1 Samuel 27
Vulgate

David chez les Philistins

1 et ait David in corde suo aliquando incidam in uno die in manu Saul nonne melius est ut fugiam et salver in terra Philisthinorum ut desperet Saul cessetque me quaerere in cunctis finibus Israhel fugiam ergo manus eius
Esaïe 40.27-40.31 1 Samuel 16.1 1 Samuel 23.17 1 Samuel 16.13 1 Samuel 29.2-30.3
2 et surrexit David et abiit ipse et sescenti viri cum eo ad Achis filium Mahoc regem Geth
1 Samuel 21.10 1 Samuel 25.13 1 Samuel 30.8 1 Rois 2.39-2.40
3 et habitavit David cum Achis in Geth ipse et viri eius vir et domus eius David et duae uxores eius Ahinoem Iezrahelites et Abigail uxor Nabal Carmeli
1 Samuel 25.42-25.43 1 Samuel 25.3 1 Samuel 25.18-25.35 1 Samuel 30.5 1 Samuel 30.3
4 et nuntiatum est Saul quod fugisset David in Geth et non addidit ultra ut quaereret eum
1 Samuel 26.21
5 dixit autem David ad Achis si inveni gratiam in oculis tuis detur mihi locus in una urbium regionis huius ut habitem ibi cur enim manet servus tuus in civitate regis tecum
2 Corinthiens 6.17 Genèse 46.34
6 dedit itaque ei Achis in die illa Siceleg propter quam causam facta est Siceleg regum Iuda usque in diem hanc
Néhémie 11.28 Josué 15.31 1 Samuel 30.1 2 Samuel 1.1 1 Samuel 30.14
7 fuit autem numerus dierum quibus habitavit David in regione Philisthinorum quattuor mensuum
1 Samuel 29.3
8 et ascendit David et viri eius et agebant praedas de Gesuri et de Gedri et de Amalechitis hii enim pagi habitabantur in terra antiquitus euntibus Sur usque ad terram Aegypti
1 Samuel 15.7-15.8 Josué 13.2 Josué 13.13 Josué 16.10 Juges 1.29
9 et percutiebat David omnem terram nec relinquebat viventem virum et mulierem tollensque oves et boves et asinos et camelos et vestes revertebatur et veniebat ad Achis
1 Samuel 15.3 Deutéronome 25.17-25.19 Genèse 16.7 1 Samuel 15.7 Genèse 25.18
10 dicebat autem ei Achis in quem inruisti hodie respondebatque David contra meridiem Iudae et contra meridiem Hiramel et contra meridiem Ceni
Juges 1.16 1 Chroniques 2.25 1 Chroniques 2.9 Juges 4.11 1 Samuel 30.29
11 virum et mulierem non vivificabat David nec adducebat in Geth dicens ne forte loquantur adversum nos haec fecit David et hoc erat decretum illi omnibus diebus quibus habitavit in regione Philisthinorum
Proverbes 29.25 1 Samuel 22.22 Proverbes 12.19
12 credidit ergo Achis David dicens multa mala operatus est contra populum suum Israhel erit igitur mihi servus sempiternus
Genèse 34.30 1 Samuel 13.4