2 Chroniques 32.29
Vulgate

Tentative d’invasion par Sanchérib

¹ post quae et huiuscemodi veritatem venit Sennacherib rex Assyriorum et ingressus Iudam obsedit civitates munitas volens eas capere
2 Rois 18.13-18.37 2 Rois 17.6 Esaïe 36.1-37.38 Esaïe 8.6-8.8 2 Chroniques 20.1-20.2
² quod cum vidisset Ezechias venisse scilicet Sennacherib et totum belli impetum verti contra Hierusalem
Luc 9.53 Luc 9.51 2 Rois 12.17
³ inito cum principibus consilio virisque fortissimis ut obturarent capita fontium quae erant extra urbem et hoc omnium decernente sententia
Proverbes 24.6 Romains 11.34 Esaïe 22.8-22.11 2 Rois 18.20 2 Rois 20.20
⁴ congregavit plurimam multitudinem et obturaverunt cunctos fontes et rivum qui fluebat in medio terrae dicentes ne veniant reges Assyriorum et inveniant aquarum abundantiam
2 Chroniques 32.30 1 Rois 19.21 2 Chroniques 32.1 2 Rois 18.13 1 Rois 3.9
⁵ aedificavit quoque agens industrie omnem murum qui fuerat dissipatus et extruxit turres desuper et forinsecus alterum murum instauravitque Mello in civitate David et fecit universi generis armaturam et clypeos
2 Chroniques 25.23 1 Rois 9.24 2 Samuel 5.9 Esaïe 22.9-22.10 2 Rois 25.4
⁶ constituitque principes bellatorum in exercitu et convocavit universos in platea portae civitatis ac locutus est ad cor eorum dicens
2 Chroniques 30.22 Esaïe 40.2 Esdras 10.9 1 Chroniques 27.3-27.34 2 Chroniques 17.14-17.19
⁷ viriliter agite et confortamini nolite timere nec paveatis regem Assyriorum et universam multitudinem quae est cum eo multo enim plures nobiscum sunt quam cum illo
2 Rois 6.16 2 Chroniques 20.15 Esaïe 35.4 2 Rois 18.30 2 Timothée 2.1
⁸ cum illo est brachium carneum nobiscum Dominus Deus noster qui auxiliator est noster pugnatque pro nobis confortatusque est populus huiuscemodi verbis Ezechiae regis Iuda
Jérémie 17.5 2 Chroniques 20.17 2 Chroniques 13.12 2 Chroniques 20.15 Actes 18.10
⁹ quae postquam gesta sunt misit Sennacherib rex Assyriorum servos suos Hierusalem ipse enim cum universo exercitu obsidebat Lachis ad Ezechiam regem Iuda et ad omnem populum qui erat in urbe dicens
2 Rois 18.17 Josué 10.31 Michée 1.13 Josué 15.39 Esaïe 36.2
¹⁰ haec dicit Sennacherib rex Assyriorum in quo habentes fiduciam sedetis obsessi in Hierusalem
Esaïe 36.4 2 Rois 18.19
¹¹ num Ezechias decipit vos ut tradat morti in fame et siti adfirmans quod Dominus Deus vester liberet vos de manu regis Assyriorum
2 Rois 18.27 Psaumes 22.8 Psaumes 71.11 Psaumes 11.1-11.3 2 Chroniques 32.15
¹² numquid non iste est Ezechias qui destruxit excelsa illius et altaria et praecepit Iudae et Hierusalem dicens coram altari uno adorabitis et in ipso conburetis incensum
2 Chroniques 31.1 2 Rois 18.22 Esaïe 36.7 2 Rois 18.4 Deutéronome 12.26-12.27
¹³ an ignoratis quae ego fecerim et patres mei cunctis terrarum populis numquid praevaluerunt dii gentium omniumque terrarum liberare regionem suam de manu mea
2 Rois 18.33-18.35 Esaïe 10.9-10.10 2 Rois 19.17-19.19 Jérémie 10.16 Daniel 4.37
¹⁴ quis est de universis diis gentium quas vastaverunt patres mei qui potuerit eruere populum suum de manu mea ut possit etiam Deus vester eruere vos de hac manu
Exode 14.3 Exode 15.9-15.11 Esaïe 42.8 Esaïe 10.11-10.12
¹⁵ non vos ergo decipiat Ezechias nec vana persuasione deludat neque credatis ei si enim nullus potuit deus cunctarum gentium atque regnorum liberare populum suum de manu mea et de manu patrum meorum consequenter nec Deus vester poterit eruere vos de hac manu
Daniel 3.15 Exode 5.2 Esaïe 36.18 2 Rois 19.10 2 Rois 18.29
¹⁶ sed et alia multa locuti sunt servi eius contra Dominum Deum et contra Ezechiam servum eius
Psaumes 73.9 Jean 15.21 Job 15.25-15.26
¹⁷ epistulas quoque scripsit plenas blasphemiae in Dominum Deum Israhel et locutus est adversus eum sicut dii gentium ceterarum non potuerunt liberare populos suos de manu mea sic et Deus Ezechiae eruere non poterit populum suum de manu ista
Esaïe 37.14 2 Rois 19.12 Esaïe 37.28-37.29 Apocalypse 13.6 2 Rois 19.28
¹⁸ insuper et clamore magno lingua iudaica contra populum qui sedebat in muris Hierusalem personabat ut terreret eos et caperet civitatem
1 Samuel 17.10 2 Rois 18.26-18.28 1 Samuel 17.26 Esaïe 36.13 Néhémie 6.9
¹⁹ locutusque est contra Deum Hierusalem sicut adversum deos populorum terrae opera manuum hominum
2 Rois 19.18 Esaïe 2.8 Deutéronome 4.28 Jérémie 10.9 Deutéronome 27.15
²⁰ oraverunt igitur Ezechias rex et Esaias filius Amos prophetes adversum hanc blasphemiam ac vociferati sunt usque in caelum
2 Chroniques 14.11 2 Chroniques 20.6-20.12 Esaïe 37.1-37.4 Esaïe 37.14-37.20 Psaumes 91.14-91.15
²¹ et misit Dominus angelum qui percussit omnem virum robustum et bellatorem et principem exercitus regis Assyriorum reversusque est cum ignominia in terram suam cumque ingressus esset domum dei sui filii qui egressi fuerant de utero eius interfecerunt eum gladio
Esaïe 33.10-33.12 Psaumes 18.50 Daniel 3.28 Actes 12.23 2 Rois 19.35-19.37
²² salvavitque Dominus Ezechiam et habitatores Hierusalem de manu Sennacherib regis Assyriorum et de manu omnium et praestitit ei quietem per circuitum
Psaumes 71.20-71.21 Esaïe 58.11 Esaïe 31.4-31.5 Psaumes 73.24 Psaumes 18.48-18.50
²³ multi etiam deferebant hostias et sacrificia Domino Hierusalem et munera Ezechiae regi Iuda qui exaltatus est post haec coram cunctis gentibus
2 Chroniques 17.5 2 Chroniques 9.24 2 Chroniques 1.1 Matthieu 2.11 1 Rois 10.10

Maladie et guérison d’Ézéchias

²⁴ in diebus illis aegrotavit Ezechias usque ad mortem et oravit Dominum exaudivitque eum et dedit ei signum
Esaïe 38.1-38.8 2 Rois 20.1-20.11 Esaïe 38.21-38.22
²⁵ sed non iuxta beneficia quae acceperat retribuit quia elevatum est cor eius et facta est contra eum ira et contra Iudam ac Hierusalem
2 Chroniques 26.16 2 Chroniques 24.18 2 Chroniques 32.31 2 Rois 14.10 1 Chroniques 21.12-21.17
²⁶ humiliatusque est postea eo quod exaltatum fuisset cor eius tam ipse quam habitatores Hierusalem et idcirco non venit super eos ira Domini in diebus Ezechiae
Jérémie 26.18-26.19 Jacques 4.10 2 Chroniques 33.12 2 Chroniques 34.27-34.28 2 Chroniques 33.23
²⁷ fuit autem Ezechias dives et inclitus valde et thesauros sibi plurimos congregavit argenti auri et lapidis pretiosi aromatum et armorum universi generis et vasorum magni pretii
2 Chroniques 1.12 Proverbes 10.22 2 Chroniques 9.27 1 Chroniques 27.25-27.31 2 Chroniques 17.5
²⁸ apothecas quoque frumenti vini et olei et praesepia omnium iumentorum caulasque pecoribus
1 Rois 4.26 2 Chroniques 26.10 2 Samuel 7.8
²⁹ et urbes exaedificavit habebat quippe greges ovium et armentorum innumerabiles eo quod dedisset ei Dominus substantiam multam nimis
1 Chroniques 29.12 2 Chroniques 25.9 2 Chroniques 26.10 Deutéronome 8.18 Genèse 13.2-13.6
³⁰ ipse est Ezechias qui obturavit superiorem fontem aquarum Gion et avertit eas subter ad occidentem urbis David in omnibus operibus suis fecit prospere quae voluit
1 Rois 1.33 1 Rois 1.45 Esaïe 22.9-22.11 Psaumes 1.1-1.3 2 Chroniques 32.4
³¹ attamen in legatione principum Babylonis qui missi fuerant ad eum ut interrogarent de portento quod acciderat super terram dereliquit eum Deus ut temptaretur et nota fierent omnia quae erant in corde eius
Deutéronome 8.2 Genèse 22.1 2 Chroniques 32.24 Deutéronome 8.16 2 Rois 20.8-20.13
³² reliqua autem sermonum Ezechiae et misericordiarum eius scripta sunt in visione Esaiae filii Amos prophetae et in libro regum Iuda et Israhel
2 Rois 18.1-18.20 Esaïe 36.1-36.22 2 Chroniques 31.20-31.21
³³ dormivitque Ezechias cum patribus suis et sepelierunt eum supra sepulchra filiorum David et celebravit eius exequias universus Iuda et omnes habitatores Hierusalem regnavitque Manasses filius eius pro eo
Proverbes 10.7 Genèse 50.10-50.11 2 Chroniques 16.14 1 Samuel 25.1 Deutéronome 34.8