Psaumes 48.12
Biblia Hebraica Stuttgartensia

¹ שִׁ֥יר מִ֝זְמֹור לִבְנֵי־קֹֽרַח׃Michée 4.1 Zacharie 8.3 Psaumes 46.4 Psaumes 145.3 Esaïe 2.2-2.3
² (48.1) גָּ֘דֹ֤ול יְהוָ֣ה וּמְהֻלָּ֣ל מְאֹ֑ד בְּעִ֥יר אֱ֝לֹהֵ֗ינוּ הַר־קָדְשֹֽׁו׃Psaumes 50.2 Matthieu 5.35 Lamentations 2.15 Esaïe 14.13 Ezéchiel 20.6
³ (48.2) יְפֵ֥ה נֹוף֮ מְשֹׂ֪ושׂ כָּל־הָ֫אָ֥רֶץ הַר־צִ֭יֹּון יַרְכְּתֵ֣י צָפֹ֑ון קִ֝רְיַ֗ת מֶ֣לֶךְ רָֽב׃Esaïe 4.5-4.6 2 Chroniques 14.9-14.15 Zacharie 2.4-2.5 Psaumes 46.7 Esaïe 37.33-37.36
⁴ (48.3) אֱלֹהִ֥ים בְּאַרְמְנֹותֶ֗יהָ נֹודַ֥ע לְמִשְׂגָּֽב׃2 Samuel 10.6-10.19 Apocalypse 17.12-17.14 Psaumes 83.2-83.8 Esaïe 8.8-8.10 Apocalypse 19.20
⁵ (48.4) כִּֽי־הִנֵּ֣ה הַ֭מְּלָכִים נֹֽועֲד֑וּ עָבְר֥וּ יַחְדָּֽו׃Exode 14.25 2 Rois 7.6-7.7 2 Rois 19.35-19.37
⁶ (48.5) הֵ֣מָּה רָ֭אוּ כֵּ֣ן תָּמָ֑הוּ נִבְהֲל֥וּ נֶחְפָּֽזוּ׃Osée 13.13 Esaïe 13.6-13.8 Jérémie 30.6-30.7 Exode 15.15-15.16 Esaïe 21.3
⁷ (48.6) רְ֭עָדָה אֲחָזָ֣תַם שָׁ֑ם חִ֝֗יל כַּיֹּולֵֽדָה׃Jérémie 18.17 1 Rois 22.48 Ezéchiel 27.25-27.26 Esaïe 2.16 1 Rois 10.22
⁸ (48.7) בְּר֥וּחַ קָדִ֑ים תְּ֝שַׁבֵּ֗ר אֳנִיֹּ֥ות תַּרְשִֽׁישׁ׃Psaumes 87.5 Psaumes 48.1-48.2 Esaïe 2.2 Michée 4.1 Matthieu 16.18
⁹ (48.8) כַּאֲשֶׁ֤ר שָׁמַ֨עְנוּ׀ כֵּ֤ן רָאִ֗ינוּ בְּעִיר־יְהוָ֣ה צְ֭בָאֹות בְּעִ֣יר אֱלֹהֵ֑ינוּ אֱלֹ֘הִ֤ים יְכֹונְנֶ֖הָ עַד־עֹולָ֣ם סֶֽלָה׃Psaumes 26.3 Psaumes 40.10 Cantique 1.4 Psaumes 77.10-77.14 Psaumes 63.2-63.3
¹⁰ (48.9) דִּמִּ֣ינוּ אֱלֹהִ֣ים חַסְדֶּ֑ךָ בְּ֝קֶ֗רֶב הֵיכָלֶֽךָ׃Deutéronome 28.58 Josué 7.9 Malachie 1.11 Psaumes 113.3 Malachie 1.14
¹¹ (48.10) כְּשִׁמְךָ֤ אֱלֹהִ֗ים כֵּ֣ן תְּ֭הִלָּתְךָ עַל־קַצְוֵי־אֶ֑רֶץ צֶ֝֗דֶק מָלְאָ֥ה יְמִינֶֽךָ׃Psaumes 97.8 Cantique 5.16 Psaumes 58.10 Zacharie 9.9 Cantique 3.5
¹² (48.11) יִשְׂמַ֤ח׀ הַר־צִיֹּ֗ון תָּ֭גֵלְנָה בְּנֹ֣ות יְהוּדָ֑ה לְ֝מַ֗עַן מִשְׁפָּטֶֽיךָ׃Matthieu 24.1-24.2 Néhémie 12.31-12.40 Esaïe 33.18-33.20
¹³ (48.12) סֹ֣בּוּ צִ֭יֹּון וְהַקִּיפ֑וּהָ סִ֝פְר֗וּ מִגְדָּלֶֽיהָ׃Psaumes 122.7 Deutéronome 11.19 Esaïe 58.12 Psaumes 71.18 Actes 15.14-15.16
¹⁴ (48.13) שִׁ֤יתוּ לִבְּכֶ֨ם׀ לְֽחֵילָ֗ה פַּסְּג֥וּ אַרְמְנֹותֶ֑יהָ לְמַ֥עַן תְּ֝סַפְּר֗וּ לְדֹ֣ור אַחֲרֹֽון׃Psaumes 23.3-23.4 Psaumes 73.24 Esaïe 58.11 Psaumes 25.9 Lamentations 3.21
¹⁵ (48.14) כִּ֤י זֶ֨ה׀ אֱלֹהִ֣ים אֱ֭לֹהֵינוּ עֹולָ֣ם וָעֶ֑ד ה֖וּא יְנַהֲגֵ֣נוּ עַל־מֽוּת׃