Esaïe 16.4
Vulgate

¹ emitte agnum dominatorem terrae de Petra deserti ad montem filiae Sion
2 Rois 3.4 Esaïe 10.32 2 Rois 14.7 Esdras 7.17 Esaïe 42.11
² et erit sicut avis fugiens et pulli de nido avolantes sic erunt filiae Moab in transcensu Arnon
Proverbes 27.8 Juges 11.18 Jérémie 48.20 Josué 13.16 Nombres 21.13-21.15
³ ini consilium coge concilium pone quasi noctem umbram tuam in meridie absconde fugientes et vagos ne prodas
Esaïe 32.2 Esaïe 25.4 1 Rois 18.4 Ezéchiel 45.9-45.12 Matthieu 25.35
⁴ habitabunt apud te profugi mei Moab esto latibulum eorum a facie vastatoris finitus est enim pulvis consummatus est miser defecit qui conculcabat terram
Esaïe 51.13 Esaïe 14.4 Esaïe 33.1 Apocalypse 11.2 Jérémie 48.18
⁵ et praeparabitur in misericordia solium et sedebit super eum in veritate in tabernaculo David iudicans et quaerens iudicium et velociter reddens quod iustum est
Daniel 7.14 Michée 4.7 Esaïe 9.6-9.7 Daniel 7.27 Esaïe 32.1-32.2
⁶ audivimus superbiam Moab superbus est valde superbia eius et arrogantia eius et indignatio eius plus quam fortitudo eius
Amos 2.1 Jérémie 48.29-48.30 Abdias 1.3-1.4 Jérémie 50.36 Esaïe 44.25
⁷ idcirco ululabit Moab ad Moab universus ululabit his qui laetantur super muro cocti lateris loquimini plagas suas
2 Rois 3.25 Jérémie 48.20 Esaïe 16.11 Esaïe 8.19 Esaïe 15.1-15.5
⁸ quoniam suburbana Esebon deserta sunt et vinea Sabama domini gentium exciderunt flagella eius usque ad Iazer pervenerunt erraverunt in deserto propagines eius relictae sunt transierunt mare
Nombres 32.38 Esaïe 15.4 Jérémie 27.6-27.7 Jérémie 48.32 Josué 13.19
⁹ super hoc plorabo in fletu Iazer vineam Sabama inebriabo te lacrima mea Esebon et Eleale quoniam super vindemiam tuam et super messem tuam vox calcantium inruit
Jérémie 40.12 Esaïe 15.4-15.5 Jérémie 40.10 Esaïe 9.3 Jérémie 48.32-48.34
¹⁰ et auferetur laetitia et exultatio de Carmelo et in vineis non exultabit neque iubilabit vinum in torculari non calcabit qui calcare consueverat vocem calcantium abstuli
Jérémie 48.33 Amos 5.17 Juges 9.27 Amos 5.11 Esaïe 24.7-24.9
¹¹ super hoc venter meus ad Moab quasi cithara sonabit et viscera mea ad murum cocti lateris
Esaïe 15.5 Esaïe 63.15 Osée 11.8 Philippiens 2.1 Jérémie 48.36
¹² et erit cum apparuerit quod laboravit Moab super excelsis suis ingredietur ad sancta sua ut obsecret et non valebit
Esaïe 15.2 1 Rois 18.29 Nombres 23.28 Nombres 22.39 Jérémie 48.35
¹³ hoc verbum quod locutus est Dominus ad Moab ex tunc
Esaïe 44.8
¹⁴ et nunc locutus est Dominus dicens in tribus annis quasi anni mercennarii auferetur gloria Moab super omni populo multo et relinquetur parvus et modicus nequaquam multus
Esaïe 21.16 Jérémie 48.42 Esaïe 15.5 Jérémie 48.46-48.47 Deutéronome 15.8