Psaumes 55.1
Biblia Hebraica Stuttgartensia

Confiance du psalmiste trahie par un ami

¹ לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃
Psaumes 61.1 Lamentations 3.8 Psaumes 84.8 Psaumes 5.1 Psaumes 143.7
² (55.1) הַאֲזִ֣ינָה אֱ֭לֹהִים תְּפִלָּתִ֑י וְאַל־תִּ֝תְעַלַּ֗ם מִתְּחִנָּתִֽי׃
Esaïe 38.14 Esaïe 59.11 Psaumes 102.9-102.10 Psaumes 43.2 Psaumes 13.1-13.2
³ (55.2) הַקְשִׁ֣יבָה לִּ֣י וַעֲנֵ֑נִי אָרִ֖יד בְּשִׂיחִ֣י וְאָהִֽימָה׃
2 Samuel 16.7-16.8 Psaumes 54.3 2 Samuel 15.3 Psaumes 17.9 Psaumes 27.12
⁴ (55.3) מִקֹּ֤ול אֹויֵ֗ב מִפְּנֵ֣י עָקַ֣ת רָשָׁ֑ע כִּי־יָמִ֥יטוּ עָלַ֥י אָ֝֗וֶן וּבְאַ֥ף יִשְׂטְמֽוּנִי׃
Psaumes 116.3 Psaumes 18.4-18.5 2 Corinthiens 1.8-1.10 Psaumes 69.20 Hébreux 5.7
⁵ (55.4) לִ֭בִּי יָחִ֣יל בְּקִרְבִּ֑י וְאֵימֹ֥ות מָ֝֗וֶת נָפְל֥וּ עָלָֽי׃
Psaumes 119.120 Job 21.6 Ezéchiel 7.18 Esaïe 21.4 Job 23.15-23.16
⁶ (55.5) יִרְאָ֣ה וָ֭רַעַד יָ֣בֹא בִ֑י וַ֝תְּכַסֵּ֗נִי פַּלָּצֽוּת׃
Apocalypse 12.14 Psaumes 139.9 Psaumes 11.1
⁷ (55.6) וָאֹמַ֗ר מִֽי־יִתֶּן־לִּ֣י אֵ֭בֶר כַּיֹּונָ֗ה אָע֥וּפָה וְאֶשְׁכֹּֽנָה׃
Jérémie 9.2 2 Samuel 17.21-17.22 Jérémie 37.12 1 Samuel 27.1 Proverbes 6.4-6.5
⁸ (55.7) הִ֭נֵּה אַרְחִ֣יק נְדֹ֑ד אָלִ֖ין בַּמִּדְבָּ֣ר סֶֽלָה׃
Esaïe 4.6 Matthieu 7.25-7.27 Esaïe 17.12-17.13 Psaumes 18.4
⁹ (55.8) אָחִ֣ישָׁה מִפְלָ֣ט לִ֑י מֵר֖וּחַ סֹעָ֣ה מִסָּֽעַר׃
Jérémie 6.7 Actes 23.6-23.10 Jean 7.45-7.53 Jérémie 23.14 2 Samuel 15.31
¹⁰ (55.9) בַּלַּ֣ע אֲ֭דֹנָי פַּלַּ֣ג לְשֹׁונָ֑ם כִּֽי־רָאִ֨יתִי חָמָ֖ס וְרִ֣יב בָּעִֽיר׃
Psaumes 59.14-59.15 Michée 2.1-2.2 Sophonie 3.1-3.3 Osée 7.6 2 Samuel 17.1-17.2
¹¹ (55.10) יֹומָ֤ם וָלַ֗יְלָה יְסֹובְבֻ֥הָ עַל־חֹומֹתֶ֑יהָ וְאָ֖וֶן וְעָמָ֣ל בְּקִרְבָּֽהּ׃
Psaumes 10.7 Jérémie 5.26-5.27 Matthieu 26.4 Actes 7.51-7.52 Psaumes 5.9
¹² (55.11) הַוֹּ֥ות בְּקִרְבָּ֑הּ וְֽלֹא־יָמִ֥ישׁ מֵ֝רְחֹבָ֗הּ תֹּ֣ךְ וּמִרְמָֽה׃
Psaumes 41.9 Jean 13.18 Psaumes 35.26 Matthieu 26.21-26.23 Psaumes 38.16
¹³ (55.12) כִּ֤י לֹֽא־אֹויֵ֥ב יְחָֽרְפֵ֗נִי וְאֶ֫שָּׂ֥א לֹֽא־מְ֭שַׂנְאִי עָלַ֣י הִגְדִּ֑יל וְאֶסָּתֵ֥ר מִמֶּֽנּוּ׃
2 Samuel 15.12 Psaumes 41.9 2 Samuel 16.23 Jérémie 9.4 Michée 7.5
¹⁴ (55.13) וְאַתָּ֣ה אֱנֹ֣ושׁ כְּעֶרְכִּ֑י אַ֝לּוּפִ֗י וּמְיֻדָּֽעִי׃
Psaumes 42.4 Psaumes 122.1 Esaïe 2.3 Ezéchiel 33.31
¹⁵ (55.14) אֲשֶׁ֣ר יַ֭חְדָּו נַמְתִּ֣יק סֹ֑וד בְּבֵ֥ית אֱ֝לֹהִ֗ים נְהַלֵּ֥ךְ בְּרָֽגֶשׁ׃
2 Samuel 18.14 Actes 1.25 Matthieu 27.5 Actes 1.18-1.20 Nombres 16.30-16.34
¹⁶ (55.15) יַשִּׁ֤י מָ֨וֶת ׀ עָלֵ֗ימֹו יֵרְד֣וּ שְׁאֹ֣ול חַיִּ֑ים כִּֽי־רָעֹ֖ות בִּמְגוּרָ֣ם בְּקִרְבָּֽם׃
Luc 6.11-6.12 Psaumes 50.15 Psaumes 109.4 Psaumes 73.28 Psaumes 91.15
¹⁷ (55.16) אֲ֭נִי אֶל־אֱלֹהִ֣ים אֶקְרָ֑א וַ֝יהוָ֗ה יֹושִׁיעֵֽנִי׃
Actes 3.1 1 Thessaloniciens 5.17 Ephésiens 6.18 Psaumes 141.2 Hébreux 5.7
¹⁸ (55.17) עֶ֤רֶב וָבֹ֣קֶר וְ֭צָהֳרַיִם אָשִׂ֣יחָה וְאֶהֱמֶ֑ה וַיִּשְׁמַ֥ע קֹולִֽי׃
Actes 2.33-2.36 2 Chroniques 32.7-32.8 Psaumes 27.1-27.3 Psaumes 3.6-3.7 2 Samuel 18.28
¹⁹ (55.18) פָּ֘דָ֤ה בְשָׁלֹ֣ום נַ֭פְשִׁי מִקֲּרָב־לִ֑י כִּֽי־בְ֝רַבִּ֗ים הָי֥וּ עִמָּדִֽי׃
Deutéronome 33.27 Proverbes 1.32 Michée 5.2 Ecclésiaste 8.11 Jérémie 48.11
²⁰ (55.19) יִשְׁמַ֤ע׀ אֵ֨ל׀ וְֽיַעֲנֵם֮ וְיֹ֤שֵׁ֥ב קֶ֗דֶם סֶ֥לָה אֲשֶׁ֤ר אֵ֣ין חֲלִיפֹ֣ות לָ֑מֹו וְלֹ֖א יָרְא֣וּ אֱלֹהִֽים׃
Psaumes 89.34 Psaumes 7.4 Actes 12.1 2 Samuel 15.10-15.12 2 Samuel 14.32-14.33
²¹ (55.20) שָׁלַ֣ח יָ֭דָיו בִּשְׁלֹמָ֗יו חִלֵּ֥ל בְּרִיתֹֽו׃
Psaumes 28.3 Proverbes 5.3-5.4 Psaumes 57.4 Luc 20.20-20.21 Matthieu 26.25
²² (55.21) חָלְק֤וּ׀ מַחְמָאֹ֣ת פִּיו֮ וּֽקֲרָב־לִ֫בֹּ֥ו רַכּ֖וּ דְבָרָ֥יו מִשֶּׁ֗מֶן וְהֵ֣מָּה פְתִחֹֽות׃
Psaumes 37.5 1 Pierre 5.7 Matthieu 6.25 Philippiens 4.6-4.7 Psaumes 37.24
²³ (55.22) הַשְׁלֵ֤ךְ עַל־יְהוָ֨ה׀ יְהָבְךָ֮ וְה֪וּא יְכַ֫לְכְּלֶ֥ךָ לֹא־יִתֵּ֖ן לְעֹולָ֥ם מֹ֗וט לַצַּדִּֽיק׃
Psaumes 5.6 Proverbes 10.27 Job 15.32 Esaïe 38.17 Proverbes 15.11
²⁴ (55.23) וְאַתָּ֤ה אֱלֹהִ֨ים׀ תֹּורִדֵ֬ם׀ לִבְאֵ֬ר שַׁ֗חַת אַנְשֵׁ֤י דָמִ֣ים וּ֭מִרְמָה לֹא־יֶחֱצ֣וּ יְמֵיהֶ֑ם וַ֝אֲנִ֗י אֶבְטַח־בָּֽךְ׃