Psaumes 59.13
Biblia Hebraica Stuttgartensia

Prière pour le jugement des impies

¹ לַמְנַצֵּ֣חַ אַל־תַּשְׁחֵת֮ לְדָוִ֪ד מִ֫כְתָּ֥ם בִּשְׁלֹ֥חַ שָׁא֑וּל וַֽיִּשְׁמְר֥וּ אֶת־הַ֝בַּ֗יִת לַהֲמִיתֹֽו׃
1 Samuel 19.11-19.24 Psaumes 18.48 Psaumes 57.1 Psaumes 143.12 Psaumes 7.1-7.2
² (59.1) הַצִּילֵ֖נִי מֵאֹיְבַ֥י׀ אֱלֹהָ֑י מִּמִתְקֹומְמַ֥י תְּשַׂגְּבֵֽנִי׃
Psaumes 139.19 Psaumes 26.9 Psaumes 27.2 Psaumes 55.23
³ (59.2) הַ֭צִּילֵנִי מִפֹּ֣עֲלֵי אָ֑וֶן וּֽמֵאַנְשֵׁ֥י דָ֝מִ֗ים הֹושִׁיעֵֽנִי׃
Psaumes 56.6 1 Samuel 24.11 Psaumes 69.4 Proverbes 12.6 1 Samuel 19.1
⁴ (59.3) כִּ֤י הִנֵּ֪ה אָֽרְב֡וּ לְנַפְשִׁ֗י יָג֣וּרוּ עָלַ֣י עַזִ֑ים לֹא־פִשְׁעִ֖י וְלֹא־חַטָּאתִ֣י יְהוָֽה׃
Psaumes 35.23 Esaïe 59.7 1 Samuel 19.12-19.24 Psaumes 35.19 Psaumes 5.6
⁵ (59.4) בְּֽלִי־עָ֭וֹן יְרוּצ֣וּן וְיִכֹּונָ֑נוּ ע֖וּרָה לִקְרָאתִ֣י וּרְאֵה׃
Psaumes 9.15 Psaumes 55.15 Jacques 2.13 Esaïe 1.10 Psaumes 84.8
⁶ (59.5) וְאַתָּ֤ה יְהוָֽה־אֱלֹהִ֥ים׀ צְבָאֹ֡ות אֱלֹ֘הֵ֤י יִשְׂרָאֵ֗ל הָקִ֗יצָה לִפְקֹ֥ד כָּֽל־הַגֹּויִ֑ם אַל־תָּחֹ֨ן כָּל־בֹּ֖גְדֵי אָ֣וֶן סֶֽלָה׃
Psaumes 59.14 1 Samuel 19.11 Psaumes 22.16
⁷ (59.6) יָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיסֹ֥ובְבוּ עִֽיר׃
Psaumes 57.4 Proverbes 15.2 Psaumes 10.11 Psaumes 73.11 Proverbes 12.18
⁸ (59.7) הִנֵּ֤ה׀ יַבִּ֘יע֤וּן בְּפִיהֶ֗ם חֲ֭רָבֹות בְּשִׂפְתֹותֵיהֶ֑ם כִּי־מִ֥י שֹׁמֵֽעַ׃
Psaumes 2.4 Proverbes 1.26 Psaumes 37.13 1 Samuel 19.15-19.16 Matthieu 18.17
⁹ (59.8) וְאַתָּ֣ה יְ֭הוָה תִּשְׂחַק־לָ֑מֹו תִּ֝לְעַ֗ג לְכָל־גֹּויִֽם׃
Psaumes 9.9 Psaumes 62.2 Psaumes 18.1-18.2 Psaumes 46.7 Psaumes 62.5-62.6
¹⁰ (59.9) עֻ֭זֹּו אֵלֶ֣יךָ אֶשְׁמֹ֑רָה כִּֽי־אֱ֝לֹהִ֗ים מִשְׂגַּבִּֽי׃
Psaumes 54.7 Psaumes 21.3 Psaumes 56.2 Psaumes 56.6 Psaumes 91.8
¹¹ (59.10) אֱלֹהֵ֣י חַסְדִּ֣י יְקַדְּמֵ֑נִי אֱ֝לֹהִ֗ים יַרְאֵ֥נִי בְשֹׁרְרָֽי׃
Psaumes 3.3 Psaumes 84.11 Luc 21.21 Lévitique 26.33 Psaumes 52.5
¹² (59.11) אַל־תַּהַרְגֵ֤ם׀ פֶּֽן־יִשְׁכְּח֬וּ עַמִּ֗י הֲנִיעֵ֣מֹו בְ֭חֵילְךָ וְהֹורִידֵ֑מֹו מָֽגִנֵּ֣נוּ אֲדֹנָֽי׃
Proverbes 12.13 Proverbes 18.7 Psaumes 10.7 Osée 4.2 Psaumes 10.2
¹³ (59.12) חַטַּאת־פִּ֗ימֹו דְּֽבַר־שְׂפָ֫תֵ֥ימֹו וְיִלָּכְד֥וּ בִגְאֹונָ֑ם וּמֵאָלָ֖ה וּמִכַּ֣חַשׁ יְסַפֵּֽרוּ׃
Psaumes 83.18 Psaumes 7.9 Deutéronome 7.22-7.23 Nombres 32.13 2 Rois 19.19
¹⁴ (59.13) כַּלֵּ֥ה בְחֵמָה֮ כַּלֵּ֪ה וְֽאֵ֫ינֵ֥מֹו וְֽיֵדְע֗וּ כִּֽי־אֱ֭לֹהִים מֹשֵׁ֣ל בְּיַעֲקֹ֑ב לְאַפְסֵ֖י הָאָ֣רֶץ סֶֽלָה׃
Psaumes 22.16 Psaumes 59.6
¹⁵ (59.14) וְיָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיסֹ֥ובְבוּ עִֽיר׃
Job 15.23 Psaumes 109.10 Esaïe 8.21 Lamentations 4.4-4.5 Job 30.1-30.7
¹⁶ (59.15) הֵ֭מָּה יְנִיע֣וּן לֶאֱכֹ֑ל אִם־לֹ֥א יִ֝שְׂבְּע֗וּ וַיָּלִֽינוּ׃
Psaumes 21.13 Psaumes 101.1 Psaumes 143.8 Romains 15.9 Psaumes 5.3
¹⁷ (59.16) וַאֲנִ֤י׀ אָשִׁ֣יר עֻזֶּךָ֮ וַאֲרַנֵּ֥ן לַבֹּ֗קֶר חַ֫סְדֶּ֥ךָ כִּֽי־הָיִ֣יתָ מִשְׂגָּ֣ב לִ֑י וּ֝מָנֹ֗וס בְּיֹ֣ום צַר־לִֽי׃
Psaumes 59.9-59.10 Psaumes 18.1 Psaumes 46.1
¹⁸ (59.17) עֻ֭זִּי אֵלֶ֣יךָ אֲזַמֵּ֑רָה כִּֽי־אֱלֹהִ֥ים מִ֝שְׂגַּבִּ֗י אֱלֹהֵ֥י חַסְדִּֽי׃