Psaumes 60
Biblia Hebraica Stuttgartensia

¹ לַ֭מְנַצֵּחַ עַל־שׁוּשַׁ֣ן עֵד֑וּת מִכְתָּ֖ם לְדָוִ֣ד לְלַמֵּֽד׃ Psaumes 44.9 Psaumes 80.3 Psaumes 60.10 2 Samuel 5.20 2 Samuel 10.16
² (60.1) בְּהַצֹּותֹ֨ו׀ אֶ֥ת אֲרַ֣ם נַהֲרַיִם֮ וְאֶת־אֲרַ֪ם צֹ֫ובָ֥ה וַיָּ֤שָׁב יֹואָ֗ב וַיַּ֣ךְ אֶת־אֱדֹ֣ום בְּגֵיא־מֶ֑לַח שְׁנֵ֖ים עָשָׂ֣ר אָֽלֶף׃ 2 Chroniques 7.14 Esaïe 30.26 Psaumes 114.7 Jérémie 30.17 Esaïe 7.8
³ (60.1) אֱ֭לֹהִים זְנַחְתָּ֣נוּ פְרַצְתָּ֑נוּ אָ֝נַ֗פְתָּ תְּשֹׁ֣ובֵ֥ב לָֽנוּ׃ Esaïe 51.22 Psaumes 71.20 Esaïe 51.17 Psaumes 75.8 Jérémie 25.15
⁴ (60.2) הִרְעַ֣שְׁתָּה אֶ֣רֶץ פְּצַמְתָּ֑הּ רְפָ֖ה שְׁבָרֶ֣יהָ כִי־מָֽטָה׃ Esaïe 11.12 Psaumes 20.5 Esaïe 5.26 Esaïe 59.19 Jérémie 5.1-5.3
⁵ (60.3) הִרְאִ֣יתָה עַמְּךָ֣ קָשָׁ֑ה הִ֝שְׁקִיתָ֗נוּ יַ֣יִן תַּרְעֵלָֽה׃ Psaumes 108.6-108.13 Psaumes 17.7 Psaumes 60.12 Matthieu 3.17 Psaumes 18.35
⁶ (60.4) נָ֘תַ֤תָּה לִּירֵאֶ֣יךָ נֵּ֭ס לְהִתְנֹוסֵ֑ס מִ֝פְּנֵ֗י קֹ֣שֶׁט סֶֽלָה׃ Genèse 12.6 Psaumes 89.35 Josué 13.27 Amos 4.2 Josué 1.6
⁷ (60.5) לְ֭מַעַן יֵחָלְצ֣וּן יְדִידֶ֑יךָ הֹושִׁ֖יעָה יְמִֽינְךָ֣ וַעֲנֵֽנִי׃ Genèse 49.10 Deutéronome 33.17 Josué 13.31 Josué 17.5-17.6 1 Samuel 28.2
⁸ (60.6) אֱלֹהִ֤ים׀ דִּבֶּ֥ר בְּקָדְשֹׁ֗ו אֶ֫עְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכֹּ֣ות אֲמַדֵּֽד׃ 2 Samuel 8.1-8.2 2 Samuel 8.14 1 Chroniques 18.13 1 Chroniques 18.1-18.2 Nombres 24.18
⁹ (60.7) לִ֤י גִלְעָ֨ד׀ וְלִ֬י מְנַשֶּׁ֗ה וְ֭אֶפְרַיִם מָעֹ֣וז רֹאשִׁ֑י יְ֝הוּדָ֗ה מְחֹֽקְקִי׃ 1 Chroniques 11.6 Juges 1.12 Juges 1.24-1.25 2 Samuel 11.1 2 Samuel 12.26-12.31
¹⁰ (60.8) מֹואָ֤ב׀ סִ֬יר רַחְצִ֗י עַל־אֱ֭דֹום אַשְׁלִ֣יךְ נַעֲלִ֑י עָ֝לַ֗י פְּלֶ֣שֶׁת הִתְרֹעָֽעִֽי׃ Psaumes 108.11 Josué 7.12 Psaumes 60.1 Psaumes 118.9-118.10 Esaïe 12.1-12.2
¹¹ (60.9) מִ֣י יֹ֭בִלֵנִי עִ֣יר מָצֹ֑ור מִ֖י נָחַ֣נִי עַד־אֱדֹֽום׃ Psaumes 146.3 Psaumes 124.1-124.3 Esaïe 31.3 Psaumes 25.22 Psaumes 130.8
¹² (60.10) הֲלֹֽא־אַתָּ֣ה אֱלֹהִ֣ים זְנַחְתָּ֑נוּ וְֽלֹא־תֵצֵ֥א אֱ֝לֹהִ֗ים בְּצִבְאֹותֵֽינוּ׃ Psaumes 44.5 Esaïe 63.3 Josué 1.9 Zacharie 10.5 2 Samuel 10.12
¹³ (60.11) הָֽבָה־לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָם׃ ¹⁴ (60.12) בֵּֽאלֹהִ֥ים נַעֲשֶׂה־חָ֑יִל וְ֝ה֗וּא יָב֥וּס צָרֵֽינוּ׃