Osée 6.8
Biblia Hebraica Stuttgartensia

¹ לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ יַ֖ךְ וְיַחְבְּשֵֽׁנוּ׃Deutéronome 32.39 1 Samuel 2.6 Job 5.18 Esaïe 2.3 Job 34.29
² יְחַיֵּ֖נוּ מִיֹּמָ֑יִם בַּיֹּום֙ הַשְּׁלִישִׁ֔י יְקִמֵ֖נוּ וְנִחְיֶ֥ה לְפָנָֽיו׃Ezéchiel 37.11-37.13 1 Corinthiens 15.4 Esaïe 26.19 Jean 14.19 2 Rois 20.5
³ וְנֵדְעָ֣ה נִרְדְּפָ֗ה לָדַ֨עַת֙ אֶת־יְהוָ֔ה כְּשַׁ֖חַר נָכֹ֣ון מֹֽוצָאֹ֑ו וְיָבֹ֤וא כַגֶּ֨שֶׁם֙ לָ֔נוּ כְּמַלְקֹ֖ושׁ יֹ֥ורֶה אָֽרֶץ׃Proverbes 2.1-2.5 Psaumes 72.6 Philippiens 3.13-3.15 Actes 17.11 Michée 4.2
⁴ מָ֤ה אֶֽעֱשֶׂה־לְּךָ֙ אֶפְרַ֔יִם מָ֥ה אֶעֱשֶׂה־לְּךָ֖ יְהוּדָ֑ה וְחַסְדְּכֶם֙ כַּֽעֲנַן־בֹּ֔קֶר וְכַטַּ֖ל מַשְׁכִּ֥ים הֹלֵֽךְ׃Osée 13.3 Osée 11.8 Psaumes 78.34-78.37 Jérémie 9.7 Psaumes 106.12-106.13
⁵ עַל־כֵּ֗ן חָצַ֨בְתִּי֙ בַּנְּבִיאִ֔ים הֲרַגְתִּ֖ים בְּאִמְרֵי־פִ֑י וּמִשְׁפָּטֶ֖יךָ אֹ֥ור יֵצֵֽא׃Jérémie 23.29 Jérémie 1.10 Jérémie 5.14 Hébreux 4.12 2 Chroniques 21.12
⁶ כִּ֛י חֶ֥סֶד חָפַ֖צְתִּי וְלֹא־זָ֑בַח וְדַ֥עַת אֱלֹהִ֖ים מֵעֹלֹֽות׃Matthieu 12.7 Matthieu 9.13 Esaïe 1.11 1 Samuel 15.22 1 Jean 3.6
⁷ וְהֵ֕מָּה כְּאָדָ֖ם עָבְר֣וּ בְרִ֑ית שָׁ֖ם בָּ֥גְדוּ בִֽי׃Osée 8.1 Osée 5.7 Genèse 3.11 Job 31.33 2 Rois 17.15
⁸ גִּלְעָ֕ד קִרְיַ֖ת פֹּ֣עֲלֵי אָ֑וֶן עֲקֻבָּ֖ה מִדָּֽם׃Osée 12.11 Michée 7.2 2 Samuel 20.8 Actes 25.3 Matthieu 26.15-26.16
⁹ וּכְחַכֵּ֨י אִ֜ישׁ גְּדוּדִ֗ים חֶ֚בֶר כֹּֽהֲנִ֔ים דֶּ֖רֶךְ יְרַצְּחוּ־שֶׁ֑כְמָה כִּ֥י זִמָּ֖ה עָשֽׂוּ׃Osée 7.1 Osée 5.1 Proverbes 1.11-1.19 Job 1.15-1.17 Jérémie 7.9-7.10
¹⁰ בְּבֵית֙ יִשְׂרָאֵ֔ל רָאִ֖יתִי שַׁעֲרֽוּרִיָּ֑ה שָׁ֚ם זְנ֣וּת לְאֶפְרַ֔יִם נִטְמָ֖א יִשְׂרָאֵֽל׃Osée 5.3 Jérémie 5.30-5.31 Jérémie 23.14 2 Rois 17.7 Osée 4.17
¹¹ גַּם־יְהוּדָ֕ה שָׁ֥ת קָצִ֖יר לָ֑ךְ בְּשׁוּבִ֖י שְׁב֥וּת עַמִּֽי׃ פJoël 3.13 Jérémie 51.33 Sophonie 2.7 Psaumes 126.1 Job 42.10