Psaumes 59.15
Biblia Hebraica Stuttgartensia

Prière pour le jugement des impies

¹ לַמְנַצֵּ֣חַ אַל־תַּשְׁחֵת֮ לְדָוִ֪ד מִ֫כְתָּ֥ם בִּשְׁלֹ֥חַ שָׁא֑וּל וַֽיִּשְׁמְר֥וּ אֶת־הַ֝בַּ֗יִת לַהֲמִיתֹֽו׃
1 Samuel 19.11-19.24 Psaumes 18.48 Psaumes 57.1 2 Corinthiens 11.32-11.33 Psaumes 12.5
² (59.1) הַצִּילֵ֖נִי מֵאֹיְבַ֥י׀ אֱלֹהָ֑י מִּמִתְקֹומְמַ֥י תְּשַׂגְּבֵֽנִי׃
Psaumes 139.19 Psaumes 26.9 Psaumes 27.2 Psaumes 55.23
³ (59.2) הַ֭צִּילֵנִי מִפֹּ֣עֲלֵי אָ֑וֶן וּֽמֵאַנְשֵׁ֥י דָ֝מִ֗ים הֹושִׁיעֵֽנִי׃
Psaumes 56.6 Psaumes 69.4 1 Samuel 24.11 Psaumes 2.2 Psaumes 38.12
⁴ (59.3) כִּ֤י הִנֵּ֪ה אָֽרְב֡וּ לְנַפְשִׁ֗י יָג֣וּרוּ עָלַ֣י עַזִ֑ים לֹא־פִשְׁעִ֖י וְלֹא־חַטָּאתִ֣י יְהוָֽה׃
Psaumes 35.23 Esaïe 51.9 Esaïe 59.7 1 Samuel 19.12-19.24 Psaumes 35.19
⁵ (59.4) בְּֽלִי־עָ֭וֹן יְרוּצ֣וּן וְיִכֹּונָ֑נוּ ע֖וּרָה לִקְרָאתִ֣י וּרְאֵה׃
Psaumes 54.3 Esaïe 27.11 Romains 2.28-2.29 Psaumes 7.12-7.13 Genèse 33.20
⁶ (59.5) וְאַתָּ֤ה יְהוָֽה־אֱלֹהִ֥ים׀ צְבָאֹ֡ות אֱלֹ֘הֵ֤י יִשְׂרָאֵ֗ל הָקִ֗יצָה לִפְקֹ֥ד כָּֽל־הַגֹּויִ֑ם אַל־תָּחֹ֨ן כָּל־בֹּ֖גְדֵי אָ֣וֶן סֶֽלָה׃
Psaumes 59.14 Psaumes 22.16 1 Samuel 19.11
⁷ (59.6) יָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיסֹ֥ובְבוּ עִֽיר׃
Psaumes 57.4 Psaumes 10.11 Proverbes 15.2 Proverbes 12.18 Psaumes 73.11
⁸ (59.7) הִנֵּ֤ה׀ יַבִּ֘יע֤וּן בְּפִיהֶ֗ם חֲ֭רָבֹות בְּשִׂפְתֹותֵיהֶ֑ם כִּי־מִ֥י שֹׁמֵֽעַ׃
Psaumes 2.4 Psaumes 37.13 Proverbes 1.26 1 Samuel 19.15-19.16 Matthieu 18.17
⁹ (59.8) וְאַתָּ֣ה יְ֭הוָה תִּשְׂחַק־לָ֑מֹו תִּ֝לְעַ֗ג לְכָל־גֹּויִֽם׃
Psaumes 9.9 Psaumes 62.2 Psaumes 27.1 Esaïe 12.2 Habakuk 3.19
¹⁰ (59.9) עֻ֭זֹּו אֵלֶ֣יךָ אֶשְׁמֹ֑רָה כִּֽי־אֱ֝לֹהִ֗ים מִשְׂגַּבִּֽי׃
Psaumes 21.3 Psaumes 54.7 2 Samuel 1.17 Esaïe 65.24 Psaumes 59.17
¹¹ (59.10) אֱלֹהֵ֣י חַסְדִּ֣י יְקַדְּמֵ֑נִי אֱ֝לֹהִ֗ים יַרְאֵ֥נִי בְשֹׁרְרָֽי׃
Psaumes 3.3 Juges 1.6-1.7 Ezéchiel 14.22-14.23 Psaumes 84.9 Deutéronome 30.3-30.4
¹² (59.11) אַל־תַּהַרְגֵ֤ם׀ פֶּֽן־יִשְׁכְּח֬וּ עַמִּ֗י הֲנִיעֵ֣מֹו בְ֭חֵילְךָ וְהֹורִידֵ֑מֹו מָֽגִנֵּ֣נוּ אֲדֹנָֽי׃
Proverbes 12.13 Osée 4.2 Psaumes 10.2 Matthieu 12.36-12.37 Psaumes 120.3-120.4
¹³ (59.12) חַטַּאת־פִּ֗ימֹו דְּֽבַר־שְׂפָ֫תֵ֥ימֹו וְיִלָּכְד֥וּ בִגְאֹונָ֑ם וּמֵאָלָ֖ה וּמִכַּ֣חַשׁ יְסַפֵּֽרוּ׃
Psaumes 83.18 Psaumes 7.9 Deutéronome 2.14-2.16 Ezéchiel 38.23 Psaumes 104.35
¹⁴ (59.13) כַּלֵּ֥ה בְחֵמָה֮ כַּלֵּ֪ה וְֽאֵ֫ינֵ֥מֹו וְֽיֵדְע֗וּ כִּֽי־אֱ֭לֹהִים מֹשֵׁ֣ל בְּיַעֲקֹ֑ב לְאַפְסֵ֖י הָאָ֣רֶץ סֶֽלָה׃
Psaumes 59.6 Psaumes 22.16
¹⁵ (59.14) וְיָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיסֹ֥ובְבוּ עִֽיר׃
Job 15.23 Psaumes 109.10 Lamentations 5.9 Matthieu 24.7-24.8 Esaïe 8.21
¹⁶ (59.15) הֵ֭מָּה יְנִיע֣וּן לֶאֱכֹ֑ל אִם־לֹ֥א יִ֝שְׂבְּע֗וּ וַיָּלִֽינוּ׃
Psaumes 21.13 Psaumes 101.1 Psaumes 5.3 Psaumes 143.8 Romains 15.9
¹⁷ (59.16) וַאֲנִ֤י׀ אָשִׁ֣יר עֻזֶּךָ֮ וַאֲרַנֵּ֥ן לַבֹּ֗קֶר חַ֫סְדֶּ֥ךָ כִּֽי־הָיִ֣יתָ מִשְׂגָּ֣ב לִ֑י וּ֝מָנֹ֗וס בְּיֹ֣ום צַר־לִֽי׃
Psaumes 59.9-59.10 Psaumes 46.1 Psaumes 18.1
¹⁸ (59.17) עֻ֭זִּי אֵלֶ֣יךָ אֲזַמֵּ֑רָה כִּֽי־אֱלֹהִ֥ים מִ֝שְׂגַּבִּ֗י אֱלֹהֵ֥י חַסְדִּֽי׃