Zacharie 14.8
Vulgate

Le jour de l’Éternel

¹ ecce dies veniunt Domini et dividentur spolia tua in medio tui
Esaïe 13.9 Esaïe 13.6 Actes 2.20 Joël 3.14 Joël 2.31
² et congregabo omnes gentes ad Hierusalem in proelium et capietur civitas et vastabuntur domus et mulieres violabuntur et egredietur media pars civitatis in captivitatem et reliquum populi non auferetur ex urbe
Esaïe 13.16 Joël 3.2 Amos 7.17 Matthieu 24.19-24.22 Luc 19.43-19.44
³ et egredietur Dominus et proeliabitur contra gentes illas sicut proeliatus est in die certaminis
Zacharie 12.9 Esaïe 63.1-63.6 Exode 15.1-15.6 Sophonie 3.19 2 Chroniques 20.15
⁴ et stabunt pedes eius in die illa super montem Olivarum qui est contra Hierusalem ad orientem et scindetur mons Olivarum ex media parte sui ad orientem et occidentem praerupto grandi valde et separabitur medium montis ad aquilonem et medium eius ad meridiem
Ezéchiel 11.23 Michée 1.3-1.4 Esaïe 64.1-64.2 Zacharie 4.7 Habakuk 3.6
⁵ et fugietis ad vallem montium meorum quoniam coniungetur vallis montium usque ad proximum et fugietis sicut fugistis a facie terraemotus in diebus Oziae regis Iuda et veniet Dominus Deus meus omnesque sancti cum eo
Amos 1.1 Esaïe 29.6 Jude 1.14-1.15 Esaïe 66.15-66.16 Matthieu 16.27
⁶ et erit in die illa non erit lux sed frigus et gelu
Esaïe 50.10 Jean 12.46 Apocalypse 11.3 2 Pierre 1.19 Osée 6.3
⁷ et erit dies una quae nota est Domino non dies neque nox et in tempore vesperae erit lux
Apocalypse 22.5 Esaïe 30.26 Matthieu 24.36 Apocalypse 21.23 Daniel 12.4
⁸ et erit in die illa exibunt aquae vivae de Hierusalem medium earum ad mare orientale et medium earum ad mare novissimum in aestate et in hieme erunt
Joël 3.18 Jean 7.38 Joël 2.20 Ezéchiel 47.1-47.12 Apocalypse 22.1-22.2
⁹ et erit Dominus rex super omnem terram in die illa erit Dominus unus et erit nomen eius unum
Daniel 7.27 Apocalypse 11.15 Esaïe 60.12-60.14 Ephésiens 4.5-4.6 Daniel 2.44-2.45
¹⁰ et revertetur omnis terra usque ad desertum de colle Remmon ad austrum Hierusalem et exaltabitur et habitabit in loco suo a porta Beniamin usque ad locum portae Prioris usque ad portam Angulorum et a turre Ananehel usque ad torcularia regis
Zacharie 12.6 1 Rois 15.22 Jérémie 37.13 Josué 15.32 Jérémie 30.18
¹¹ et habitabunt in ea et anathema non erit amplius sed sedebit Hierusalem secura
Apocalypse 22.3 Jérémie 23.5-23.6 Zacharie 8.4 Jérémie 31.40 Esaïe 60.18
¹² et haec erit plaga qua percutiet Dominus omnes gentes quae pugnaverunt adversus Hierusalem tabescet caro uniuscuiusque stantis super pedes suos et oculi eius contabescent in foraminibus suis et lingua eorum contabescet in ore suo
Ezéchiel 39.17-39.20 Apocalypse 16.1-16.21 Michée 7.16-7.17 Michée 4.11-4.13 Lévitique 26.21
¹³ in die illo erit tumultus Domini magnus in eis et adprehendet vir manum proximi sui et conseretur manus eius super manum proximi sui
Zacharie 11.6 1 Samuel 14.15-14.23 Ezéchiel 38.21 Zacharie 12.4 Juges 7.22
¹⁴ sed et Iudas pugnabit adversus Hierusalem et congregabuntur divitiae omnium gentium in circuitu aurum et argentum et vestes multae satis
Esaïe 23.18 Zacharie 12.2 Zacharie 10.4-10.5 Ezéchiel 39.17-39.20 2 Chroniques 14.13-14.15
¹⁵ et sic erit ruina equi et muli cameli et asini et omnium iumentorum quae fuerint in castris illis sicut ruina haec
Zacharie 14.12
¹⁶ et omnes qui reliqui fuerint de universis gentibus quae venerint contra Hierusalem ascendent ab anno in annum ut adorent regem Dominum exercituum et celebrent festivitatem tabernaculorum
Esaïe 60.6-60.9 Esaïe 66.18-66.21 Esaïe 66.23 Philippiens 2.9-2.11 Deutéronome 16.13-16.16
¹⁷ et erit qui non ascenderit de familiis terrae ad Hierusalem ut adoret regem Dominum exercituum non erit super eos imber
Jérémie 14.4 Esaïe 60.12 1 Rois 17.1 Zacharie 14.16 Genèse 12.3
¹⁸ quod si et familia Aegypti non ascenderit et non venerit nec super eos erit sed erit ruina qua percutiet Dominus omnes gentes quae non ascenderint ad celebrandam festivitatem tabernaculorum
Deutéronome 11.10-11.11 Zacharie 14.15 Zacharie 14.12
¹⁹ hoc erit peccatum Aegypti et hoc peccatum omnium gentium quae non ascenderint ad celebrandam festivitatem tabernaculorum
Jean 3.19
²⁰ in die illo erit quod super frenum equi est sanctum Domino et erunt lebetes in domo Domini quasi fialae coram altari
1 Corinthiens 3.16-3.17 Esaïe 23.18 1 Pierre 2.5 Nombres 4.14 Nombres 7.13
²¹ et erit omnis lebes in Hierusalem et in Iuda sanctificatus Domino exercituum et venient omnes immolantes et sument ex eis et coquent in eis et non erit mercator ultra in domo Domini exercituum in die illo
Romains 14.6-14.7 Ezéchiel 44.9 1 Corinthiens 10.31 Apocalypse 22.15 Néhémie 8.10