מַלְתִּי שֹֽׁולְמִ֥י רָ֑ע וָאֲחַלְּצָ֖ה צֹורְרִ֣י רֵיקָֽם׃Esaïe 10.6 Zacharie 10.5 Psaumes 3.2 Psaumes 44.5 Job 31.38-31.40
⁶ (7.5) יִֽרַדֹּ֥ף אֹויֵ֨ב׀ נַפְשִׁ֡י וְיַשֵּׂ֗ג וְיִרְמֹ֣ס לָאָ֣רֶץ חַיָּ֑י וּכְבֹודִ֓י׀ לֶעָפָ֖ר יַשְׁכֵּ֣ן סֶֽלָה׃Psaumes 44.23 Psaumes 3.7 Psaumes 35.23 Esaïe 33.10 Psaumes 44.26
⁷ (7.6) ק֘וּמָ֤ה יְהוָ֨ה׀ בְּאַפֶּ֗ךָ הִ֭נָּשֵׂא בְּעַבְרֹ֣ות צֹורְרָ֑י וְע֥וּרָה אֵ֝לַ֗י מִשְׁפָּ֥ט צִוִּֽיתָ׃Apocalypse 16.5-16.7 Psaumes 113.5-113.6 Apocalypse 19.2 Apocalypse 18.20 Psaumes 58.10-58.11
⁸ (7.7) וַעֲדַ֣ת לְ֭אֻמִּים תְּסֹובְבֶ֑ךָּ וְ֝עָלֶ֗יהָ לַמָּרֹ֥ום שֽׁוּבָה׃Romains 14.10-14.12 Psaumes 96.13 Psaumes 98.9 Psaumes 43.1 Psaumes 26.1
⁹ (7.8) יְהוָה֮ יָדִ֪ין עַ֫מִּ֥ים שָׁפְטֵ֥נִי יְהוָ֑ה כְּצִדְקִ֖י וּכְתֻמִּ֣י עָלָֽי׃Jérémie 11.20 Apocalypse 2.23 1 Chroniques 28.9 Psaumes 37.23 Psaumes 40.2
¹⁰ (7.9) יִגְמָר־נָ֬א רַ֨ע׀ רְשָׁעִים֮ וּתְכֹונֵ֪ן צַ֫דִּ֥יק וּבֹחֵ֣ן לִ֭בֹּ֗ות וּכְלָיֹ֗ות אֱלֹהִ֥ים צַדִּֽיק׃Psaumes 125.4 Proverbes 2.21 Psaumes 84.11 Proverbes 28.18 Proverbes 11.20
¹¹ (7.10) מָֽגִנִּ֥י עַל־אֱלֹהִ֑ים מֹ֝ושִׁ֗יעַ יִשְׁרֵי־לֵֽב׃Nahum 1.6 Nahum 1.2 Psaumes 94.15 Psaumes 50.6 Psaumes 7.8
¹² (7.11) אֱ֭לֹהִים שֹׁופֵ֣ט צַדִּ֑יק וְ֝אֵ֗ל זֹעֵ֥ם בְּכָל־יֹֽום׃Deutéronome 32.41 Esaïe 27.1 Esaïe 34.5 Esaïe 55.6-55.7 Ezéchiel 33.11
¹³ (7.12) אִם־לֹ֣א יָ֭שׁוּב חַרְבֹּ֣ו יִלְטֹ֑ושׁ קַשְׁתֹּ֥ו דָ֝רַ֗ךְ וַֽיְכֹונְנֶֽהָ׃Psaumes 45.5 Apocalypse 6.10 Psaumes 144.6 Psaumes 18.14 Habakuk 3.13
¹⁴ (7.13) וְ֭לֹו הֵכִ֣ין כְּלֵי־מָ֑וֶת חִ֝צָּ֗יו לְֽדֹלְקִ֥ים יִפְעָֽל׃Jacques 1.15 Job 15.35 Esaïe 33.11 Job 15.20 Esaïe 59.4-59.5
¹⁵ (7.14) הִנֵּ֥ה יְחַבֶּל־אָ֑וֶן וְהָרָ֥ה עָ֝מָ֗ל וְיָ֣לַד שָֽׁקֶר׃Job 4.8 Proverbes 26.27 Psaumes 35.7-35.8 Psaumes 119.85 Psaumes 141.10
¹⁶ (7.15) בֹּ֣ור כָּ֭רָֽה וַֽיַּחְפְּרֵ֑הוּ וַ֝יִּפֹּ֗ל בְּשַׁ֣חַת יִפְעָֽל׃Esther 9.25 1 Rois 2.32 Malachie 2.3-2.5 1 Samuel 23.9 1 Samuel 28.19
¹⁷ (7.16) יָשׁ֣וּב עֲמָלֹ֣ו בְרֹאשֹׁ֑ו וְעַ֥ל קָ֝דְקֳדֹ֗ו חֲמָסֹ֥ו יֵרֵֽד׃Psaumes 9.2 Psaumes 71.15-71.16 Psaumes 111.3 Psaumes 92.8 Actes 7.48
¹⁸ (7.17) אֹודֶ֣ה יְהוָ֣ה כְּצִדְקֹ֑ו וַ֝אֲזַמְּרָ֗ה שֵֽׁם־יְהוָ֥ה עֶלְיֹֽון׃