Psaumes 28.3
Biblia Hebraica Stuttgartensia

Certitude de l’exaucement

¹ לְדָוִ֡ד אֵ֘לֶ֤יךָ יְהוָ֨ה׀ אֶקְרָ֗א צוּרִי֮ אַֽל־תֶּחֱרַ֪שׁ מִ֫מֶּ֥נִּי פֶּן־תֶּֽחֱשֶׁ֥ה מִמֶּ֑נִּי וְ֝נִמְשַׁ֗לְתִּי עִם־יֹ֥ורְדֵי בֹֽור׃
Psaumes 83.1 Psaumes 18.2 Psaumes 143.7 Psaumes 88.4-88.6 Proverbes 1.12
² שְׁמַ֤ע קֹ֣ול תַּ֭חֲנוּנַי בְּשַׁוְּעִ֣י אֵלֶ֑יךָ בְּנָשְׂאִ֥י יָ֝דַ֗י אֶל־דְּבִ֥יר קָדְשֶֽׁךָ׃
Psaumes 141.2 Psaumes 5.7 Psaumes 138.2 1 Timothée 2.8 Psaumes 134.2
³ אַל־תִּמְשְׁכֵ֣נִי עִם־רְשָׁעִים֮ וְעִם־פֹּ֪עֲלֵ֫י אָ֥וֶן דֹּבְרֵ֣י שָׁ֭לֹום עִם־רֵֽעֵיהֶ֑ם וְ֝רָעָ֗ה בִּלְבָבָֽם׃
Psaumes 12.2 Psaumes 55.21 Psaumes 26.9 Matthieu 25.41 Michée 3.5
⁴ תֶּן־לָהֶ֣ם כְּפָעֳלָם֮ וּכְרֹ֪עַ מַֽעַלְלֵ֫יהֶ֥ם כְּמַעֲשֵׂ֣ה יְ֭דֵיהֶם תֵּ֣ן לָהֶ֑ם הָשֵׁ֖ב גְּמוּלָ֣ם לָהֶֽם׃
2 Timothée 4.14 Apocalypse 18.6 Psaumes 62.12 Jérémie 18.21-18.23 Psaumes 59.12-59.13
⁵ כִּ֤י לֹ֤א יָבִ֡ינוּ אֶל־פְּעֻלֹּ֣ת יְ֭הוָה וְאֶל־מַעֲשֵׂ֣ה יָדָ֑יו יֶ֝הֶרְסֵ֗ם וְלֹ֣א יִבְנֵֽם׃
Esaïe 5.12 Esaïe 40.26 Psaumes 10.5 Osée 14.9 Esaïe 45.12
⁶ בָּר֥וּךְ יְהוָ֑ה כִּי־שָׁ֝מַע קֹ֣ול תַּחֲנוּנָֽי׃
Psaumes 66.19-66.20 Psaumes 116.1-116.2 Psaumes 31.21-31.22 Psaumes 69.33-69.34 Psaumes 107.19-107.22
⁷ יְהוָ֤ה׀ עֻזִּ֥י וּמָגִנִּי֮ בֹּ֤ו בָטַ֥ח לִבִּ֗י וְֽנֶ֫עֱזָ֥רְתִּי וַיַּעֲלֹ֥ז לִבִּ֑י וּֽמִשִּׁירִ֥י אֲהֹודֶֽנּוּ׃
Esaïe 61.10 Psaumes 30.11-30.12 Psaumes 13.5 Psaumes 69.30 Psaumes 56.3-56.4
⁸ יְהוָ֥ה עֹֽז־לָ֑מֹו וּמָ֘עֹ֤וז יְשׁוּעֹ֖ות מְשִׁיחֹ֣ו הֽוּא׃
Psaumes 20.6 1 Samuel 16.13 Esaïe 61.1 Psaumes 140.7 Psaumes 2.2
⁹ הֹושִׁ֤יעָה׀ אֶת־עַמֶּ֗ךָ וּבָרֵ֥ךְ אֶת־נַחֲלָתֶ֑ךָ וּֽרְעֵ֥ם וְ֝נַשְּׂאֵ֗ם עַד־הָעֹולָֽם׃
Esaïe 40.11 Deutéronome 9.29 Psaumes 78.71 1 Rois 8.51 Esdras 1.4