2 Rois 7.7
Vulgate

¹ dixit autem Heliseus audite verbum Domini haec dicit Dominus in tempore hoc cras modius similae uno statere erit et duo modii hordei statere uno in porta Samariae
Josué 3.5 1 Samuel 11.9 Ezéchiel 37.4 Exode 9.5-9.6 Exode 8.23
² respondens unus de ducibus super cuius manum rex incumbebat homini Dei ait si Dominus fecerit etiam cataractas in caelo numquid poterit esse quod loqueris qui ait videbis oculis tuis et inde non comedes
2 Rois 5.18 Genèse 7.11 Malachie 3.10 Genèse 18.12-18.14 Romains 3.3
³ quattuor ergo viri erant leprosi iuxta introitum portae qui dixerunt ad invicem quid hic esse volumus donec moriamur
Nombres 5.2-5.4 Nombres 12.14 Jérémie 27.13 Lévitique 13.45-13.46 2 Rois 5.1
⁴ sive ingredi voluerimus civitatem fame moriemur sive manserimus hic moriendum nobis est venite igitur et transfugiamus ad castra Syriae si pepercerint nobis vivemus si autem occidere voluerint nihilominus moriemur
Hébreux 9.27 Esther 4.16 1 Chroniques 12.19 Luc 15.17-15.19 Jérémie 14.18
⁵ surrexerunt igitur vesperi ut venirent ad castra Syriae cumque venissent ad principium castrorum Syriae nullum ibidem reppererunt
Lévitique 27.26 Lévitique 27.8 Deutéronome 32.25 Ezéchiel 12.12 Deutéronome 28.7
⁶ siquidem Dominus sonitum audiri fecerat in castris Syriae curruum et equorum et exercitus plurimi dixeruntque ad invicem ecce mercede conduxit adversum nos rex Israhel reges Hettheorum et Aegyptiorum et venerunt super nos
2 Samuel 5.24 1 Rois 10.29 Job 15.21 Esaïe 36.9 2 Chroniques 12.2-12.3
⁷ surrexerunt ergo et fugerunt in tenebris et dereliquerunt tentoria sua et equos et asinos in castris fugeruntque animas tantum suas salvare cupientes
Psaumes 48.4-48.6 Proverbes 28.1 Proverbes 21.1 Esaïe 2.20 Psaumes 68.12
⁸ igitur cum venissent leprosi illi ad principium castrorum ingressi sunt unum tabernaculum et comederunt et biberunt tuleruntque inde argentum et aurum et vestes et abierunt et absconderunt et rursum reversi sunt ad aliud tabernaculum et inde similiter auferentes absconderunt
Josué 7.21 Matthieu 25.18 Matthieu 13.44 2 Rois 5.24 Jérémie 41.8
⁹ dixeruntque ad invicem non recte facimus haec enim dies boni nuntii est si tacuerimus et noluerimus nuntiare usque mane sceleris arguemur venite eamus et nuntiemus in aula regis
Aggée 1.4-1.5 Philippiens 2.4 Nahum 1.15 2 Rois 7.6 Luc 2.10
¹⁰ cumque venissent ad portam civitatis narraverunt eis dicentes ivimus ad castra Syriae et nullum ibidem repperimus hominum nisi equos et asinos alligatos et fixa tentoria
2 Rois 7.6-7.7 2 Samuel 18.26 2 Rois 7.11 Psaumes 127.1 Marc 13.34-13.35
¹¹ ierunt ergo portarii et nuntiaverunt in palatio regis intrinsecus
¹² qui surrexit nocte et ait ad servos suos dico vobis quid fecerint nobis Syri sciunt quia fame laboramus et idcirco egressi sunt de castris et latitant in agris dicentes cum egressi fuerint de civitate capiemus eos viventes et tunc civitatem ingredi poterimus
Josué 8.4 2 Rois 6.25-6.29
¹³ respondit autem unus servorum eius tollamus quinque equos qui remanserunt in urbe quia ipsi tantum sunt in universa multitudine Israhel alii enim consumpti sunt et mittentes explorare poterimus
Jérémie 14.18 2 Rois 6.33 Lamentations 4.9 2 Rois 5.13 2 Rois 7.4
¹⁴ adduxerunt ergo duos equos misitque rex ad castra Syrorum dicens ite videte
¹⁵ qui abierunt post eos usque ad Iordanem ecce autem omnis via plena erat vestibus et vasis quae proiecerant Syri cum turbarentur reversique nuntii indicaverunt regi
Matthieu 16.26 Esaïe 22.24 Esaïe 31.7 Ezéchiel 18.31 Philippiens 3.7-3.8
¹⁶ et egressus populus diripuit castra Syriae factusque est modius similae statere uno et duo modii hordei statere uno iuxta verbum Domini
2 Rois 7.1 Esaïe 33.4 Esaïe 33.23 Nombres 23.19 2 Chroniques 14.12-14.15
¹⁷ porro rex ducem illum in cuius manu incubuerat constituit ad portam quem conculcavit turba in introitu et mortuus est iuxta quod locutus fuerat vir Dei quando descenderat rex ad eum
2 Rois 7.2 2 Rois 6.32 Hébreux 10.29 Juges 20.43 2 Rois 9.33
¹⁸ factumque est secundum sermonem viri Dei quem dixerat regi quando ait duo modii hordei statere uno erunt et modius similae statere uno hoc eodem tempore cras in porta Samariae
2 Rois 6.32 Genèse 18.14 2 Rois 7.1-7.2
¹⁹ quando responderat dux ille viro Dei et dixerat etiam si Dominus fecerit cataractas in caelo numquid fieri poterit quod loqueris et dixit ei videbis oculis tuis et inde non comedes
2 Rois 7.2
²⁰ evenit ergo ei sicut praedictum erat et conculcavit eum populus in porta et mortuus est
Jérémie 17.5-17.6 Job 20.23 2 Chroniques 20.20 Esaïe 7.9 Nombres 20.12