Psaumes 31.23
Biblia Hebraica Stuttgartensia

¹ לַמְנַצֵּ֗חַ מִזְמֹ֥ור לְדָוִֽד׃Romains 10.11 Psaumes 25.2 Psaumes 143.1 Psaumes 71.1-71.3 Psaumes 22.4-22.5
² (31.1) בְּךָ֖ יְהוָ֣ה חָ֭סִיתִי אַל־אֵבֹ֣ושָׁה לְעֹולָ֑ם בְּצִדְקָתְךָ֥ פַלְּטֵֽנִי׃Psaumes 102.2 Deutéronome 32.31 Psaumes 86.1 Psaumes 71.2-71.3 Psaumes 69.17
³ (31.2) הַטֵּ֤ה אֵלַ֨י׀ אָזְנְךָ֮ מְהֵרָ֪ה הַצִּ֫ילֵ֥נִי הֱיֵ֤ה לִ֨י׀ לְֽצוּר־מָ֭עֹוז לְבֵ֥ית מְצוּדֹ֗ות לְהֹושִׁיעֵֽנִי׃Psaumes 25.5 Psaumes 43.3 Psaumes 139.24 Josué 7.9 Psaumes 25.9
⁴ (31.3) כִּֽי־סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃Psaumes 25.15 Psaumes 19.14 Psaumes 57.6 Psaumes 35.7 2 Timothée 2.26
⁵ (31.4) תֹּוצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּֽי־אַ֝תָּה מָֽעוּזִּֽי׃Luc 23.46 Actes 7.59 Deutéronome 32.4 Psaumes 71.23 Tite 2.14
⁶ (31.5) בְּיָדְךָ֮ אַפְקִ֪יד ר֫וּחִ֥י פָּדִ֖יתָה אֹותִ֥י יְהוָ֗ה אֵ֣ל אֱמֶֽת׃Psaumes 26.5 Jonas 2.8 1 Corinthiens 10.20 Psaumes 24.4 1 Corinthiens 8.4
⁷ (31.6) שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא וַ֝אֲנִ֗י אֶל־יְהוָ֥ה בָּטָֽחְתִּי׃Esaïe 63.9 Psaumes 1.6 Psaumes 119.153 Esaïe 49.13 Psaumes 90.14
⁸ (31.7) אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עָנְיִ֑י יָ֝דַ֗עְתָּ בְּצָרֹ֥ות נַפְשִֽׁי׃Deutéronome 32.30 Job 36.16 Psaumes 18.19 Psaumes 88.8 1 Samuel 24.18
⁹ (31.8) וְלֹ֣א הִ֭סְגַּרְתַּנִי בְּיַד־אֹויֵ֑ב הֶֽעֱמַ֖דְתָּ בַמֶּרְחָ֣ב רַגְלָֽי׃Psaumes 6.7 Psaumes 88.9 Job 17.7 Psaumes 88.3-88.5 Psaumes 73.14
¹⁰ (31.9) חָנֵּ֥נִי יְהוָה֮ כִּ֤י צַ֫ר־לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃Psaumes 38.3 Psaumes 32.3-32.4 Psaumes 13.2 Psaumes 78.33 Romains 9.2
¹¹ (31.10) כִּ֤י כָל֪וּ בְיָגֹ֡ון חַיַּי֮ וּשְׁנֹותַ֪י בַּאֲנָ֫חָ֥ה כָּשַׁ֣ל בַּעֲוֹנִ֣י כֹחִ֑י וַעֲצָמַ֥י עָשֵֽׁשׁוּ׃Psaumes 38.11 Psaumes 88.8 Psaumes 64.8 Psaumes 69.19-69.20 Esaïe 49.7
¹² (31.11) מִכָּל־צֹרְרַ֨י הָיִ֪יתִי חֶרְפָּ֡ה וְלִשֲׁכֵנַ֨י׀ מְאֹד֮ וּפַ֪חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃Esaïe 30.14 Psaumes 88.4-88.5 Psaumes 119.83 Romains 9.21-9.22 Esaïe 38.11-38.12
¹³ (31.12) נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃Matthieu 27.1 Jérémie 20.10 Lamentations 2.22 2 Samuel 17.1-17.4 Luc 23.1-23.2
¹⁴ (31.13) כִּ֤י שָׁמַ֨עְתִּי׀ דִּבַּ֥ת רַבִּים֮ מָגֹ֪ור מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃Psaumes 56.3-56.4 Psaumes 43.5 Psaumes 63.1 Psaumes 71.12 Psaumes 71.22
¹⁵ (31.14) וַאֲנִ֤י׀ עָלֶ֣יךָ בָטַ֣חְתִּי יְהוָ֑ה אָ֝מַ֗רְתִּי אֱלֹהַ֥י אָֽתָּה׃Job 24.1 Jean 7.6 2 Samuel 7.12 Actes 1.7 Jean 17.1
¹⁶ (31.15) בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־אֹ֝ויְבַ֗י וּמֵרֹדְפָֽי׃Psaumes 4.6 Psaumes 80.3 Psaumes 6.4 Ephésiens 1.6-1.7 Romains 9.15
¹⁷ (31.16) הָאִ֣ירָה פָ֭נֶיךָ עַל־עַבְדֶּ֑ךָ הֹ֖ושִׁיעֵ֣נִי בְחַסְדֶּֽךָ׃Psaumes 25.2-25.3 Esaïe 41.11-41.12 Psaumes 115.17 1 Samuel 2.9 Psaumes 40.14-40.15
¹⁸ (31.17) יְֽהוָ֗ה אַל־אֵ֭בֹושָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֹֽול׃Jude 1.15 Psaumes 94.4 1 Samuel 2.3 Esaïe 54.17 Psaumes 123.3-123.4
¹⁹ (31.18) תֵּ֥אָלַ֗מְנָה שִׂפְתֵ֫י שָׁ֥קֶר הַדֹּבְרֹ֖ות עַל־צַדִּ֥יק עָתָ֗ק בְּגַאֲוָ֥ה וָבֽוּז׃1 Corinthiens 2.9 Esaïe 64.4 1 Pierre 1.4-1.5 Lamentations 3.23-3.25 Jacques 2.5
²⁰ (31.19) מָ֤ה רַֽב־טוּבְךָ֮ אֲשֶׁר־צָפַ֪נְתָּ לִּֽירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָם׃Psaumes 27.5 Psaumes 32.7 Job 5.21 1 Timothée 6.4 Psaumes 64.2-64.4
²¹ (31.20) תַּסְתִּירֵ֤ם׀ בְּסֵ֥תֶר פָּנֶיךָ֮ מֵֽרֻכְסֵ֫י אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֹֽות׃Psaumes 17.7 Psaumes 98.1 1 Pierre 2.9 Psaumes 118.23 Jérémie 1.18
²² (31.21) בָּר֥וּךְ יְהוָ֑ה כִּ֥י הִפְלִ֘יא חַסְדֹּ֥ו לִ֝֗י בְּעִ֣יר מָצֹֽור׃Psaumes 116.11 Jonas 2.4 1 Samuel 23.26 Esaïe 49.14 Psaumes 31.17
²³ (31.22) וַאֲנִ֤י׀ אָ֘מַ֤רְתִּי בְחָפְזִ֗י נִגְרַזְתִּי֮ מִנֶּ֪גֶד עֵ֫ינֶ֥יךָ אָכֵ֗ן שָׁ֭מַעְתָּ קֹ֥ול תַּחֲנוּנַ֗י בְּשַׁוְּעִ֥י אֵלֶֽיךָ׃Psaumes 94.2 Psaumes 97.10 Psaumes 30.4 Psaumes 34.9 Marc 12.23
²⁴ (31.23) אֶֽהֱב֥וּ אֶת־יְהוָ֗ה כָּֽל־חֲסִ֫ידָ֥יו אֱ֭מוּנִים נֹצֵ֣ר יְהוָ֑ה וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃Psaumes 27.14 Romains 15.12-15.13 Hébreux 12.12-12.13 1 Pierre 1.21 Psaumes 138.3
²⁵ (31.24) חִ֭זְקוּ וְיַאֲמֵ֣ץ לְבַבְכֶ֑ם כָּל־הַ֝מְיַחֲלִ֗ים לַיהוָֽה׃