Esaïe 28.6
Septante

Prophétie sur Éphraïm

¹ οὐαὶ τῷ στεφάνῳ τῆς ὕβρεως οἱ μισθωτοὶ Εφραιμ τὸ ἄνθος τὸ ἐκπεσὸν ἐκ τῆς δόξης ἐπὶ τῆς κορυφῆς τοῦ ὄρους τοῦ παχέος οἱ μεθύοντες ἄνευ οἴνου.
Osée 7.5 Esaïe 28.7 Esaïe 28.3-28.4 Amos 6.1 Amos 6.6
² ἰδοὺ ἰσχυρὸν καὶ σκληρὸν ὁ θυμὸς κυρίου ὡς χάλαζα καταφερομένη οὐκ ἔχουσα σκέπην βίᾳ καταφερομένη ὡς ὕδατος πολὺ πλῆθος σῦρον χώραν τῇ γῇ ποιήσει ἀνάπαυσιν ταῖς χερσίν.
Esaïe 30.30 Ezéchiel 13.11 Nahum 1.8 Esaïe 29.6 Esaïe 27.1
³ καὶ τοῖς ποσὶν καταπατηθήσεται ὁ στέφανος τῆς ὕβρεως οἱ μισθωτοὶ τοῦ Εφραιμ.
Esaïe 26.6 Daniel 8.13 2 Rois 9.33 Esaïe 25.10 Apocalypse 11.2
⁴ καὶ ἔσται τὸ ἄνθος τὸ ἐκπεσὸν τῆς ἐλπίδος τῆς δόξης ἐπ’ ἄκρου τοῦ ὄρους τοῦ ὑψηλοῦ ὡς πρόδρομος σύκου ὁ ἰδὼν αὐτὸ πρὶν ἢ εἰς τὴν χεῖρα αὐτοῦ λαβεῖν θελήσει αὐτὸ καταπιεῖν.
Michée 7.1 Nahum 3.12 Esaïe 28.1 Apocalypse 6.13 Osée 9.10-9.11
⁵ τῇ ἡμέρᾳ ἐκείνῃ ἔσται κύριος σαβαωθ ὁ στέφανος τῆς ἐλπίδος ὁ πλακεὶς τῆς δόξης τῷ καταλειφθέντι μου λαῷ.
Esaïe 60.19 Esaïe 62.3 Esaïe 41.16 Esaïe 45.25 Job 29.14
⁶ καταλειφθήσονται ἐπὶ πνεύματι κρίσεως ἐπὶ κρίσιν καὶ ἰσχὺν κωλύων ἀνελεῖν.
1 Rois 3.28 Jean 5.30 Esaïe 32.15-32.16 Esaïe 11.2-11.4 Nombres 11.16-11.17
⁷ οὗτοι γὰρ οἴνῳ πεπλανημένοι εἰσίν ἐπλανήθησαν διὰ τὸ σικερα ἱερεὺς καὶ προφήτης ἐξέστησαν διὰ τὸν οἶνον ἐσείσθησαν ἀπὸ τῆς μέθης τοῦ σικερα ἐπλανήθησαν τοῦτ’ ἔστι φάσμα.
Matthieu 24.29 Esaïe 56.10-56.12 Esaïe 19.14 Luc 21.34 Psaumes 107.27
⁸ ἀρὰ ἔδεται ταύτην τὴν βουλήν αὕτη γὰρ ἡ βουλὴ ἕνεκεν πλεονεξίας.
Jérémie 48.26 Proverbes 26.11 Habakuk 2.15-2.16
⁹ τίνι ἀνηγγείλαμεν κακὰ καὶ τίνι ἀνηγγείλαμεν ἀγγελίαν οἱ ἀπογεγαλακτισμένοι ἀπὸ γάλακτος οἱ ἀπεσπασμένοι ἀπὸ μαστοῦ.
Psaumes 131.2 Jérémie 6.10 Psaumes 50.17 Matthieu 21.15-21.16 Matthieu 11.25
¹⁰ θλῖψιν ἐπὶ θλῖψιν προσδέχου ἐλπίδα ἐπ’ ἐλπίδι ἔτι μικρὸν ἔτι μικρὸν.
Esaïe 28.13 Jérémie 25.3-25.7 2 Chroniques 36.15-36.16 2 Timothée 3.7 Néhémie 9.29-9.30
¹¹ διὰ φαυλισμὸν χειλέων διὰ γλώσσης ἑτέρας ὅτι λαλήσουσιν τῷ λαῷ τούτῳ.
1 Corinthiens 14.21 Esaïe 33.19 Deutéronome 28.49 Jérémie 5.15
¹² λέγοντες αὐτῷ τοῦτο τὸ ἀνάπαυμα τῷ πεινῶντι καὶ τοῦτο τὸ σύντριμμα καὶ οὐκ ἠθέλησαν ἀκούειν.
Matthieu 11.28-11.29 Esaïe 30.15 Jérémie 6.16 2 Chroniques 16.8-16.9 Jérémie 44.16
¹³ καὶ ἔσται αὐτοῖς τὸ λόγιον κυρίου τοῦ θεοῦ θλῖψις ἐπὶ θλῖψιν ἐλπὶς ἐπ’ ἐλπίδι ἔτι μικρὸν ἔτι μικρόν ἵνα πορευθῶσιν καὶ πέσωσιν εἰς τὰ ὀπίσω καὶ κινδυνεύσουσιν καὶ συντριβήσονται καὶ ἁλώσονται.
Matthieu 21.44 Psaumes 69.22 2 Pierre 3.16 Esaïe 8.14-8.15 2 Corinthiens 2.16
¹⁴ διὰ τοῦτο ἀκούσατε λόγον κυρίου ἄνδρες τεθλιμμένοι καὶ ἄρχοντες τοῦ λαοῦ τούτου τοῦ ἐν Ιερουσαλημ.
Esaïe 1.10 Esaïe 29.20 Esaïe 28.22 Proverbes 1.22 Osée 7.5
¹⁵ ὅτι εἴπατε ἐποιήσαμεν διαθήκην μετὰ τοῦ ᾅδου καὶ μετὰ τοῦ θανάτου συνθήκας καταιγὶς φερομένη ἐὰν παρέλθῃ οὐ μὴ ἔλθῃ ἐφ’ ἡμᾶς ἐθήκαμεν ψεῦδος τὴν ἐλπίδα ἡμῶν καὶ τῷ ψεύδει σκεπασθησόμεθα.
Esaïe 8.7-8.8 Osée 2.18 Esaïe 28.2 Ezéchiel 13.22 Esaïe 28.18
¹⁶ διὰ τοῦτο οὕτως λέγει κύριος ἰδοὺ ἐγὼ ἐμβαλῶ εἰς τὰ θεμέλια Σιων λίθον πολυτελῆ ἐκλεκτὸν ἀκρογωνιαῖον ἔντιμον εἰς τὰ θεμέλια αὐτῆς καὶ ὁ πιστεύων ἐπ’ αὐτῷ οὐ μὴ καταισχυνθῇ.
Psaumes 118.22 Actes 4.11-4.12 Romains 9.33 1 Pierre 2.6-2.8 Luc 20.17-20.18
¹⁷ καὶ θήσω κρίσιν εἰς ἐλπίδα ἡ δὲ ἐλεημοσύνη μου εἰς σταθμούς καὶ οἱ πεποιθότες μάτην ψεύδει ὅτι οὐ μὴ παρέλθῃ ὑμᾶς καταιγίς.
2 Rois 21.13 Amos 7.7-7.9 Esaïe 28.2 Apocalypse 16.21 Apocalypse 8.7
¹⁸ μὴ καὶ ἀφέλῃ ὑμῶν τὴν διαθήκην τοῦ θανάτου καὶ ἡ ἐλπὶς ὑμῶν ἡ πρὸς τὸν ᾅδην οὐ μὴ ἐμμείνῃ καταιγὶς φερομένη ἐὰν ἐπέλθῃ ἔσεσθε αὐτῇ εἰς καταπάτημα.
Esaïe 28.15 Esaïe 7.7 Esaïe 28.3 Esaïe 8.10 Jérémie 44.28
¹⁹ ὅταν παρέλθῃ λήμψεται ὑμᾶς πρωὶ πρωὶ παρελεύσεται ἡμέρας καὶ ἐν νυκτὶ ἔσται ἐλπὶς πονηρά μάθετε ἀκούειν.
Esaïe 36.22 2 Rois 24.2 Ezéchiel 21.19-21.23 Job 18.11 Habakuk 3.16
²⁰ στενοχωρούμενοι οὐ δυνάμεθα μάχεσθαι αὐτοὶ δὲ ἀσθενοῦμεν τοῦ ἡμᾶς συναχθῆναι.
Esaïe 64.6 Esaïe 59.5-59.6 Esaïe 57.12-57.13 Esaïe 66.3-66.6 1 Corinthiens 1.18-1.31
²¹ ὥσπερ ὄρος ἀσεβῶν ἀναστήσεται καὶ ἔσται ἐν τῇ φάραγγι Γαβαων μετὰ θυμοῦ ποιήσει τὰ ἔργα αὐτοῦ πικρίας ἔργον ὁ δὲ θυμὸς αὐτοῦ ἀλλοτρίως χρήσεται καὶ ἡ πικρία αὐτοῦ ἀλλοτρία.
Luc 19.41-19.44 1 Chroniques 14.16 2 Samuel 5.20 Josué 10.12 Josué 10.10
²² καὶ ὑμεῖς μὴ εὐφρανθείητε μηδὲ ἰσχυσάτωσαν ὑμῶν οἱ δεσμοί διότι συντετελεσμένα καὶ συντετμημένα πράγματα ἤκουσα παρὰ κυρίου σαβαωθ ἃ ποιήσει ἐπὶ πᾶσαν τὴν γῆν.
Esaïe 10.22-10.23 Luc 21.24 Esaïe 28.14-28.15 Daniel 9.26-9.27 Actes 17.32

Parabole du cultivateur

²³ ἐνωτίζεσθε καὶ ἀκούετε τῆς φωνῆς μου προσέχετε καὶ ἀκούετε τοὺς λόγους μου.
Apocalypse 2.29 Apocalypse 2.11 Apocalypse 2.7 Apocalypse 2.14 Esaïe 1.2
²⁴ μὴ ὅλην τὴν ἡμέραν μέλλει ὁ ἀροτριῶν ἀροτριᾶν ἢ σπόρον προετοιμάσει πρὶν ἐργάσασθαι τὴν γῆν.
Jérémie 4.3 Osée 10.11-10.12
²⁵ οὐχ ὅταν ὁμαλίσῃ αὐτῆς τὸ πρόσωπον τότε σπείρει μικρὸν μελάνθιον καὶ κύμινον καὶ πάλιν σπείρει πυρὸν καὶ κριθὴν καὶ ζέαν ἐν τοῖς ὁρίοις σου.
Exode 9.31-9.32 Ezéchiel 4.9 Matthieu 23.23
²⁶ καὶ παιδευθήσῃ κρίματι θεοῦ σου καὶ εὐφρανθήσῃ.
Daniel 1.17 Psaumes 144.1 Jacques 1.17 Job 39.17 Exode 36.2
²⁷ οὐ γὰρ μετὰ σκληρότητος καθαίρεται τὸ μελάνθιον οὐδὲ τροχὸς ἁμάξης περιάξει ἐπὶ τὸ κύμινον ἀλλὰ ῥάβδῳ ἐκτινάσσεται τὸ μελάνθιον τὸ δὲ κύμινον.
Amos 1.3 Esaïe 27.7-27.8 Jérémie 46.28 Esaïe 41.15 Jérémie 10.24
²⁸ μετὰ ἄρτου βρωθήσεται οὐ γὰρ εἰς τὸν αἰῶνα ἐγὼ ὑμῖν ὀργισθήσομαι οὐδὲ φωνὴ τῆς πικρίας μου καταπατήσει ὑμᾶς.
Jean 12.24 Esaïe 21.10 1 Corinthiens 9.9-9.10 1 Corinthiens 3.9 Matthieu 13.37-13.43
²⁹ καὶ ταῦτα παρὰ κυρίου σαβαωθ ἐξῆλθεν τὰ τέρατα βουλεύσασθε ὑψώσατε ματαίαν παράκλησιν.
Esaïe 9.6 Romains 11.33 Jérémie 32.19 Psaumes 92.5 Job 37.23