Psaumes 31.21
Biblia Hebraica Stuttgartensia

Prière confiante dans l’épreuve

¹ לַמְנַצֵּ֗חַ מִזְמֹ֥ור לְדָוִֽד׃
Romains 10.11 Psaumes 25.2 Psaumes 71.1-71.3 Psaumes 143.1 Daniel 9.16
² (31.1) בְּךָ֖ יְהוָ֣ה חָ֭סִיתִי אַל־אֵבֹ֣ושָׁה לְעֹולָ֑ם בְּצִדְקָתְךָ֥ פַלְּטֵֽנִי׃
Psaumes 102.2 Psaumes 86.1 Psaumes 71.2-71.3 Deutéronome 32.31 Psaumes 18.1-18.2
³ (31.2) הַטֵּ֤ה אֵלַ֨י׀ אָזְנְךָ֮ מְהֵרָ֪ה הַצִּ֫ילֵ֥נִי הֱיֵ֤ה לִ֨י׀ לְֽצוּר־מָ֭עֹוז לְבֵ֥ית מְצוּדֹ֗ות לְהֹושִׁיעֵֽנִי׃
Psaumes 25.11 Néhémie 9.19 Luc 1.79 Ezéchiel 36.21-36.22 Jérémie 14.7
⁴ (31.3) כִּֽי־סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃
Psaumes 25.15 Psaumes 140.5 Psaumes 124.7 Proverbes 29.5 Psaumes 19.14
⁵ (31.4) תֹּוצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּֽי־אַ֝תָּה מָֽעוּזִּֽי׃
Luc 23.46 Actes 7.59 Deutéronome 32.4 Psaumes 71.23 Tite 2.14
⁶ (31.5) בְּיָדְךָ֮ אַפְקִ֪יד ר֫וּחִ֥י פָּדִ֖יתָה אֹותִ֥י יְהוָ֗ה אֵ֣ל אֱמֶֽת׃
Jonas 2.8 1 Corinthiens 10.20 Psaumes 26.5 1 Chroniques 16.28-16.29 Jean 2.8
⁷ (31.6) שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא וַ֝אֲנִ֗י אֶל־יְהוָ֥ה בָּטָֽחְתִּי׃
Esaïe 63.9 Esaïe 49.13 Psaumes 1.6 Psaumes 119.153 Jérémie 33.11
⁸ (31.7) אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עָנְיִ֑י יָ֝דַ֗עְתָּ בְּצָרֹ֥ות נַפְשִֽׁי׃
Deutéronome 32.30 Job 36.16 1 Samuel 26.8 1 Samuel 17.46 Psaumes 4.1
⁹ (31.8) וְלֹ֣א הִ֭סְגַּרְתַּנִי בְּיַד־אֹויֵ֑ב הֶֽעֱמַ֖דְתָּ בַמֶּרְחָ֣ב רַגְלָֽי׃
Psaumes 6.7 Psaumes 88.9 Psaumes 44.25 Psaumes 38.1-38.10 Lamentations 4.17
¹⁰ (31.9) חָנֵּ֥נִי יְהוָה֮ כִּ֤י צַ֫ר־לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃
Psaumes 38.3 Psaumes 32.3-32.4 Job 3.24 Psaumes 102.3-102.28 Psaumes 71.9
¹¹ (31.10) כִּ֤י כָל֪וּ בְיָגֹ֡ון חַיַּי֮ וּשְׁנֹותַ֪י בַּאֲנָ֫חָ֥ה כָּשַׁ֣ל בַּעֲוֹנִ֣י כֹחִ֑י וַעֲצָמַ֥י עָשֵֽׁשׁוּ׃
Psaumes 38.11 Psaumes 88.8 Job 19.13-19.14 Psaumes 41.8-41.9 Psaumes 88.18
¹² (31.11) מִכָּל־צֹרְרַ֨י הָיִ֪יתִי חֶרְפָּ֡ה וְלִשֲׁכֵנַ֨י׀ מְאֹד֮ וּפַ֪חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃
Psaumes 88.4-88.5 Esaïe 30.14 Apocalypse 2.27 Psaumes 119.83 Romains 9.21-9.22
¹³ (31.12) נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃
Jérémie 20.10 Matthieu 27.1 Lamentations 2.22 2 Samuel 17.1-17.4 Jérémie 11.19
¹⁴ (31.13) כִּ֤י שָׁמַ֨עְתִּי׀ דִּבַּ֥ת רַבִּים֮ מָגֹ֪ור מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃
Psaumes 43.5 Psaumes 56.3-56.4 Matthieu 26.42 Matthieu 26.39 Psaumes 16.1-16.2
¹⁵ (31.14) וַאֲנִ֤י׀ עָלֶ֣יךָ בָטַ֣חְתִּי יְהוָ֑ה אָ֝מַ֗רְתִּי אֱלֹהַ֥י אָֽתָּה׃
Job 24.1 2 Samuel 7.12 Actes 1.7 Jean 7.6 Psaumes 143.12
¹⁶ (31.15) בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־אֹ֝ויְבַ֗י וּמֵרֹדְפָֽי׃
Psaumes 4.6 Psaumes 80.3 Psaumes 6.4 Romains 9.23 Psaumes 80.7
¹⁷ (31.16) הָאִ֣ירָה פָ֭נֶיךָ עַל־עַבְדֶּ֑ךָ הֹ֖ושִׁיעֵ֣נִי בְחַסְדֶּֽךָ׃
Psaumes 25.2-25.3 Esaïe 41.11-41.12 Psaumes 115.17 Psaumes 69.6-69.7 Psaumes 94.17
¹⁸ (31.17) יְֽהוָ֗ה אַל־אֵ֭בֹושָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֹֽול׃
Psaumes 94.4 Jude 1.15 1 Samuel 2.3 Apocalypse 22.15 Matthieu 10.25
¹⁹ (31.18) תֵּ֥אָלַ֗מְנָה שִׂפְתֵ֫י שָׁ֥קֶר הַדֹּבְרֹ֖ות עַל־צַדִּ֥יק עָתָ֗ק בְּגַאֲוָ֥ה וָבֽוּז׃
1 Corinthiens 2.9 Esaïe 64.4 1 Pierre 1.4-1.5 Lamentations 3.23-3.25 Jacques 2.5
²⁰ (31.19) מָ֤ה רַֽב־טוּבְךָ֮ אֲשֶׁר־צָפַ֪נְתָּ לִּֽירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָם׃
Psaumes 27.5 Psaumes 32.7 Job 5.21 Psaumes 40.4 Psaumes 36.11
²¹ (31.20) תַּסְתִּירֵ֤ם׀ בְּסֵ֥תֶר פָּנֶיךָ֮ מֵֽרֻכְסֵ֫י אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֹֽות׃
Psaumes 17.7 1 Samuel 23.7-23.13 Psaumes 98.1 1 Pierre 2.9 Psaumes 118.23
²² (31.21) בָּר֥וּךְ יְהוָ֑ה כִּ֥י הִפְלִ֘יא חַסְדֹּ֥ו לִ֝֗י בְּעִ֣יר מָצֹֽור׃
Psaumes 116.11 Jonas 2.4 Psaumes 6.9 Psaumes 88.16 Job 35.14
²³ (31.22) וַאֲנִ֤י׀ אָ֘מַ֤רְתִּי בְחָפְזִ֗י נִגְרַזְתִּי֮ מִנֶּ֪גֶד עֵ֫ינֶ֥יךָ אָכֵ֗ן שָׁ֭מַעְתָּ קֹ֥ול תַּחֲנוּנַ֗י בְּשַׁוְּעִ֥י אֵלֶֽיךָ׃
Psaumes 30.4 Psaumes 94.2 Psaumes 97.10 Psaumes 34.9 Psaumes 145.10
²⁴ (31.23) אֶֽהֱב֥וּ אֶת־יְהוָ֗ה כָּֽל־חֲסִ֫ידָ֥יו אֱ֭מוּנִים נֹצֵ֣ר יְהוָ֑ה וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃
Psaumes 27.14 Romains 15.12-15.13 Hébreux 12.12-12.13 Luc 22.31-22.32 Psaumes 146.5
²⁵ (31.24) חִ֭זְקוּ וְיַאֲמֵ֣ץ לְבַבְכֶ֑ם כָּל־הַ֝מְיַחֲלִ֗ים לַיהוָֽה׃