Psaumes 60
Biblia Hebraica Stuttgartensia

¹ לַ֭מְנַצֵּחַ עַל־שׁוּשַׁ֣ן עֵד֑וּת מִכְתָּ֖ם לְדָוִ֣ד לְלַמֵּֽד׃ Psaumes 44.9 Psaumes 80.3 Psaumes 60.10 2 Samuel 10.16 2 Samuel 8.3
² (60.1) בְּהַצֹּותֹ֨ו׀ אֶ֥ת אֲרַ֣ם נַהֲרַיִם֮ וְאֶת־אֲרַ֪ם צֹ֫ובָ֥ה וַיָּ֤שָׁב יֹואָ֗ב וַיַּ֣ךְ אֶת־אֱדֹ֣ום בְּגֵיא־מֶ֑לַח שְׁנֵ֖ים עָשָׂ֣ר אָֽלֶף׃ 2 Chroniques 7.14 Esaïe 30.26 2 Samuel 3.11-3.14 Job 5.18 Jérémie 10.10
³ (60.1) אֱ֭לֹהִים זְנַחְתָּ֣נוּ פְרַצְתָּ֑נוּ אָ֝נַ֗פְתָּ תְּשֹׁ֣ובֵ֥ב לָֽנוּ׃ Psaumes 71.20 Esaïe 51.17 Esaïe 51.22 Psaumes 75.8 Jérémie 25.15
⁴ (60.2) הִרְעַ֣שְׁתָּה אֶ֣רֶץ פְּצַמְתָּ֑הּ רְפָ֖ה שְׁבָרֶ֣יהָ כִי־מָֽטָה׃ Psaumes 20.5 Esaïe 11.12 Esaïe 59.19 Jérémie 5.1-5.3 Esaïe 13.2
⁵ (60.3) הִרְאִ֣יתָה עַמְּךָ֣ קָשָׁ֑ה הִ֝שְׁקִיתָ֗נוּ יַ֣יִן תַּרְעֵלָֽה׃ Psaumes 108.6-108.13 Psaumes 17.7 Psaumes 60.12 Deutéronome 33.3 Deutéronome 33.12
⁶ (60.4) נָ֘תַ֤תָּה לִּירֵאֶ֣יךָ נֵּ֭ס לְהִתְנֹוסֵ֑ס מִ֝פְּנֵ֗י קֹ֣שֶׁט סֶֽלָה׃ Genèse 12.6 Psaumes 89.35 Josué 13.27 Josué 1.6 Amos 4.2
⁷ (60.5) לְ֭מַעַן יֵחָלְצ֣וּן יְדִידֶ֑יךָ הֹושִׁ֖יעָה יְמִֽינְךָ֣ וַעֲנֵֽנִי׃ Genèse 49.10 Deutéronome 33.17 Josué 13.31 Josué 17.1 1 Chroniques 12.37
⁸ (60.6) אֱלֹהִ֤ים׀ דִּבֶּ֥ר בְּקָדְשֹׁ֗ו אֶ֫עְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכֹּ֣ות אֲמַדֵּֽד׃ 2 Samuel 8.1-8.2 2 Samuel 8.14 1 Chroniques 18.1-18.2 Nombres 24.18 Psaumes 108.9-108.10
⁹ (60.7) לִ֤י גִלְעָ֨ד׀ וְלִ֬י מְנַשֶּׁ֗ה וְ֭אֶפְרַיִם מָעֹ֣וז רֹאשִׁ֑י יְ֝הוּדָ֗ה מְחֹֽקְקִי׃ Juges 1.24-1.25 2 Samuel 11.1 2 Samuel 12.26-12.31 1 Chroniques 11.17-11.19 1 Chroniques 11.6
¹⁰ (60.8) מֹואָ֤ב׀ סִ֬יר רַחְצִ֗י עַל־אֱ֭דֹום אַשְׁלִ֣יךְ נַעֲלִ֑י עָ֝לַ֗י פְּלֶ֣שֶׁת הִתְרֹעָֽעִֽי׃ Psaumes 108.11 Josué 7.12 Psaumes 60.1 Psaumes 44.5-44.9 Josué 10.42
¹¹ (60.9) מִ֣י יֹ֭בִלֵנִי עִ֣יר מָצֹ֑ור מִ֖י נָחַ֣נִי עַד־אֱדֹֽום׃ Psaumes 146.3 Psaumes 25.22 Psaumes 130.8 Esaïe 30.7 Psaumes 62.1
¹² (60.10) הֲלֹֽא־אַתָּ֣ה אֱלֹהִ֣ים זְנַחְתָּ֑נוּ וְֽלֹא־תֵצֵ֥א אֱ֝לֹהִ֗ים בְּצִבְאֹותֵֽינוּ׃ Psaumes 44.5 Esaïe 63.3 Zacharie 10.5 2 Samuel 10.12 Apocalypse 19.15
¹³ (60.11) הָֽבָה־לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָם׃ ¹⁴ (60.12) בֵּֽאלֹהִ֥ים נַעֲשֶׂה־חָ֑יִל וְ֝ה֗וּא יָב֥וּס צָרֵֽינוּ׃