Esaïe 28.24
Vulgate

Prophétie sur Éphraïm

¹ vae coronae superbiae ebriis Ephraim et flori decidenti gloriae exultationis eius qui erant in vertice vallis pinguissimae errantes a vino
Osée 7.5 Esaïe 28.7 Esaïe 28.3-28.4 2 Rois 14.25-14.27 Proverbes 23.29
² ecce validus et fortis Domini sicut impetus grandinis turbo confringens sicut impetus aquarum multarum inundantium et emissarum super terram spatiosam
Esaïe 30.30 Ezéchiel 13.11 Nahum 1.8 Esaïe 29.6 Esaïe 25.4
³ pedibus conculcabitur corona superbiae ebriorum Ephraim
Esaïe 26.6 Esaïe 25.10 Apocalypse 11.2 Esaïe 28.1 Lamentations 1.15
⁴ et erit flos decidens gloriae exultationis eius qui est super verticem vallis pinguium quasi temporaneum ante maturitatem autumni quod cum aspexerit videns statim ut manu tenuerit devorabit illud
Michée 7.1 Nahum 3.12 Esaïe 28.1 Osée 13.1 Osée 6.4
⁵ in die illa erit Dominus exercituum corona gloriae et sertum exultationis residuo populi sui
Esaïe 62.3 Esaïe 60.19 Job 29.14 Esaïe 41.16 Esaïe 45.25
⁶ et spiritus iudicii sedenti super iudicium et fortitudo revertentibus de bello ad portam
1 Rois 3.28 Jean 5.30 Esaïe 32.15-32.16 Esaïe 11.2-11.4 Josué 1.9
⁷ verum hii quoque prae vino nescierunt et prae ebrietate erraverunt sacerdos et propheta nescierunt prae ebrietate absorti sunt a vino erraverunt in ebrietate nescierunt videntem ignoraverunt iudicium
Esaïe 19.14 Luc 21.34 Matthieu 24.29 Esaïe 56.10-56.12 Esaïe 3.12
⁸ omnes enim mensae repletae sunt vomitu sordiumque ita ut non esset ultra locus
Jérémie 48.26 Proverbes 26.11 Habakuk 2.15-2.16
⁹ quem docebit scientiam et quem intellegere faciet auditum ablactatos a lacte apulsos ab uberibus
Psaumes 131.2 Jérémie 6.10 Proverbes 1.29 Jérémie 5.31 Esaïe 28.26
¹⁰ quia manda remanda manda remanda expecta reexpecta expecta reexpecta modicum ibi modicum ibi
Jérémie 25.3-25.7 2 Chroniques 36.15-36.16 Esaïe 28.13 Jérémie 11.7 Hébreux 5.12
¹¹ in loquella enim labii et lingua altera loquetur ad populum istum
1 Corinthiens 14.21 Esaïe 33.19 Deutéronome 28.49 Jérémie 5.15
¹² cui dixit haec requies reficite lassum et hoc est meum refrigerium et noluerunt audire
Matthieu 11.28-11.29 Esaïe 30.15 Jérémie 6.16 Hébreux 12.25 Zacharie 7.11
¹³ et erit eis verbum Domini manda remanda manda remanda expecta reexpecta expecta reexpecta modicum ibi modicum ibi ut vadant et cadant retrorsum et conterantur et inlaqueentur et capiantur
Matthieu 21.44 Matthieu 13.14 1 Pierre 2.7-2.8 Esaïe 28.10 Esaïe 6.9-6.10
¹⁴ propter hoc audite verbum Domini viri inlusores qui dominamini super populum meum qui est in Hierusalem
Esaïe 28.22 Esaïe 1.10 Esaïe 29.20 Esaïe 5.9 Proverbes 29.8
¹⁵ dixistis enim percussimus foedus cum morte et cum inferno fecimus pactum flagellum inundans cum transierit non veniet super nos quia posuimus mendacium spem nostram et mendacio protecti sumus
Esaïe 8.7-8.8 Esaïe 28.18 Amos 2.4 Daniel 11.22 Osée 2.18
¹⁶ idcirco haec dicit Dominus Deus ecce ego mittam in fundamentis Sion lapidem lapidem probatum angularem pretiosum in fundamento fundatum qui crediderit non festinet
Psaumes 118.22 Actes 4.11-4.12 Romains 9.33 Marc 12.10 1 Pierre 2.6-2.8
¹⁷ et ponam iudicium in pondere et iustitiam in mensura et subvertet grando spem mendacii et protectionem aquae inundabunt
2 Rois 21.13 Apocalypse 16.21 Amos 7.7-7.9 Esaïe 28.2 Romains 2.2
¹⁸ et delebitur foedus vestrum cum morte et pactum vestrum cum inferno non stabit flagellum inundans cum transierit eritis ei in conculcationem
Esaïe 7.7 Esaïe 28.15 Esaïe 8.10 Esaïe 28.3 Apocalypse 12.15
¹⁹ quandocumque pertransierit tollet vos quoniam mane diluculo pertransibit in die et in nocte et tantummodo sola vexatio intellectum dabit auditui
Esaïe 33.7 Daniel 8.27 2 Rois 21.12 2 Rois 17.6 1 Samuel 3.11
²⁰ coangustatum est enim stratum ita ut alter decidat et pallium breve utrumque operire non potest
Esaïe 66.3-66.6 1 Corinthiens 1.18-1.31 Jérémie 7.8-7.10 Romains 9.30-9.32 Esaïe 64.6
²¹ sicut enim in monte Divisionum stabit Dominus sicut in valle quae est in Gabao irascetur ut faciat opus suum alienum opus eius ut operetur opus suum peregrinum est opus ab eo
2 Samuel 5.20 Josué 10.12 Josué 10.10 1 Chroniques 14.11 Luc 19.41-19.44
²² et nunc nolite inludere ne forte constringantur vincula vestra consummationem enim et adbreviationem audivi a Domino Deo exercituum super universam terram
Esaïe 10.22-10.23 Jérémie 20.7 Esaïe 24.1-24.23 Psaumes 107.16 Jérémie 25.11

Parabole du cultivateur

²³ auribus percipite et audite vocem meam adtendite et audite eloquium meum
Apocalypse 2.14 Esaïe 1.2 Deutéronome 32.1 Jérémie 22.29 Apocalypse 2.29
²⁴ numquid tota die arabit arans ut serat proscindet et sariet humum suam
Jérémie 4.3 Osée 10.11-10.12
²⁵ nonne cum adaequaverit faciem eius seret gith et cyminum sparget et ponet triticum per ordinem et hordeum et milium et viciam in finibus suis
Exode 9.31-9.32 Ezéchiel 4.9 Matthieu 23.23
²⁶ et erudiet eum illud in iudicio Deus suus docebit eum illud
Job 39.17 Exode 36.2 Exode 28.3 Job 35.11 Exode 31.3-31.6
²⁷ non enim in serris triturabitur gith nec rota plaustri super cyminum circumiet sed in virga excutietur gith et cyminum in baculo
Amos 1.3 Jérémie 10.24 2 Rois 13.7 Esaïe 27.7-27.8 Jérémie 46.28
²⁸ panis autem comminuetur verum non in perpetuum triturans triturabit illum neque vexabit eum rota plaustri nec in ungulis suis comminuet eum
1 Corinthiens 3.9 Matthieu 13.37-13.43 Amos 9.9 Luc 22.31-22.32 Matthieu 3.12
²⁹ et hoc a Domino Deo exercituum exivit ut mirabile faceret consilium et magnificaret iustitiam
Esaïe 9.6 Romains 11.33 Jérémie 32.19 Job 5.9 Esaïe 28.21-28.22