Psaumes 31
Biblia Hebraica Stuttgartensia

Prière confiante dans l’épreuve

1 לַמְנַצֵּ֗חַ מִזְמֹ֥ור לְדָוִֽד׃
Romains 10.11 Psaumes 25.2 Psaumes 71.1-71.3 Psaumes 143.1 Esaïe 49.23
2 (31.1) בְּךָ֖ יְהוָ֣ה חָ֭סִיתִי אַל־אֵבֹ֣ושָׁה לְעֹולָ֑ם בְּצִדְקָתְךָ֥ פַלְּטֵֽנִי׃
Psaumes 102.2 Psaumes 86.1 Psaumes 71.2-71.3 Deutéronome 32.31 Esaïe 33.16
3 (31.2) הַטֵּ֤ה אֵלַ֨י׀ אָזְנְךָ֮ מְהֵרָ֪ה הַצִּ֫ילֵ֥נִי הֱיֵ֤ה לִ֨י׀ לְֽצוּר־מָ֭עֹוז לְבֵ֥ית מְצוּדֹ֗ות לְהֹושִׁיעֵֽנִי׃
Esaïe 49.10 Néhémie 9.12 Jean 16.13 Psaumes 23.2-23.3 Psaumes 143.10-143.11
4 (31.3) כִּֽי־סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃
Psaumes 25.15 Psaumes 124.7 Proverbes 29.5 Psaumes 19.14 Psaumes 57.6
5 (31.4) תֹּוצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּֽי־אַ֝תָּה מָֽעוּזִּֽי׃
Luc 23.46 Actes 7.59 Deutéronome 32.4 Psaumes 71.23 Tite 2.14
6 (31.5) בְּיָדְךָ֮ אַפְקִ֪יד ר֫וּחִ֥י פָּדִ֖יתָה אֹותִ֥י יְהוָ֗ה אֵ֣ל אֱמֶֽת׃
1 Corinthiens 10.20 Psaumes 26.5 Jonas 2.8 Psaumes 96.7-96.9 Psaumes 24.4
7 (31.6) שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא וַ֝אֲנִ֗י אֶל־יְהוָ֥ה בָּטָֽחְתִּי׃
Esaïe 63.9 Esaïe 49.13 Psaumes 1.6 Psaumes 119.153 Psaumes 25.18
8 (31.7) אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עָנְיִ֑י יָ֝דַ֗עְתָּ בְּצָרֹ֥ות נַפְשִֽׁי׃
Deutéronome 32.30 Job 36.16 Psaumes 4.1 Psaumes 18.19 Psaumes 88.8
9 (31.8) וְלֹ֣א הִ֭סְגַּרְתַּנִי בְּיַד־אֹויֵ֑ב הֶֽעֱמַ֖דְתָּ בַמֶּרְחָ֣ב רַגְלָֽי׃
Psaumes 6.7 Psaumes 88.9 Job 33.19-33.22 Psaumes 22.14-22.15 Psaumes 73.26
10 (31.9) חָנֵּ֥נִי יְהוָה֮ כִּ֤י צַ֫ר־לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃
Psaumes 38.3 Psaumes 32.3-32.4 Psaumes 71.9 Psaumes 39.11 Psaumes 13.2
11 (31.10) כִּ֤י כָל֪וּ בְיָגֹ֡ון חַיַּי֮ וּשְׁנֹותַ֪י בַּאֲנָ֫חָ֥ה כָּשַׁ֣ל בַּעֲוֹנִ֣י כֹחִ֑י וַעֲצָמַ֥י עָשֵֽׁשׁוּ׃
Psaumes 38.11 Psaumes 88.8 Psaumes 88.18 Matthieu 26.56 Psaumes 64.8
12 (31.11) מִכָּל־צֹרְרַ֨י הָיִ֪יתִי חֶרְפָּ֡ה וְלִשֲׁכֵנַ֨י׀ מְאֹד֮ וּפַ֪חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃
Psaumes 88.4-88.5 Esaïe 30.14 Apocalypse 2.27 Psaumes 119.83 Romains 9.21-9.22
13 (31.12) נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃
Matthieu 27.1 Jérémie 20.10 Lamentations 2.22 2 Samuel 17.1-17.4 Luc 23.5
14 (31.13) כִּ֤י שָׁמַ֨עְתִּי׀ דִּבַּ֥ת רַבִּים֮ מָגֹ֪ור מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃
Psaumes 56.3-56.4 Psaumes 43.5 Psaumes 140.6 Psaumes 22.1-22.2 Psaumes 63.1
15 (31.14) וַאֲנִ֤י׀ עָלֶ֣יךָ בָטַ֣חְתִּי יְהוָ֑ה אָ֝מַ֗רְתִּי אֱלֹהַ֥י אָֽתָּה׃
Job 24.1 Actes 1.7 Jean 7.6 2 Samuel 7.12 Ecclésiaste 3.1-3.8
16 (31.15) בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־אֹ֝ויְבַ֗י וּמֵרֹדְפָֽי׃
Psaumes 4.6 Psaumes 80.3 Psaumes 6.4 Psaumes 30.7 Nombres 6.25-6.26
17 (31.16) הָאִ֣ירָה פָ֭נֶיךָ עַל־עַבְדֶּ֑ךָ הֹ֖ושִׁיעֵ֣נִי בְחַסְדֶּֽךָ׃
Psaumes 25.2-25.3 Esaïe 41.11-41.12 Psaumes 115.17 1 Samuel 2.9 Psaumes 40.14-40.15
18 (31.17) יְֽהוָ֗ה אַל־אֵ֭בֹושָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֹֽול׃
Jude 1.15 Psaumes 94.4 1 Samuel 2.3 Psaumes 140.9-140.11 Actes 25.7
19 (31.18) תֵּ֥אָלַ֗מְנָה שִׂפְתֵ֫י שָׁ֥קֶר הַדֹּבְרֹ֖ות עַל־צַדִּ֥יק עָתָ֗ק בְּגַאֲוָ֥ה וָבֽוּז׃
1 Corinthiens 2.9 Esaïe 64.4 1 Pierre 1.4-1.5 Lamentations 3.23-3.25 Jacques 2.5
20 (31.19) מָ֤ה רַֽב־טוּבְךָ֮ אֲשֶׁר־צָפַ֪נְתָּ לִּֽירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָם׃
Psaumes 27.5 Psaumes 32.7 Job 5.21 Psaumes 91.1-91.4 1 Timothée 6.4
21 (31.20) תַּסְתִּירֵ֤ם׀ בְּסֵ֥תֶר פָּנֶיךָ֮ מֵֽרֻכְסֵ֫י אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֹֽות׃
Psaumes 17.7 1 Samuel 23.7-23.13 Psaumes 98.1 1 Pierre 2.9 Psaumes 118.23
22 (31.21) בָּר֥וּךְ יְהוָ֑ה כִּ֥י הִפְלִ֘יא חַסְדֹּ֥ו לִ֝֗י בְּעִ֣יר מָצֹֽור׃
Psaumes 116.11 Jonas 2.4 Jonas 2.7-2.9 Ezéchiel 37.11 1 Samuel 23.26
23 (31.22) וַאֲנִ֤י׀ אָ֘מַ֤רְתִּי בְחָפְזִ֗י נִגְרַזְתִּי֮ מִנֶּ֪גֶד עֵ֫ינֶ֥יךָ אָכֵ֗ן שָׁ֭מַעְתָּ קֹ֥ול תַּחֲנוּנַ֗י בְּשַׁוְּעִ֥י אֵלֶֽיךָ׃
Psaumes 30.4 Psaumes 94.2 Psaumes 97.10 Psaumes 34.9 Psaumes 54.5
24 (31.23) אֶֽהֱב֥וּ אֶת־יְהוָ֗ה כָּֽל־חֲסִ֫ידָ֥יו אֱ֭מוּנִים נֹצֵ֣ר יְהוָ֑ה וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃
Psaumes 27.14 Romains 15.12-15.13 Hébreux 12.12-12.13 Jacques 5.10-5.11 Esaïe 35.3-35.4
25 (31.24) חִ֭זְקוּ וְיַאֲמֵ֣ץ לְבַבְכֶ֑ם כָּל־הַ֝מְיַחֲלִ֗ים לַיהוָֽה׃