Osée 6.8
Biblia Hebraica Stuttgartensia

¹ לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ יַ֖ךְ וְיַחְבְּשֵֽׁנוּ׃
Deutéronome 32.39 1 Samuel 2.6 Job 5.18 Job 34.29 Osée 14.4
² יְחַיֵּ֖נוּ מִיֹּמָ֑יִם בַּיֹּום֙ הַשְּׁלִישִׁ֔י יְקִמֵ֖נוּ וְנִחְיֶ֥ה לְפָנָֽיו׃
Ezéchiel 37.11-37.13 Psaumes 30.4-30.5 1 Corinthiens 15.4 Esaïe 26.19 Jean 14.19
³ וְנֵדְעָ֣ה נִרְדְּפָ֗ה לָדַ֨עַת֙ אֶת־יְהוָ֔ה כְּשַׁ֖חַר נָכֹ֣ון מֹֽוצָאֹ֑ו וְיָבֹ֤וא כַגֶּ֨שֶׁם֙ לָ֔נוּ כְּמַלְקֹ֖ושׁ יֹ֥ורֶה אָֽרֶץ׃
Psaumes 72.6 Proverbes 2.1-2.5 Actes 17.11 Philippiens 3.13-3.15 Michée 4.2
⁴ מָ֤ה אֶֽעֱשֶׂה־לְּךָ֙ אֶפְרַ֔יִם מָ֥ה אֶעֱשֶׂה־לְּךָ֖ יְהוּדָ֑ה וְחַסְדְּכֶם֙ כַּֽעֲנַן־בֹּ֔קֶר וְכַטַּ֖ל מַשְׁכִּ֥ים הֹלֵֽךְ׃
Osée 11.8 Osée 13.3 Psaumes 78.34-78.37 Jérémie 5.23 Juges 2.18-2.19
⁵ עַל־כֵּ֗ן חָצַ֨בְתִּי֙ בַּנְּבִיאִ֔ים הֲרַגְתִּ֖ים בְּאִמְרֵי־פִ֑י וּמִשְׁפָּטֶ֖יךָ אֹ֥ור יֵצֵֽא׃
Jérémie 23.29 Jérémie 1.10 Jérémie 5.14 Hébreux 4.12 Apocalypse 2.16
⁶ כִּ֛י חֶ֥סֶד חָפַ֖צְתִּי וְלֹא־זָ֑בַח וְדַ֥עַת אֱלֹהִ֖ים מֵעֹלֹֽות׃
Matthieu 12.7 Matthieu 9.13 Esaïe 1.11 1 Samuel 15.22 1 Jean 3.6
⁷ וְהֵ֕מָּה כְּאָדָ֖ם עָבְר֣וּ בְרִ֑ית שָׁ֖ם בָּ֥גְדוּ בִֽי׃
Osée 8.1 Osée 5.7 Job 31.33 Genèse 3.11 Esaïe 48.8
⁸ גִּלְעָ֕ד קִרְיַ֖ת פֹּ֣עֲלֵי אָ֑וֶן עֲקֻבָּ֖ה מִדָּֽם׃
Osée 12.11 Psaumes 59.2 Jérémie 11.19 Psaumes 10.8 Josué 21.38
⁹ וּכְחַכֵּ֨י אִ֜ישׁ גְּדוּדִ֗ים חֶ֚בֶר כֹּֽהֲנִ֔ים דֶּ֖רֶךְ יְרַצְּחוּ־שֶׁ֑כְמָה כִּ֥י זִמָּ֖ה עָשֽׂוּ׃
Osée 7.1 Osée 5.1 Michée 3.9 Sophonie 3.3 Jean 11.47
¹⁰ בְּבֵית֙ יִשְׂרָאֵ֔ל רָאִ֖יתִי שַׁעֲרֽוּרִיָּ֑ה שָׁ֚ם זְנ֣וּת לְאֶפְרַ֔יִם נִטְמָ֖א יִשְׂרָאֵֽל׃
Osée 5.3 Jérémie 5.30-5.31 Jérémie 23.14 Ezéchiel 23.5 Jérémie 2.12-2.13
¹¹ גַּם־יְהוּדָ֕ה שָׁ֥ת קָצִ֖יר לָ֑ךְ בְּשׁוּבִ֖י שְׁב֥וּת עַמִּֽי׃ פ
Joël 3.13 Jérémie 51.33 Sophonie 2.7 Psaumes 126.1 Job 42.10