Psaumes 103.5
Biblia Hebraica Stuttgartensia

¹ לְדָוִ֨ד׀ בָּרֲכִ֣י נַ֭פְשִׁי אֶת־יְהוָ֑ה וְכָל־קְ֝רָבַ֗י אֶת־שֵׁ֥ם קָדְשֹֽׁו׃Psaumes 63.5 Psaumes 146.1-146.2 1 Corinthiens 14.15 Psaumes 57.7-57.11 Jean 4.24
² בָּרֲכִ֣י נַ֭פְשִׁי אֶת־יְהוָ֑ה וְאַל־תִּ֝שְׁכְּחִ֗י כָּל־גְּמוּלָֽיו׃Esaïe 63.7 Psaumes 105.5 Luc 17.15-17.18 Deutéronome 32.18 Psaumes 116.12
³ הַסֹּלֵ֥חַ לְכָל־עֲוֹנֵ֑כִי הָ֝רֹפֵ֗א לְכָל־תַּחֲלֻאָֽיְכִי׃Jérémie 17.14 Exode 15.26 Esaïe 43.25 Marc 2.5 Psaumes 30.2
⁴ הַגֹּואֵ֣ל מִשַּׁ֣חַת חַיָּ֑יְכִי הַֽ֝מְעַטְּרֵ֗כִי חֶ֣סֶד וְרַחֲמִֽים׃Psaumes 103.12 Psaumes 56.13 Psaumes 71.23 Psaumes 34.22 1 Pierre 5.4
⁵ הַמַּשְׂבִּ֣יַע בַּטֹּ֣וב עֶדְיֵ֑ךְ תִּתְחַדֵּ֖שׁ כַּנֶּ֣שֶׁר נְעוּרָֽיְכִי׃Psaumes 107.9 Esaïe 40.31 1 Timothée 6.17 Psaumes 65.4 Osée 2.15
⁶ עֹשֵׂ֣ה צְדָקֹ֣ות יְהוָ֑ה וּ֝מִשְׁפָּטִ֗ים לְכָל־עֲשׁוּקִֽים׃Psaumes 146.7 Deutéronome 24.14-24.15 Ezéchiel 22.7 Psaumes 12.5 Michée 3.2-3.4
⁷ יֹודִ֣יעַ דְּרָכָ֣יו לְמֹשֶׁ֑ה לִבְנֵ֥י יִ֝שְׂרָאֵ֗ל עֲלִילֹֽותָיו׃Exode 33.13 Psaumes 147.19 Psaumes 78.11 Néhémie 9.14 Psaumes 99.7
⁸ רַח֣וּם וְחַנּ֣וּן יְהוָ֑ה אֶ֖רֶךְ אַפַּ֣יִם וְרַב־חָֽסֶד׃Psaumes 86.15 Exode 34.6-34.7 Nahum 1.3 Joël 2.13 Néhémie 9.17
⁹ לֹֽא־לָנֶ֥צַח יָרִ֑יב וְלֹ֖א לְעֹולָ֣ם יִטֹּֽור׃Esaïe 57.16 Psaumes 30.5 Jérémie 3.5 Michée 7.18-7.19 Jérémie 3.12
¹⁰ לֹ֣א כַ֭חֲטָאֵינוּ עָ֣שָׂה לָ֑נוּ וְלֹ֥א כַ֝עֲוֹנֹתֵ֗ינוּ גָּמַ֥ל עָלֵֽינוּ׃Esdras 9.13 Lamentations 3.22 Psaumes 130.3 Daniel 9.18-9.19 Néhémie 9.31
¹¹ כִּ֤י כִגְבֹ֣הַּ שָׁ֭מַיִם עַל־הָאָ֑רֶץ גָּבַ֥ר חַ֝סְדֹּ֗ו עַל־יְרֵאָֽיו׃Psaumes 57.10 Psaumes 36.5 Ephésiens 2.4-2.7 Psaumes 103.17 Proverbes 25.3
¹² כִּרְחֹ֣ק מִ֭זְרָח מִֽמַּֽעֲרָ֑ב הִֽרְחִ֥יק מִ֝מֶּ֗נּוּ אֶת־פְּשָׁעֵֽינוּ׃Esaïe 43.25 1 Jean 1.7 Esaïe 38.17 Hébreux 10.2 Michée 7.18
¹³ כְּרַחֵ֣ם אָ֭ב עַל־בָּנִ֑ים רִחַ֥ם יְ֝הוָ֗ה עַל־יְרֵאָֽיו׃Hébreux 12.5-12.11 Jérémie 31.20 Luc 11.11-11.12 Psaumes 103.17 Esaïe 63.15-63.16
¹⁴ כִּי־ה֖וּא יָדַ֣ע יִצְרֵ֑נוּ זָ֝כ֗וּר כִּי־עָפָ֥ר אֲנָֽחְנוּ׃Genèse 3.19 Job 10.9 Psaumes 89.47 Ecclésiaste 12.7 Psaumes 78.38-78.39
¹⁵ אֱ֭נֹושׁ כֶּחָצִ֣יר יָמָ֑יו כְּצִ֥יץ הַ֝שָּׂדֶ֗ה כֵּ֣ן יָצִֽיץ׃1 Pierre 1.24 Jacques 1.10-1.11 Esaïe 51.12 Nahum 1.4 Psaumes 90.5-90.6
¹⁶ כִּ֤י ר֣וּחַ עָֽבְרָה־בֹּ֣ו וְאֵינֶ֑נּוּ וְלֹא־יַכִּירֶ֖נּוּ עֹ֣וד מְקֹומֹֽו׃Esaïe 40.7 Job 20.9 Genèse 5.24 Job 8.18-8.19 Job 14.10
¹⁷ וְחֶ֤סֶד יְהוָ֨ה׀ מֵעֹולָ֣ם וְעַד־עֹ֭ולָם עַל־יְרֵאָ֑יו וְ֝צִדְקָתֹ֗ו לִבְנֵ֥י בָנִֽים׃Psaumes 100.5 Exode 20.6 Romains 8.28-8.30 Romains 3.21-3.25 2 Thessaloniciens 2.13-2.14
¹⁸ לְשֹׁמְרֵ֥י בְרִיתֹ֑ו וּלְזֹכְרֵ֥י פִ֝קֻּדָ֗יו לַעֲשֹׂותָֽם׃Deutéronome 7.9 Psaumes 25.10 Actes 24.16 Deutéronome 4.23 Hébreux 8.6-8.13
¹⁹ יְֽהוָ֗ה בַּ֭שָּׁמַיִם הֵכִ֣ין כִּסְאֹ֑ו וּ֝מַלְכוּתֹ֗ו בַּכֹּ֥ל מָשָֽׁלָה׃Psaumes 47.2 1 Pierre 3.22 Philippiens 2.9-2.10 Psaumes 11.4 Ephésiens 1.21-1.22
²⁰ בָּרֲכ֥וּ יְהוָ֗ה מַלְאָ֫כָ֥יו גִּבֹּ֣רֵי כֹ֭חַ עֹשֵׂ֣י דְבָרֹ֑ו לִ֝שְׁמֹ֗עַ בְּקֹ֣ול דְּבָרֹֽו׃Psaumes 148.2 Hébreux 1.14 Matthieu 26.53 Psaumes 78.25 Luc 1.19
²¹ בָּרֲכ֣וּ יְ֭הוָה כָּל־צְבָאָ֑יו מְ֝שָׁרְתָ֗יו עֹשֵׂ֥י רְצֹונֹֽו׃1 Rois 22.19 Psaumes 104.4 Genèse 32.2 Josué 5.14 Luc 2.13
²² בָּרֲכ֤וּ יְהוָ֨ה׀ כָּֽל־מַעֲשָׂ֗יו בְּכָל־מְקֹמֹ֥ות מֶמְשַׁלְתֹּ֑ו בָּרֲכִ֥י נַ֝פְשִׁ֗י אֶת־יְהוָֽה׃Psaumes 145.10 Esaïe 42.10-42.12 Apocalypse 5.12-5.14 Esaïe 43.20 Psaumes 104.1