Psaumes 90.4
Biblia Hebraica Stuttgartensia

¹ תְּפִלָּה֮ לְמֹשֶׁ֪ה אִֽישׁ־הָאֱלֹ֫הִ֥ים אֲֽדֹנָ֗י מָעֹ֣ון אַ֭תָּה הָיִ֥יתָ לָּ֗נוּ בְּדֹ֣ר וָדֹֽר׃Ezéchiel 11.16 Deutéronome 33.27 Psaumes 71.3 Nombres 13.1-13.14 1 Jean 4.16
² בְּטֶ֤רֶם׀ הָ֘רִ֤ים יֻלָּ֗דוּ וַתְּחֹ֣ולֵֽל אֶ֣רֶץ וְתֵבֵ֑ל וּֽמֵעֹולָ֥ם עַד־עֹ֝ולָ֗ם אַתָּ֥ה אֵֽל׃Apocalypse 1.8 Genèse 1.1 Job 15.7 Psaumes 93.2 Michée 5.2
³ תָּשֵׁ֣ב אֱ֭נֹושׁ עַד־דַּכָּ֑א וַ֝תֹּ֗אמֶר שׁ֣וּבוּ בְנֵי־אָדָֽם׃Genèse 3.19 Psaumes 104.29 Job 34.14-34.15 Ecclésiaste 12.7 Nombres 14.35
⁴ כִּ֤י אֶ֪לֶף שָׁנִ֡ים בְּֽעֵינֶ֗יךָ כְּיֹ֣ום אֶ֭תְמֹול כִּ֣י יַעֲבֹ֑ר וְאַשְׁמוּרָ֥ה בַלָּֽיְלָה׃2 Pierre 3.8 Psaumes 39.5 Matthieu 14.25 Luc 12.38 Matthieu 24.43
⁵ זְ֭רַמְתָּם שֵׁנָ֣ה יִהְי֑וּ בַּ֝בֹּ֗קֶר כֶּחָצִ֥יר יַחֲלֹֽף׃Esaïe 40.6 1 Pierre 1.24 Job 22.16 Psaumes 73.20 Esaïe 29.7-29.8
⁶ בַּ֭בֹּקֶר יָצִ֣יץ וְחָלָ֑ף לָ֝עֶ֗רֶב יְמֹולֵ֥ל וְיָבֵֽשׁ׃Job 14.2 Psaumes 92.7 Matthieu 6.30 Jacques 1.11
⁷ כִּֽי־כָלִ֥ינוּ בְאַפֶּ֑ךָ וּֽבַחֲמָתְךָ֥ נִבְהָֽלְנוּ׃Psaumes 39.11 Hébreux 3.17-4.2 Psaumes 90.9 Exode 14.24 Hébreux 3.10-3.11
⁸ שַׁתָּ֣ה עֲוֹנֹתֵ֣ינוּ לְנֶגְדֶּ֑ךָ עֲ֝לֻמֵ֗נוּ לִמְאֹ֥ור פָּנֶֽיךָ׃Psaumes 19.12 Jérémie 16.17 Ecclésiaste 12.14 Romains 2.16 Hébreux 4.12-4.13
⁹ כִּ֣י כָל־יָ֭מֵינוּ פָּנ֣וּ בְעֶבְרָתֶ֑ךָ כִּלִּ֖ינוּ שָׁנֵ֣ינוּ כְמֹו־הֶֽגֶה׃Psaumes 78.33 Psaumes 39.5 Psaumes 90.4
¹⁰ יְמֵֽי־שְׁנֹותֵ֨ינוּ בָהֶ֥ם שִׁבְעִ֪ים שָׁנָ֡ה וְאִ֤ם בִּגְבוּרֹ֨ת׀ שְׁמֹ֘ונִ֤ים שָׁנָ֗ה וְ֭רָהְבָּם עָמָ֣ל וָאָ֑וֶן כִּי־גָ֥ז חִ֝֗ישׁ וַנָּעֻֽפָה׃2 Samuel 19.35 Psaumes 78.39 1 Rois 1.1 Deutéronome 34.7 Jacques 4.14
¹¹ מִֽי־יֹ֭ודֵעַ עֹ֣ז אַפֶּ֑ךָ וּ֝כְיִרְאָתְךָ֗ עֶבְרָתֶֽךָ׃Psaumes 76.7 Lévitique 26.28 Deutéronome 28.59 Esaïe 33.14 Lévitique 26.21
¹² לִמְנֹ֣ות יָ֭מֵינוּ כֵּ֣ן הֹודַ֑ע וְ֝נָבִ֗א לְבַ֣ב חָכְמָֽה׃Psaumes 39.4 Deutéronome 32.29 Jean 9.4 Ephésiens 5.16-5.17 Proverbes 4.7
¹³ שׁוּבָ֣ה יְ֭הוָה עַד־מָתָ֑י וְ֝הִנָּחֵ֗ם עַל־עֲבָדֶֽיךָ׃Deutéronome 32.36 Psaumes 135.14 Psaumes 106.45 Amos 7.6 Amos 7.3
¹⁴ שַׂבְּעֵ֣נוּ בַבֹּ֣קֶר חַסְדֶּ֑ךָ וּֽנְרַנְּנָ֥ה וְ֝נִשְׂמְחָ֗ה בְּכָל־יָמֵֽינוּ׃Psaumes 85.6 Psaumes 86.4 Psaumes 23.6 Psaumes 103.3-103.5 Philippiens 4.4
¹⁵ שַׂ֭מְּחֵנוּ כִּימֹ֣ות עִנִּיתָ֑נוּ שְׁ֝נֹ֗ות רָאִ֥ינוּ רָעָֽה׃Deutéronome 2.14-2.16 Psaumes 126.5-126.6 Psaumes 30.5 Jérémie 31.12-31.13 Jean 16.20
¹⁶ יֵרָאֶ֣ה אֶל־עֲבָדֶ֣יךָ פָעֳלֶ֑ךָ וַ֝הֲדָרְךָ֗ עַל־בְּנֵיהֶֽם׃Psaumes 44.1 Habakuk 3.2 Josué 4.22-4.24 Psaumes 92.4 Nombres 14.15-14.24
¹⁷ וִיהִ֤י׀ נֹ֤עַם אֲדֹנָ֥י אֱלֹהֵ֗ינוּ עָ֫לֵ֥ינוּ וּמַעֲשֵׂ֣ה יָ֭דֵינוּ כֹּונְנָ֥ה עָלֵ֑ינוּ וּֽמַעֲשֵׂ֥ה יָ֝דֵ֗ינוּ כֹּונְנֵֽהוּ׃1 Corinthiens 3.7 Proverbes 16.3 2 Thessaloniciens 2.16-3.1 Esaïe 26.12 Job 22.28