Jérémie 12.3
Vulgate

Perplexité de Jérémie et réponse de Dieu

¹ iustus quidem tu es Domine si disputem tecum verumtamen iusta loquar ad te quare via impiorum prosperatur bene est omnibus qui praevaricantur et inique agunt
Malachie 3.15 Job 12.6 Psaumes 51.4 Psaumes 92.7 Psaumes 37.1
² plantasti eos et radicem miserunt proficiunt et faciunt fructum prope es tu ori eorum et longe a renibus eorum
Esaïe 29.13 Jérémie 11.17 Tite 1.16 Ezéchiel 33.31 Jérémie 45.4
³ et tu Domine nosti me vidisti me et probasti cor meum tecum congrega eos quasi gregem ad victimam et sanctifica eos in die occisionis
Jérémie 17.18 2 Rois 20.3 Psaumes 17.3 Jacques 5.5 Psaumes 139.23
⁴ usquequo lugebit terra et herba omnis regionis siccabitur propter malitiam habitantium in ea consumptum est animal et volucre quoniam dixerunt non videbit novissima nostra
Jérémie 9.10 Jérémie 4.25 Psaumes 107.34 Jérémie 23.10 Jérémie 7.20
⁵ si cum peditibus currens laborasti quomodo contendere poteris cum equis cum autem in terra pacis secura fueris quid facies in superbia Iordanis
Jérémie 50.44 Jérémie 49.19 1 Pierre 4.12 Hébreux 12.3-12.4 Josué 3.15
⁶ nam et fratres tui et domus patris tui etiam ipsi pugnaverunt adversum te et clamaverunt post te plena voce ne credas eis cum locuti fuerint tibi bona
Jérémie 9.4 Proverbes 26.25 Job 6.15 Genèse 37.4-37.11 Psaumes 69.8
⁷ reliqui domum meam dimisi hereditatem meam dedi dilectam animam meam in manu inimicorum eius
Esaïe 2.6 Jérémie 11.15 Psaumes 78.59-78.60 Osée 9.15 Ezéchiel 24.21
⁸ facta est mihi hereditas mea quasi leo in silva dedit contra me vocem ideo odivi eam
Osée 9.15 Amos 6.8 Zacharie 11.8 Jérémie 51.38 Jérémie 2.15
⁹ numquid avis discolor hereditas mea mihi numquid avis tincta per totum venite congregamini omnes bestiae terrae properate ad devorandum
Esaïe 56.9 Jérémie 7.33 2 Rois 24.2 Ezéchiel 23.22-23.25 Jérémie 2.15
¹⁰ pastores multi demoliti sunt vineam meam conculcaverunt partem meam dederunt portionem meam desiderabilem in desertum solitudinis
Esaïe 63.18 Esaïe 5.1-5.7 Jérémie 3.19 Jérémie 6.3 Psaumes 80.8-80.16
¹¹ posuerunt eam in dissipationem luxitque super me desolatione desolata est omnis terra quia nullus est qui recogitet corde
Esaïe 42.25 Jérémie 23.10 Jérémie 14.2 Lamentations 1.1-1.5 Jérémie 9.11
¹² super omnes vias deserti venerunt vastatores quia gladius Domini devoravit ab extremo terrae usque ad extremum eius non est pax universae carni
Jérémie 47.6 Amos 9.4 Ezéchiel 14.17 Esaïe 34.6 Jérémie 15.2
¹³ seminaverunt triticum et spinas messuerunt hereditatem acceperunt et non eis proderit confundemini a fructibus vestris propter iram furoris Domini
Aggée 1.6 Michée 6.15 Deutéronome 28.38 Lévitique 26.16 Esaïe 55.2
¹⁴ haec dicit Dominus adversum omnes vicinos meos pessimos qui tangunt hereditatem quam distribui populo meo Israhel ecce ego evellam eos de terra eorum et domum Iuda evellam de medio eorum
Zacharie 2.8 Jérémie 3.18 Jérémie 2.3 Esaïe 11.11-11.16 Jérémie 49.7
¹⁵ et cum evellero eos convertar et miserebor eorum et reducam eos virum ad hereditatem suam et virum in terram suam
Jérémie 49.6 Jérémie 48.47 Jérémie 49.39 Deutéronome 30.3 Amos 9.14
¹⁶ et erit si eruditi didicerint vias populi mei ut iurent in nomine meo vivit Dominus sicut docuerunt populum meum iurare in Baal aedificabuntur in medio populi mei
Jérémie 4.2 Josué 23.7 Sophonie 1.5 Esaïe 19.23-19.25 Romains 14.11
¹⁷ quod si non audierint evellam gentem illam evulsione et perditione ait Dominus
Esaïe 60.12 Psaumes 2.8-2.12 Zacharie 14.16-14.19 Daniel 11.4 Jérémie 18.7