Psaumes 139.17
Biblia Hebraica Stuttgartensia

¹ לַ֭מְנַצֵּחַ לְדָוִ֣ד מִזְמֹ֑ור יְהוָ֥ה חֲ֝קַרְתַּ֗נִי וַתֵּדָֽע׃Jérémie 12.3 Psaumes 17.3 Psaumes 44.21 Psaumes 139.23 1 Rois 8.39
² אַתָּ֣ה יָ֭דַעְתָּ שִׁבְתִּ֣י וְקוּמִ֑י בַּ֥נְתָּה לְ֝רֵעִ֗י מֵרָחֹֽוק׃2 Rois 19.27 Matthieu 9.4 Psaumes 94.11 Jean 2.24-2.25 Proverbes 15.3
³ אָרְחִ֣י וְרִבְעִ֣י זֵרִ֑יתָ וְֽכָל־דְּרָכַ֥י הִסְכַּֽנְתָּה׃Job 31.4 Jérémie 23.24 Proverbes 5.20-5.21 Esaïe 29.15 Ecclésiaste 12.14
⁴ כִּ֤י אֵ֣ין מִ֭לָּה בִּלְשֹׁונִ֑י הֵ֥ן יְ֝הוָ֗ה יָדַ֥עְתָּ כֻלָּֽהּ׃Job 8.2 Psaumes 50.19-50.21 Job 42.3 Jacques 1.26 Malachie 3.13-3.16
⁵ אָחֹ֣ור וָקֶ֣דֶם צַרְתָּ֑נִי וַתָּ֖שֶׁת עָלַ֣י כַּפֶּֽכָה׃Deutéronome 33.27 Job 9.33 Psaumes 34.7 Apocalypse 1.17 Exode 24.11
⁶ פְּלִ֣יאָֽה דַ֣עַת מִמֶּ֑נִּי נִ֝שְׂגְּבָ֗ה לֹא־א֥וּכַֽל לָֽהּ׃Romains 11.33 Job 42.3 Psaumes 40.5 Job 26.14 Proverbes 30.2-30.4
⁷ אָ֭נָ֥ה אֵלֵ֣ךְ מֵרוּחֶ֑ךָ וְ֝אָ֗נָה מִפָּנֶ֥יךָ אֶבְרָֽח׃Jonas 1.3 Jérémie 23.23-23.24 Jonas 1.10 Actes 5.9
⁸ אִם־אֶסַּ֣ק שָׁ֭מַיִם שָׁ֣ם אָ֑תָּה וְאַצִּ֖יעָה שְּׁאֹ֣ול הִנֶּֽךָּ׃Proverbes 15.11 Job 26.6 Amos 9.2-9.4 Jonas 2.2 Job 34.21-34.22
⁹ אֶשָּׂ֥א כַנְפֵי־שָׁ֑חַר אֶ֝שְׁכְּנָ֗ה בְּאַחֲרִ֥ית יָֽם׃Malachie 4.2 Psaumes 19.6 Esaïe 24.14-24.16 Psaumes 74.16-74.17 Psaumes 18.10
¹⁰ גַּם־שָׁ֭ם יָדְךָ֣ תַנְחֵ֑נִי וְֽתֹאחֲזֵ֥נִי יְמִינֶֽךָ׃Psaumes 23.3 Psaumes 63.8 Psaumes 143.9-143.10 Esaïe 41.13 Psaumes 73.23
¹¹ וָ֭אֹמַר אַךְ־חֹ֣שֶׁךְ יְשׁוּפֵ֑נִי וְ֝לַ֗יְלָה אֹ֣ור בַּעֲדֵֽנִי׃Job 12.22 Jérémie 23.24 Psaumes 94.7 Esaïe 29.15 Job 22.12-22.14
¹² גַּם־חֹשֶׁךְ֮ לֹֽא־יַחְשִׁ֪יךְ מִ֫מֶּ֥ךָ וְ֭לַיְלָה כַּיֹּ֣ום יָאִ֑יר כַּ֝חֲשֵׁיכָ֗ה כָּאֹורָֽה׃Daniel 2.22 Job 34.22 Exode 20.21 Exode 14.20 Job 26.6
¹³ כִּֽי־אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃Jérémie 1.5 Psaumes 119.73 Esaïe 44.2 Job 10.9-10.12 Job 31.15
¹⁴ אֹֽודְךָ֗ עַ֤ל כִּ֥י נֹורָאֹ֗ות נִ֫פְלֵ֥יתִי נִפְלָאִ֥ים מַעֲשֶׂ֑יךָ וְ֝נַפְשִׁ֗י יֹדַ֥עַת מְאֹֽד׃Genèse 1.26-1.27 Psaumes 104.24 Psaumes 40.5 Job 5.9 Psaumes 111.2
¹⁵ לֹא־נִכְחַ֥ד עָצְמִ֗י מִ֫מֶּ֥ךָּ אֲשֶׁר־עֻשֵּׂ֥יתִי בַסֵּ֑תֶר רֻ֝קַּ֗מְתִּי בְּֽתַחְתִּיֹּ֥ות אָֽרֶץ׃Psaumes 63.9 Psaumes 139.13 Ecclésiaste 11.5 Job 10.8-10.11 Ephésiens 4.9
¹⁶ גָּלְמִ֤י׀ רָ֘א֤וּ עֵינֶ֗יךָ וְעַֽל־סִפְרְךָ֮ כֻּלָּ֪ם יִכָּ֫תֵ֥בוּ יָמִ֥ים יֻצָּ֑רוּ וְלֹ֖ו אֶחָ֣ד בָּהֶֽם׃Psaumes 56.8 Malachie 3.16 Apocalypse 20.12
¹⁷ וְלִ֗י מַה־יָּקְר֣וּ רֵעֶ֣יךָ אֵ֑ל מֶ֥ה עָ֝צְמוּ רָאשֵׁיהֶֽם׃Psaumes 40.5 Esaïe 55.8-55.9 Jérémie 29.11 Psaumes 92.5 Proverbes 8.31
¹⁸ אֶ֭סְפְּרֵם מֵחֹ֣ול יִרְבּ֑וּן הֱ֝קִיצֹ֗תִי וְעֹודִ֥י עִמָּֽךְ׃Psaumes 3.5 Psaumes 139.3 Psaumes 16.8-16.11 Psaumes 40.5 1 Thessaloniciens 5.10
¹⁹ אִם־תִּקְטֹ֖ל אֱלֹ֥והַּ׀ רָשָׁ֑ע וְאַנְשֵׁ֥י דָ֝מִ֗ים ס֣וּרוּ מֶֽנִּי׃Esaïe 11.4 Psaumes 5.6 Psaumes 6.8 Psaumes 119.115 Psaumes 9.17
²⁰ אֲשֶׁ֣ר יֹ֭אמְרֻךָ לִמְזִמָּ֑ה נָשֻׂ֖א לַשָּׁ֣וְא עָרֶֽיךָ׃Jude 1.15 Exode 20.7 Psaumes 74.22-74.23 Psaumes 74.18 Psaumes 2.1-2.3
²¹ הֲלֹֽוא־מְשַׂנְאֶ֖יךָ יְהוָ֥ה׀ אֶשְׂנָ֑א וּ֝בִתְקֹומְמֶ֗יךָ אֶתְקֹוטָֽט׃Psaumes 119.158 2 Chroniques 19.2 Psaumes 31.6 Apocalypse 2.6 Psaumes 26.5
²² תַּכְלִ֣ית שִׂנְאָ֣ה שְׂנֵאתִ֑ים לְ֝אֹויְבִ֗ים הָ֣יוּ לִֽי׃Luc 14.26 Psaumes 101.3-101.8
²³ חָקְרֵ֣נִי אֵ֭ל וְדַ֣ע לְבָבִ֑י בְּ֝חָנֵ֗נִי וְדַ֣ע שַׂרְעַפָּֽי׃Psaumes 26.2 Job 31.6 Proverbes 17.3 1 Pierre 1.7 Zacharie 13.9
²⁴ וּרְאֵ֗ה אִם־דֶּֽרֶךְ־עֹ֥צֶב בִּ֑י וּ֝נְחֵ֗נִי בְּדֶ֣רֶךְ עֹולָֽם׃Psaumes 143.10 Psaumes 5.8 Psaumes 16.11 Psaumes 119.32 Proverbes 28.26