Jérémie 31.35
Vulgate

¹ in tempore illo dicit Dominus ero Deus universis cognationibus Israhel et ipsi erunt mihi in populum
Jérémie 30.22 Esaïe 41.10 Jérémie 30.24 Zacharie 13.9 Genèse 17.7-17.8
² haec dicit Dominus invenit gratiam in deserto populus qui remanserat gladio vadet ad requiem suam Israhel
Psaumes 95.11 Nombres 10.33 Deutéronome 1.33 Exode 1.16 Esaïe 63.7-63.14
³ longe Dominus apparuit mihi et in caritate perpetua dilexi te ideo adtraxi te miserans
Osée 11.4 Esaïe 54.8-54.9 Deutéronome 33.3 Deutéronome 7.7-7.9 Malachie 1.2
⁴ rursumque aedificabo te et aedificaberis virgo Israhel adhuc ornaberis tympanis tuis et egredieris in choro ludentium
Jérémie 33.7 Jérémie 31.13 Juges 11.34 Psaumes 149.3 Amos 5.2
⁵ adhuc plantabis vineas in montibus Samariae plantabunt plantantes et donec tempus veniat non vindemiabunt
Amos 9.14 Deutéronome 28.30 1 Samuel 21.5 Ezéchiel 36.8 Esaïe 65.21-65.22
⁶ quia erit dies in qua clamabunt custodes in monte Ephraim surgite et ascendamus in Sion ad Dominum Deum nostrum
Jérémie 50.4-50.5 Osée 1.11 Ezéchiel 33.2 Osée 9.8 Esaïe 2.2-2.4
⁷ quia haec dicit Dominus exultate in laetitia Iacob et hinnite contra caput gentium personate canite et dicite salva Domine populum tuum reliquias Israhel
Psaumes 28.9 Esaïe 37.31 Psaumes 14.7 Jérémie 23.3 Psaumes 138.4-138.5
⁸ ecce ego adducam eos de terra aquilonis et congregabo eos ab extremis terrae inter quos erunt caecus et claudus et praegnans et pariens simul coetus magnus revertentium huc
Michée 4.6 Jérémie 23.8 Ezéchiel 34.16 Esaïe 42.16 Ezéchiel 34.13
⁹ in fletu venient et in precibus deducam eos et adducam eos per torrentes aquarum in via recta et non inpingent in ea quia factus sum Israheli pater et Ephraim primogenitus meus est
Jérémie 3.4 Exode 4.22 Jérémie 50.4 Jérémie 31.20 Esaïe 63.13
¹⁰ audite verbum Domini gentes et adnuntiate insulis quae procul sunt et dicite qui dispersit Israhel congregabit eum et custodiet eum sicut pastor gregem suum
Esaïe 40.11 Ezéchiel 34.12 Esaïe 66.19 Deutéronome 30.4 Ezéchiel 11.16
¹¹ redemit enim Dominus Iacob et liberavit eum de manu potentioris
Esaïe 48.20 Esaïe 44.23 Psaumes 142.6 Jérémie 15.21 Esaïe 49.24
¹² et venient et laudabunt in monte Sion et confluent ad bona Domini super frumento et vino et oleo et fetu pecorum et armentorum eritque anima eorum quasi hortus inriguus et ultra non esurient
Esaïe 35.10 Esaïe 58.11 Joël 3.18 Jean 16.22 Ezéchiel 17.23
¹³ tunc laetabitur virgo in choro iuvenes et senes simul et convertam luctum eorum in gaudium et consolabor eos et laetificabo a dolore suo
Psaumes 30.11 Esaïe 51.11 Esaïe 61.3 Jérémie 31.4 Psaumes 149.3
¹⁴ et inebriabo animam sacerdotum pinguedine et populus meus bonis meis adimplebitur ait Dominus
Jérémie 31.25 Psaumes 65.4 Psaumes 17.15 Cantique 5.1 Zacharie 9.15-9.17
¹⁵ haec dicit Dominus vox in excelso audita est lamentationis fletus et luctus Rachel plorantis filios suos et nolentis consolari super eis quia non sunt
Jérémie 40.1 Genèse 42.13 Genèse 37.35 Josué 18.25 Jérémie 10.20
¹⁶ haec dicit Dominus quiescat vox tua a ploratu et oculi tui a lacrimis quia est merces operi tuo ait Dominus et revertentur de terra inimici
Jérémie 30.3 Ruth 2.12 Jérémie 30.18 Jérémie 29.14 Hébreux 11.6
¹⁷ et est spes novissimis tuis ait Dominus et revertentur filii ad terminos suos
Lamentations 3.18 Psaumes 102.13-102.14 Lamentations 3.26 Matthieu 24.22 Ezéchiel 37.25
¹⁸ audiens audivi Ephraim transmigrantem castigasti me et eruditus sum quasi iuvenculus indomitus converte me et revertar quia tu Dominus Deus meus
Psaumes 80.3 Job 5.17 Lamentations 5.21 Jérémie 3.21-3.22 Jérémie 31.9
¹⁹ postquam enim convertisti me egi paenitentiam et postquam ostendisti mihi percussi femur meum confusus sum et erubui quoniam sustinui obprobrium adulescentiae meae
Ezéchiel 36.31 Jérémie 3.25 Ezéchiel 21.12 Luc 18.13 Zacharie 12.10
²⁰ si filius honorabilis mihi Ephraim si puer delicatus quia ex quo locutus sum de eo adhuc recordabor eius idcirco conturbata sunt viscera mea super eum miserans miserebor eius ait Dominus
Esaïe 63.15 Esaïe 55.7 Juges 10.16 Esaïe 16.11 Osée 14.4
²¹ statue tibi speculam pone tibi amaritudines dirige cor tuum in viam directam in qua ambulasti revertere virgo Israhel revertere ad civitates tuas istas
Jérémie 50.5 Esaïe 48.20 Jérémie 3.14 Esaïe 62.10 Esaïe 57.14
²² usquequo deliciis dissolveris filia vaga quia creavit Dominus novum super terram femina circumdabit virum
Jérémie 2.23 Jérémie 3.6 Jérémie 49.4 Genèse 3.15 Esaïe 7.14
²³ haec dicit Dominus exercituum Deus Israhel adhuc dicent verbum istud in terra Iuda et in urbibus eius cum convertero captivitatem eorum benedicat tibi Dominus pulchritudo iustitiae mons sanctus
Zacharie 8.3 Esaïe 1.26 Jérémie 50.7 Jérémie 30.18 Psaumes 129.8
²⁴ et habitabunt in eo Iudas et omnes civitates eius simul agricolae et minantes greges
Zacharie 8.4-8.8 Ezéchiel 36.10 Jérémie 33.11-33.13 Zacharie 2.4
²⁵ quia inebriavi animam lassam et omnem animam esurientem saturavi
Psaumes 107.9 Jean 4.14 Matthieu 5.6 Jérémie 31.14 Esaïe 32.2
²⁶ ideo quasi de somno suscitatus sum et vidi et somnus meus dulcis mihi
Psaumes 127.2 Zacharie 4.1-4.2
²⁷ ecce dies veniunt dicit Dominus et seminabo domum Israhel et domum Iuda semine hominis et semine iumentorum
Osée 2.23 Ezéchiel 36.9 Zacharie 10.9 Ezéchiel 36.11 Jérémie 30.19
²⁸ et sicut vigilavi super eos ut evellerem et demolirer et dissiparem et disperderem et adfligerem sic vigilabo super eos ut aedificem et plantem ait Dominus
Jérémie 1.10 Jérémie 44.27 Jérémie 24.6 Daniel 9.14 Jérémie 45.4
²⁹ in diebus illis non dicent ultra patres comederunt uvam acerbam et dentes filiorum obstipuerunt
Lamentations 5.7 Ezéchiel 18.2-18.3 Jérémie 31.30
³⁰ sed unusquisque in iniquitate sua morietur omnis homo qui comederit uvam acerbam obstupescent dentes eius
Ezéchiel 18.20 Esaïe 3.11 Galates 6.5 Ezéchiel 18.4 Deutéronome 24.16
³¹ ecce dies veniunt dicit Dominus et feriam domui Israhel et domui Iuda foedus novum
Ezéchiel 37.26 Hébreux 10.16-10.17 Jérémie 32.40 Luc 22.20 2 Corinthiens 3.6
³² non secundum pactum quod pepigi cum patribus vestris in die qua adprehendi manum eorum ut educerem eos de terra Aegypti pactum quod irritum fecerunt et ego dominatus sum eorum dicit Dominus
Deutéronome 1.31 Deutéronome 5.3 Ezéchiel 16.8 Exode 19.5 Exode 24.6-24.8
³³ sed hoc erit pactum quod feriam cum domo Israhel post dies illos dicit Dominus dabo legem meam in visceribus eorum et in corde eorum scribam eam et ero eis in Deum et ipsi erunt mihi in populum
2 Corinthiens 3.3 Hébreux 10.16 Jérémie 24.7 Hébreux 8.10 Ezéchiel 11.19-11.20
³⁴ et non docebunt ultra vir proximum suum et vir fratrem suum dicens cognoscite Dominum omnes enim cognoscent me a minimo eorum usque ad maximum ait Dominus quia propitiabor iniquitati eorum et peccati eorum non ero memor amplius
Esaïe 43.25 Esaïe 54.13 Jérémie 33.8 Jérémie 50.20 1 Jean 2.27
³⁵ haec dicit Dominus qui dat solem in lumine diei ordinem lunae et stellarum in lumine noctis qui turbat mare et sonant fluctus eius Dominus exercituum nomen illi
Esaïe 51.15 Jérémie 10.16 Psaumes 136.7-136.9 Deutéronome 4.19 Jérémie 50.34
³⁶ si defecerint leges istae coram me dicit Dominus tunc et semen Israhel deficiet ut non sit gens coram me cunctis diebus
Jérémie 33.20-33.26 Esaïe 54.9-54.10 Psaumes 89.36-89.37 Psaumes 148.6 Amos 9.8-9.9
³⁷ haec dicit Dominus si mensurari potuerint caeli sursum et investigari fundamenta terrae deorsum et ego abiciam universum semen Israhel propter omnia quae fecerunt dicit Dominus
Jérémie 33.22 Jérémie 33.24-33.26 Esaïe 40.12 Jérémie 30.11 Jérémie 46.28
³⁸ ecce dies veniunt dicit Dominus et aedificabitur civitas Domino a turre Ananehel usque ad portam Anguli
Zacharie 14.10 2 Rois 14.13 Jérémie 30.18 2 Chroniques 26.9 Jérémie 31.27
³⁹ et exibit ultra norma mensurae in conspectu eius super collem Gareb et circuibit Goatha
Zacharie 2.1-2.2 Ezéchiel 40.8
⁴⁰ et omnem vallem cadaverum et cineris et universam regionem mortis usque ad torrentem Cedron et usque ad angulum portae Equorum orientalis sanctum Domini non evelletur et non destruetur ultra in perpetuum
Joël 3.17 2 Samuel 15.23 Jean 18.1 2 Chroniques 23.15 2 Rois 11.16