Juges 2.1
Vulgate

¹ ascenditque angelus Domini de Galgal ad locum Flentium et ait eduxi vos de Aegypto et introduxi in terram pro qua iuravi patribus vestris et pollicitus sum ut non facerem irritum pactum meum vobiscum in sempiternumLévitique 26.42 Genèse 17.7-17.8 Exode 20.2 Juges 13.3 Genèse 12.7
² ita dumtaxat ut non feriretis foedus cum habitatoribus terrae huius et aras eorum subverteretis et noluistis audire vocem meam cur hoc fecistisDeutéronome 7.2-7.4 1 Pierre 4.17 Jérémie 2.36 Deutéronome 7.16 Deutéronome 12.2-12.3
³ quam ob rem nolui delere eos a facie vestra ut habeatis hostes et dii eorum sint vobis in ruinamNombres 33.55 Josué 23.13 Deutéronome 7.16 Psaumes 106.36 Juges 3.6
⁴ cumque loqueretur angelus Domini verba haec ad omnes filios Israhel elevaverunt vocem suam et fleverunt2 Corinthiens 7.10 Esdras 10.1 Zacharie 12.10 Jacques 4.9 Jérémie 31.9
⁵ et vocatum est nomen loci illius Flentium sive Lacrimarum immolaveruntque ibi hostias DominoJosué 7.26 1 Samuel 7.9 Genèse 35.8 Juges 6.24 Juges 13.19
⁶ dimisit ergo Iosue populum et abierunt filii Israhel unusquisque in possessionem suam ut obtinerent eamJosué 24.28-24.31 Josué 22.6
⁷ servieruntque Domino cunctis diebus eius et seniorum qui longo post eum vixerunt tempore et noverant omnia opera Domini quae fecerat cum IsrahelJosué 24.31 2 Rois 12.2 2 Chroniques 24.14-24.22 2 Chroniques 24.2 Philippiens 2.12
⁸ mortuus est autem Iosue filius Nun famulus Domini centum et decem annorumJosué 24.29-24.30
⁹ et sepelierunt eum in finibus possessionis suae in Thamnathsare in monte Ephraim a septentrionali plaga montis GaasJosué 19.50 Josué 24.30
¹⁰ omnisque illa generatio congregata est ad patres suos et surrexerunt alii qui non noverant Dominum et opera quae fecerat cum Israhel1 Samuel 2.12 Exode 5.2 1 Chroniques 28.9 Jérémie 22.16 Jérémie 31.34
¹¹ feceruntque filii Israhel malum in conspectu Domini et servierunt BaalimJuges 10.6 Juges 6.1 Juges 4.1 Juges 3.7 Juges 8.33
¹² ac dimiserunt Dominum Deum patrum suorum qui eduxerat eos de terra Aegypti et secuti sunt deos alienos deos quoque populorum qui habitabant in circuitu eorum et adoraverunt eos et ad iracundiam concitaverunt DominumExode 20.5 Deutéronome 29.25 Deutéronome 13.5 Deutéronome 29.18 Deutéronome 6.14-6.15
¹³ dimittentes eum et servientes Baal et AstharothJuges 10.6 Juges 3.7 Psaumes 106.36 1 Corinthiens 8.5 Juges 2.11
¹⁴ iratusque Dominus contra Israhel tradidit eos in manibus diripientium qui ceperunt eos et vendiderunt hostibus qui habitabant per gyrum nec potuerunt resistere adversariis suisDeutéronome 32.30 Lévitique 26.37 Josué 7.12-7.13 2 Rois 17.20 Psaumes 106.40-106.42
¹⁵ sed quocumque pergere voluissent manus Domini erat super eos sicut locutus est et iuravit eis et vehementer adflicti suntDeutéronome 28.15-28.68 Deutéronome 4.25-4.28 Jérémie 18.8 Lévitique 26.14-26.46 Michée 2.3
¹⁶ suscitavitque Dominus iudices qui liberarent eos de vastantium manibus sed nec illos audire volueruntActes 13.20 1 Samuel 12.11 Juges 3.15 Néhémie 9.27 Psaumes 106.43-106.45
¹⁷ fornicantes cum diis alienis et adorantes eos cito deseruerunt viam per quam ingressi fuerant patres eorum et audientes mandata Domini omnia fecere contrariaJuges 2.7 Deutéronome 9.12 Deutéronome 9.16 Josué 24.31 Josué 24.24
¹⁸ cumque Dominus iudices suscitaret in diebus eorum flectebatur misericordia et audiebat adflictorum gemitus et liberabat eos de caede vastantiumDeutéronome 32.36 Josué 1.5 Exode 2.24 Psaumes 106.44-106.45 Genèse 6.6
¹⁹ postquam autem mortuus esset iudex revertebantur et multo maiora faciebant quam fecerant patres sui sequentes deos alienos et servientes eis et adorantes illos non dimiserunt adinventiones suas et viam durissimam per quam ambulare consueverantJuges 8.33 Juges 4.1 1 Samuel 15.23 Matthieu 23.32 Juges 3.11-3.12
²⁰ iratusque est furor Domini in Israhel et ait quia irritum fecit gens ista pactum meum quod pepigeram cum patribus eorum et vocem meam audire contempsitJuges 2.14 Josué 23.16 Jérémie 31.32 Deutéronome 32.22 Deutéronome 29.10-29.13
²¹ et ego non delebo gentes quas dimisit Iosue et mortuus estJosué 23.13 Juges 2.3 Ezéchiel 20.24 Juges 3.3
²² ut in ipsis experiar Israhel utrum custodiant viam Domini et ambulent in ea sicut custodierunt patres eorum an nonDeutéronome 8.2 Deutéronome 8.16 Deutéronome 13.3 Genèse 22.1 Juges 3.1-3.4
²³ dimisit ergo Dominus omnes has nationes et cito subvertere noluit nec tradidit in manibus Iosue