Psaumes 55.19
Biblia Hebraica Stuttgartensia

Confiance du psalmiste trahie par un ami

¹ לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃
Psaumes 61.1 1 Pierre 3.12 Psaumes 17.1 Psaumes 54.1-54.2 Psaumes 86.6
² (55.1) הַאֲזִ֣ינָה אֱ֭לֹהִים תְּפִלָּתִ֑י וְאַל־תִּ֝תְעַלַּ֗ם מִתְּחִנָּתִֽי׃
Esaïe 38.14 Esaïe 59.11 Psaumes 64.1 Psaumes 38.6 Psaumes 102.9-102.10
³ (55.2) הַקְשִׁ֣יבָה לִּ֣י וַעֲנֵ֑נִי אָרִ֖יד בְּשִׂיחִ֣י וְאָהִֽימָה׃
2 Samuel 16.7-16.8 2 Samuel 19.19 Psaumes 12.5 Matthieu 26.59 Psaumes 35.11
⁴ (55.3) מִקֹּ֤ול אֹויֵ֗ב מִפְּנֵ֣י עָקַ֣ת רָשָׁ֑ע כִּי־יָמִ֥יטוּ עָלַ֥י אָ֝֗וֶן וּבְאַ֥ף יִשְׂטְמֽוּנִי׃
Psaumes 116.3 Psaumes 18.4-18.5 Psaumes 88.3 Jean 12.27 Psaumes 102.3-102.5
⁵ (55.4) לִ֭בִּי יָחִ֣יל בְּקִרְבִּ֑י וְאֵימֹ֥ות מָ֝֗וֶת נָפְל֥וּ עָלָֽי׃
Psaumes 119.120 Job 21.6 Psaumes 88.15-88.16 Psaumes 42.6 Luc 22.44
⁶ (55.5) יִרְאָ֣ה וָ֭רַעַד יָ֣בֹא בִ֑י וַ֝תְּכַסֵּ֗נִי פַּלָּצֽוּת׃
Apocalypse 12.14 Psaumes 11.1 Psaumes 139.9
⁷ (55.6) וָאֹמַ֗ר מִֽי־יִתֶּן־לִּ֣י אֵ֭בֶר כַּיֹּונָ֗ה אָע֥וּפָה וְאֶשְׁכֹּֽנָה׃
Jérémie 9.2 Jérémie 37.12 1 Samuel 27.1 Proverbes 6.4-6.5 2 Samuel 15.14
⁸ (55.7) הִ֭נֵּה אַרְחִ֣יק נְדֹ֑ד אָלִ֖ין בַּמִּדְבָּ֣ר סֶֽלָה׃
Esaïe 4.6 Matthieu 7.25-7.27 Esaïe 17.12-17.13 Psaumes 18.4
⁹ (55.8) אָחִ֣ישָׁה מִפְלָ֣ט לִ֑י מֵר֖וּחַ סֹעָ֣ה מִסָּֽעַר׃
Jérémie 6.7 2 Samuel 15.31 2 Samuel 17.1-17.14 Genèse 11.7-11.9 Matthieu 23.37-23.38
¹⁰ (55.9) בַּלַּ֣ע אֲ֭דֹנָי פַּלַּ֣ג לְשֹׁונָ֑ם כִּֽי־רָאִ֨יתִי חָמָ֖ס וְרִ֣יב בָּעִֽיר׃
Psaumes 59.14-59.15 2 Samuel 16.21-16.22 Psaumes 59.6 Ezéchiel 9.4 Michée 2.1-2.2
¹¹ (55.10) יֹומָ֤ם וָלַ֗יְלָה יְסֹובְבֻ֥הָ עַל־חֹומֹתֶ֑יהָ וְאָ֖וֶן וְעָמָ֣ל בְּקִרְבָּֽהּ׃
Jérémie 5.26-5.27 Psaumes 10.7 Ezéchiel 22.1-22.12 Jérémie 9.3-9.5 Psaumes 109.2-109.3
¹² (55.11) הַוֹּ֥ות בְּקִרְבָּ֑הּ וְֽלֹא־יָמִ֥ישׁ מֵ֝רְחֹבָ֗הּ תֹּ֣ךְ וּמִרְמָֽה׃
Psaumes 41.9 Matthieu 26.21-26.23 Jean 13.18 Psaumes 35.26 Jean 18.2-18.3
¹³ (55.12) כִּ֤י לֹֽא־אֹויֵ֥ב יְחָֽרְפֵ֗נִי וְאֶ֫שָּׂ֥א לֹֽא־מְ֭שַׂנְאִי עָלַ֣י הִגְדִּ֑יל וְאֶסָּתֵ֥ר מִמֶּֽנּוּ׃
2 Samuel 15.12 Psaumes 41.9 Michée 7.5 2 Samuel 16.23 Jérémie 9.4
¹⁴ (55.13) וְאַתָּ֣ה אֱנֹ֣ושׁ כְּעֶרְכִּ֑י אַ֝לּוּפִ֗י וּמְיֻדָּֽעִי׃
Psaumes 42.4 Esaïe 2.3 Ezéchiel 33.31 Psaumes 122.1
¹⁵ (55.14) אֲשֶׁ֣ר יַ֭חְדָּו נַמְתִּ֣יק סֹ֑וד בְּבֵ֥ית אֱ֝לֹהִ֗ים נְהַלֵּ֥ךְ בְּרָֽגֶשׁ׃
2 Samuel 18.9 Psaumes 59.13 Psaumes 109.6-109.20 Psaumes 9.17 2 Samuel 18.14
¹⁶ (55.15) יַשִּׁ֤י מָ֨וֶת ׀ עָלֵ֗ימֹו יֵרְד֣וּ שְׁאֹ֣ול חַיִּ֑ים כִּֽי־רָעֹ֖ות בִּמְגוּרָ֣ם בְּקִרְבָּֽם׃
Psaumes 50.15 Psaumes 109.4 Psaumes 73.28 Psaumes 91.15 Luc 6.11-6.12
¹⁷ (55.16) אֲ֭נִי אֶל־אֱלֹהִ֣ים אֶקְרָ֑א וַ֝יהוָ֗ה יֹושִׁיעֵֽנִי׃
Actes 3.1 Ephésiens 6.18 Psaumes 141.2 1 Thessaloniciens 5.17 Actes 10.30
¹⁸ (55.17) עֶ֤רֶב וָבֹ֣קֶר וְ֭צָהֳרַיִם אָשִׂ֣יחָה וְאֶהֱמֶ֑ה וַיִּשְׁמַ֥ע קֹולִֽי׃
Psaumes 57.3 Psaumes 118.10-118.12 2 Rois 6.16 Psaumes 56.2 Actes 2.33-2.36
¹⁹ (55.18) פָּ֘דָ֤ה בְשָׁלֹ֣ום נַ֭פְשִׁי מִקֲּרָב־לִ֑י כִּֽי־בְ֝רַבִּ֗ים הָי֥וּ עִמָּדִֽי׃
Deutéronome 33.27 Sophonie 1.12 Apocalypse 6.10-6.11 Colossiens 1.17 Esaïe 36.20
²⁰ (55.19) יִשְׁמַ֤ע׀ אֵ֨ל׀ וְֽיַעֲנֵם֮ וְיֹ֤שֵׁ֥ב קֶ֗דֶם סֶ֥לָה אֲשֶׁ֤ר אֵ֣ין חֲלִיפֹ֣ות לָ֑מֹו וְלֹ֖א יָרְא֣וּ אֱלֹהִֽים׃
Psaumes 7.4 Psaumes 89.34 Actes 12.1 1 Samuel 24.10 Ezéchiel 17.16-17.19
²¹ (55.20) שָׁלַ֣ח יָ֭דָיו בִּשְׁלֹמָ֗יו חִלֵּ֥ל בְּרִיתֹֽו׃
Psaumes 28.3 Proverbes 5.3-5.4 Psaumes 57.4 Proverbes 26.28 Psaumes 59.7
²² (55.21) חָלְק֤וּ׀ מַחְמָאֹ֣ת פִּיו֮ וּֽקֲרָב־לִ֫בֹּ֥ו רַכּ֖וּ דְבָרָ֥יו מִשֶּׁ֗מֶן וְהֵ֣מָּה פְתִחֹֽות׃
Psaumes 37.5 1 Pierre 5.7 Matthieu 6.25 Philippiens 4.6-4.7 Psaumes 37.24
²³ (55.22) הַשְׁלֵ֤ךְ עַל־יְהוָ֨ה׀ יְהָבְךָ֮ וְה֪וּא יְכַ֫לְכְּלֶ֥ךָ לֹא־יִתֵּ֖ן לְעֹולָ֥ם מֹ֗וט לַצַּדִּֽיק׃
Job 15.32 Psaumes 5.6 Proverbes 10.27 Esaïe 38.17 Psaumes 73.18
²⁴ (55.23) וְאַתָּ֤ה אֱלֹהִ֨ים׀ תֹּורִדֵ֬ם׀ לִבְאֵ֬ר שַׁ֗חַת אַנְשֵׁ֤י דָמִ֣ים וּ֭מִרְמָה לֹא־יֶחֱצ֣וּ יְמֵיהֶ֑ם וַ֝אֲנִ֗י אֶבְטַח־בָּֽךְ׃