Psaumes 57.5
Biblia Hebraica Stuttgartensia

Confiance dans la difficulté

¹ לַמְנַצֵּ֣חַ אַל־תַּ֭שְׁחֵת לְדָוִ֣ד מִכְתָּ֑ם בְּבָרְחֹ֥ו מִפְּנֵי־שָׁ֝א֗וּל בַּמְּעָרָֽה׃
Psaumes 91.4 Esaïe 26.20 Psaumes 36.7 Ruth 2.12 Psaumes 56.1
² (57.1) חָנֵּ֤נִי אֱלֹהִ֨ים׀ חָנֵּ֗נִי כִּ֥י בְךָ֮ חָסָ֪יָה נַ֫פְשִׁ֥י וּבְצֵֽל־כְּנָפֶ֥יךָ אֶחְסֶ֑ה עַ֝֗ד יַעֲבֹ֥ר הַוֹּֽות׃
Psaumes 138.8 Philippiens 1.6 Hébreux 13.21 Esaïe 26.12 Philippiens 2.12
³ (57.2) אֶ֭קְרָא לֵֽאלֹהִ֣ים עֶלְיֹ֑ון לָ֝אֵ֗ל גֹּמֵ֥ר עָלָֽי׃
Psaumes 40.11 Psaumes 56.1-56.2 Psaumes 43.3 Michée 3.2-3.3 Matthieu 28.2-28.6
⁴ (57.3) יִשְׁלַ֤ח מִשָּׁמַ֨יִם׀ וְֽיֹושִׁיעֵ֗נִי חֵרֵ֣ף שֹׁאֲפִ֣י סֶ֑לָה יִשְׁלַ֥ח אֱ֝לֹהִ֗ים חַסְדֹּ֥ו וַאֲמִתֹּֽו׃
Psaumes 58.6 Psaumes 55.21 Proverbes 12.18 Psaumes 35.17 Proverbes 30.14
⁵ (57.4) נַפְשִׁ֤י׀ בְּתֹ֥וךְ לְבָאִם֮ אֶשְׁכְּבָ֪ה לֹ֫הֲטִ֥ים בְּֽנֵי־אָדָ֗ם שִׁ֭נֵּיהֶם חֲנִ֣ית וְחִצִּ֑ים וּ֝לְשֹׁונָ֗ם חֶ֣רֶב חַדָּֽה׃
Habakuk 2.14 Esaïe 6.3 Psaumes 72.19 Psaumes 57.11 Nombres 14.21
⁶ (57.5) ר֣וּמָה עַל־הַשָּׁמַ֣יִם אֱלֹהִ֑ים עַ֖ל כָּל־הָאָ֣רֶץ כְּבֹודֶֽךָ׃
Psaumes 145.14 Psaumes 140.5 1 Samuel 23.22-23.26 Matthieu 26.37-26.38 Psaumes 42.6
⁷ (57.6) רֶ֤שֶׁת׀ הֵכִ֣ינוּ לִפְעָמַי֮ כָּפַ֪ף נַ֫פְשִׁ֥י כָּר֣וּ לְפָנַ֣י שִׁיחָ֑ה נָפְל֖וּ בְתֹוכָ֣הּ סֶֽלָה׃
Psaumes 112.7 Psaumes 34.4 Ephésiens 5.20 Romains 5.3 Psaumes 108.1-108.5
⁸ (57.7) נָ֘כֹ֤ון לִבִּ֣י אֱ֭לֹהִים נָכֹ֣ון לִבִּ֑י אָ֝שִׁ֗ירָה וַאֲזַמֵּֽרָה׃
Psaumes 16.9 Psaumes 30.12 Juges 5.12 Actes 2.26 Esaïe 52.1
⁹ (57.8) ע֤וּרָה כְבֹודִ֗י ע֭וּרָֽה הַנֵּ֥בֶל וְכִנֹּ֗ור אָעִ֥ירָה שָּֽׁחַר׃
Psaumes 96.3 Psaumes 138.1 Psaumes 22.22-22.23 Psaumes 18.49 Psaumes 2.1
¹⁰ (57.9) אֹודְךָ֖ בָעַמִּ֥ים׀ אֲדֹנָ֑י אֲ֝זַמֶּרְךָ֗ בַּל־אֻמִּֽים׃
Psaumes 103.11 Psaumes 36.5 Psaumes 108.4 Psaumes 71.19 Esaïe 54.7-54.10
¹¹ (57.10) כִּֽי־גָדֹ֣ל עַד־שָׁמַ֣יִם חַסְדֶּ֑ךָ וְֽעַד־שְׁחָקִ֥ים אֲמִתֶּֽךָ׃
Psaumes 57.5 Apocalypse 15.3-15.4 Psaumes 8.1 Psaumes 8.9
¹² (57.11) ר֣וּמָה עַל־שָׁמַ֣יִם אֱלֹהִ֑ים עַ֖ל כָּל־הָאָ֣רֶץ כְּבֹודֶֽךָ׃