Exode 11.5
Vulgate

¹ et dixit Dominus ad Mosen adhuc una plaga tangam Pharaonem et Aegyptum et post haec dimittet vos et exire conpelletExode 9.14 Exode 12.31-12.39 Genèse 15.14 Exode 3.20 Deutéronome 4.34
² dices ergo omni plebi ut postulet vir ab amico suo et mulier a vicina sua vasa argentea et aureaExode 3.22 Exode 12.35-12.36 Exode 32.24 Psaumes 24.1 Exode 35.22
³ dabit autem Dominus gratiam populo coram Aegyptiis fuitque Moses vir magnus valde in terra Aegypti coram servis Pharao et omni populoExode 3.21 Exode 12.36 Psaumes 106.46 Apocalypse 3.9 Genèse 39.21
⁴ et ait haec dicit Dominus media nocte egrediar in AegyptumExode 12.29 Amos 4.10 Job 34.20 Michée 2.13 Psaumes 60.10
⁵ et morietur omne primogenitum in terra Aegyptiorum a primogenito Pharaonis qui sedet in solio eius usque ad primogenitum ancillae quae est ad molam et omnia primogenita iumentorumPsaumes 78.51 Exode 12.29 Psaumes 136.10 Exode 4.23 Psaumes 135.8
⁶ eritque clamor magnus in universa terra Aegypti qualis nec ante fuit nec postea futurus estExode 12.30 Amos 5.17 Luc 13.28 Jérémie 31.15 Esaïe 15.8
⁷ apud omnes autem filios Israhel non muttiet canis ab homine usque ad pecus ut sciatis quanto miraculo dividat Dominus Aegyptios et IsrahelExode 8.22 Josué 10.21 Malachie 3.18 Exode 10.23 Exode 9.4
⁸ descendentque omnes servi tui isti ad me et adorabunt me dicentes egredere tu et omnis populus qui subiectus est tibi post haec egrediemurExode 12.31-12.33 Deutéronome 29.24 1 Rois 20.10 Esaïe 49.26 Psaumes 6.1
⁹ et exivit a Pharaone iratus nimis dixit autem Dominus ad Mosen non audiet vos Pharao ut multa signa fiant in terra AegyptiExode 7.3-7.4 Exode 3.19 Exode 10.1 Romains 9.16-9.18
¹⁰ Moses autem et Aaron fecerunt omnia ostenta quae scripta sunt coram Pharaone et induravit Dominus cor Pharaonis nec dimisit filios Israhel de terra suaExode 4.21 Exode 10.20 Exode 10.27 Romains 2.4-2.5 Deutéronome 2.30