Lévitique 3
Vulgate

Le sacrifice de communion

1 quod si hostia pacificorum fuerit eius oblatio et de bubus voluerit offerre marem sive feminam inmaculata offeret coram Domino
Lévitique 1.3 Nombres 6.14 Amos 5.22 Malachie 1.8 Juges 21.4
2 ponetque manum super caput victimae suae quae immolabitur in introitu tabernaculi fundentque filii Aaron sacerdotes sanguinem per circuitum altaris
Lévitique 1.4-1.5 Exode 29.10 1 Jean 1.9-1.10 Lévitique 1.11 Actes 4.26-4.28
3 et offerent de hostia pacificorum in oblationem Domini adipem qui operit vitalia et quicquid pinguedinis intrinsecus est
Exode 29.13 Lévitique 4.8-4.9 Exode 29.22 Romains 5.5 Psaumes 119.70
4 duos renes cum adipe quo teguntur ilia et reticulum iecoris cum renunculis
Lévitique 3.10 Lévitique 4.9 Lévitique 8.25 Lévitique 3.15 Lévitique 9.19
5 adolebuntque ea super altare in holocaustum lignis igne subposito in oblationem suavissimi odoris Domino
Lévitique 6.12 Exode 29.13 Lévitique 1.9 Exode 29.38-29.42 Lévitique 7.29-7.34
6 si vero de ovibus fuerit eius oblatio et pacificorum hostia sive masculum sive feminam obtulerit inmaculata erunt
Esaïe 60.7 Actes 4.27 Ephésiens 2.13-2.22 Lévitique 1.2 Galates 3.28
7 si agnum obtulerit coram Domino
1 Rois 8.62 Ephésiens 5.2 Hébreux 9.14 Lévitique 17.8-17.9 Ephésiens 5.12
8 ponet manum super caput victimae suae quae immolabitur in vestibulo tabernaculi testimonii fundentque filii Aaron sanguinem eius per altaris circuitum
Lévitique 1.5 Esaïe 53.6 Hébreux 10.19-10.22 Ephésiens 2.18 1 Pierre 2.24
9 et offerent de pacificorum hostia sacrificium Domino adipem et caudam totam
Lévitique 9.19 Exode 29.22 Lévitique 8.25 Proverbes 23.26 Lévitique 3.3-3.4
10 cum renibus et pinguedinem quae operit ventrem atque universa vitalia et utrumque renunculum cum adipe qui est iuxta ilia reticulumque iecoris cum renunculis
Lévitique 3.4
11 et adolebit ea sacerdos super altare in pabulum ignis et oblationis Domini
Lévitique 21.17 Lévitique 21.6 Lévitique 3.16 Lévitique 21.8 Lévitique 3.5
12 si capra fuerit eius oblatio et obtulerit eam Domino
Esaïe 53.2 Lévitique 3.1 Lévitique 1.2 Matthieu 25.32-25.33 Lévitique 10.16
13 ponet manum suam super caput eius immolabitque eam in introitu tabernaculi testimonii et fundent filii Aaron sanguinem eius per altaris circuitum
Lévitique 3.8 Hébreux 12.24 Esaïe 53.6 2 Corinthiens 5.21 Esaïe 53.11-53.12
14 tollentque ex ea in pastum ignis dominici adipem qui operit ventrem et qui tegit universa vitalia
Jérémie 20.18 Matthieu 22.37 Romains 12.1-12.2 Proverbes 23.26 Lévitique 3.3-3.5
15 duos renunculos cum reticulo qui est super eos iuxta ilia et arvinam iecoris cum renunculis
16 adolebitque ea sacerdos super altare in alimoniam ignis et suavissimi odoris omnis adeps Domini erit
Lévitique 7.23-7.25 1 Samuel 2.15-2.16 Lévitique 17.6 Lévitique 4.31 Lévitique 4.8-4.19
17 iure perpetuo in generationibus et cunctis habitaculis vestris nec adipes nec sanguinem omnino comedetis
Genèse 9.4 Lévitique 6.18 Deutéronome 15.23 Lévitique 17.7 Deutéronome 12.16