Juges 2.7
Vulgate

Constat d’échec et mort de Josué

¹ ascenditque angelus Domini de Galgal ad locum Flentium et ait eduxi vos de Aegypto et introduxi in terram pro qua iuravi patribus vestris et pollicitus sum ut non facerem irritum pactum meum vobiscum in sempiternum
Lévitique 26.42 Genèse 17.7-17.8 Exode 20.2 Genèse 12.7 Juges 2.5
² ita dumtaxat ut non feriretis foedus cum habitatoribus terrae huius et aras eorum subverteretis et noluistis audire vocem meam cur hoc fecistis
Deutéronome 7.2-7.4 1 Pierre 4.17 Genèse 4.10 Exode 34.12-34.16 Exode 23.32-23.33
³ quam ob rem nolui delere eos a facie vestra ut habeatis hostes et dii eorum sint vobis in ruinam
Nombres 33.55 Josué 23.13 Psaumes 106.36 Juges 3.6 Juges 2.21
⁴ cumque loqueretur angelus Domini verba haec ad omnes filios Israhel elevaverunt vocem suam et fleverunt
Jacques 4.9 Jérémie 31.9 Luc 6.21 Luc 7.38 Proverbes 17.10
⁵ et vocatum est nomen loci illius Flentium sive Lacrimarum immolaveruntque ibi hostias Domino
Juges 6.24 Juges 13.19 Josué 7.26 1 Samuel 7.9 Genèse 35.8
⁶ dimisit ergo Iosue populum et abierunt filii Israhel unusquisque in possessionem suam ut obtinerent eam
Josué 24.28-24.31 Josué 22.6
⁷ servieruntque Domino cunctis diebus eius et seniorum qui longo post eum vixerunt tempore et noverant omnia opera Domini quae fecerat cum Israhel
Josué 24.31 Philippiens 2.12 2 Rois 12.2 2 Chroniques 24.14-24.22 2 Chroniques 24.2
⁸ mortuus est autem Iosue filius Nun famulus Domini centum et decem annorum
Josué 24.29-24.30
⁹ et sepelierunt eum in finibus possessionis suae in Thamnathsare in monte Ephraim a septentrionali plaga montis Gaas
Josué 19.50 Josué 24.30

Attitude de la nouvelle génération

¹⁰ omnisque illa generatio congregata est ad patres suos et surrexerunt alii qui non noverant Dominum et opera quae fecerat cum Israhel
1 Samuel 2.12 Exode 5.2 1 Chroniques 28.9 Tite 1.16 Job 21.14
¹¹ feceruntque filii Israhel malum in conspectu Domini et servierunt Baalim
Juges 6.1 Juges 4.1 Juges 3.7 Juges 10.6 Juges 8.33
¹² ac dimiserunt Dominum Deum patrum suorum qui eduxerat eos de terra Aegypti et secuti sunt deos alienos deos quoque populorum qui habitabant in circuitu eorum et adoraverunt eos et ad iracundiam concitaverunt Dominum
Exode 20.5 Deutéronome 13.5 Deutéronome 29.18 Deutéronome 6.14-6.15 Deutéronome 5.9
¹³ dimittentes eum et servientes Baal et Astharoth
Juges 10.6 Psaumes 106.36 Juges 3.7 1 Rois 11.33 1 Samuel 31.10
¹⁴ iratusque Dominus contra Israhel tradidit eos in manibus diripientium qui ceperunt eos et vendiderunt hostibus qui habitabant per gyrum nec potuerunt resistere adversariis suis
Deutéronome 32.30 Psaumes 106.40-106.42 Juges 4.2 Lévitique 26.37 Josué 7.12-7.13
¹⁵ sed quocumque pergere voluissent manus Domini erat super eos sicut locutus est et iuravit eis et vehementer adflicti sunt
Deutéronome 28.15-28.68 Michée 2.3 Jérémie 44.27 1 Samuel 14.24 1 Samuel 30.6
¹⁶ suscitavitque Dominus iudices qui liberarent eos de vastantium manibus sed nec illos audire voluerunt
Actes 13.20 Néhémie 9.27 Psaumes 106.43-106.45 1 Samuel 12.11 Juges 3.15
¹⁷ fornicantes cum diis alienis et adorantes eos cito deseruerunt viam per quam ingressi fuerant patres eorum et audientes mandata Domini omnia fecere contraria
Juges 2.7 Deutéronome 9.12 Psaumes 106.39 2 Chroniques 36.15-36.16 1 Samuel 12.19
¹⁸ cumque Dominus iudices suscitaret in diebus eorum flectebatur misericordia et audiebat adflictorum gemitus et liberabat eos de caede vastantium
Josué 1.5 Deutéronome 32.36 Psaumes 106.44-106.45 Genèse 6.6 Exode 2.24
¹⁹ postquam autem mortuus esset iudex revertebantur et multo maiora faciebant quam fecerant patres sui sequentes deos alienos et servientes eis et adorantes illos non dimiserunt adinventiones suas et viam durissimam per quam ambulare consueverant
Juges 4.1 Juges 8.33 Juges 3.11-3.12 Jérémie 16.12 2 Chroniques 24.17-24.18
²⁰ iratusque est furor Domini in Israhel et ait quia irritum fecit gens ista pactum meum quod pepigeram cum patribus eorum et vocem meam audire contempsit
Juges 2.14 Josué 23.16 Deutéronome 29.10-29.13 Exode 24.3-24.8 Ezéchiel 20.37
²¹ et ego non delebo gentes quas dimisit Iosue et mortuus est
Josué 23.13 Juges 2.3 Ezéchiel 20.24 Juges 3.3
²² ut in ipsis experiar Israhel utrum custodiant viam Domini et ambulent in ea sicut custodierunt patres eorum an non
Deutéronome 8.2 Deutéronome 8.16 Deutéronome 13.3 Malachie 3.2-3.3 2 Chroniques 32.31
²³ dimisit ergo Dominus omnes has nationes et cito subvertere noluit nec tradidit in manibus Iosue