Psaumes 50.15
Biblia Hebraica Stuttgartensia

¹ מִזְמֹ֗ור לְאָ֫סָ֥ף אֵ֤ל׀ אֱֽלֹהִ֡ים יְֽהוָ֗ה דִּבֶּ֥ר וַיִּקְרָא־אָ֑רֶץ מִמִּזְרַח־שֶׁ֝֗מֶשׁ עַד־מְבֹאֹֽו׃Psaumes 113.3 Josué 22.22 Matthieu 25.32 2 Chroniques 29.30 Psaumes 145.3-145.6
² מִצִּיֹּ֥ון מִכְלַל־יֹ֗פִי אֱלֹהִ֥ים הֹופִֽיעַ׃Deutéronome 33.2 Psaumes 48.2 Psaumes 80.1 Apocalypse 1.16 Esaïe 26.21
³ יָ֤בֹ֥א אֱלֹהֵ֗ינוּ וְֽאַל־יֶ֫חֱרַ֥שׁ אֵשׁ־לְפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מְאֹֽד׃Daniel 7.10 Nombres 16.35 Lévitique 10.2 Deutéronome 9.3 Apocalypse 22.20
⁴ יִקְרָ֣א אֶל־הַשָּׁמַ֣יִם מֵעָ֑ל וְאֶל־הָ֝אָ֗רֶץ לָדִ֥ין עַמֹּֽו׃Esaïe 1.2 Deutéronome 32.1 Deutéronome 31.28 Michée 6.1-6.2 Deutéronome 4.26
⁵ אִסְפוּ־לִ֥י חֲסִידָ֑י כֹּרְתֵ֖י בְרִיתִ֣י עֲלֵי־זָֽבַח׃Hébreux 13.20 Hébreux 12.24 Matthieu 26.28 1 Thessaloniciens 3.13 Hébreux 9.10-9.23
⁶ וַיַּגִּ֣ידוּ שָׁמַ֣יִם צִדְקֹ֑ו כִּֽי־אֱלֹהִ֓ים׀ שֹׁפֵ֖ט ה֣וּא סֶֽלָה׃Psaumes 75.7 Psaumes 97.6 Apocalypse 19.2 Psaumes 89.5 Psaumes 9.16
⁷ שִׁמְעָ֤ה עַמִּ֨י׀ וַאֲדַבֵּ֗רָה יִ֭שְׂרָאֵל וְאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃Psaumes 81.8 Exode 20.2 2 Chroniques 28.5 Ezéchiel 20.5 Néhémie 9.29-9.30
⁸ לֹ֣א עַל־זְ֭בָחֶיךָ אֹוכִיחֶ֑ךָ וְעֹולֹתֶ֖יךָ לְנֶגְדִּ֣י תָמִֽיד׃Osée 6.6 Hébreux 10.4-10.10 Psaumes 40.6-40.8 Esaïe 1.11-1.31 Psaumes 51.16
⁹ לֹא־אֶקַּ֣ח מִבֵּיתְךָ֣ פָ֑ר מִ֝מִּכְלְאֹתֶ֗יךָ עַתּוּדִֽים׃Psaumes 69.31 Actes 17.25 Michée 6.6-6.8 Esaïe 43.23-43.24 Hébreux 10.4-10.6
¹⁰ כִּי־לִ֥י כָל־חַיְתֹו־יָ֑עַר בְּ֝הֵמֹ֗ות בְּהַרְרֵי־אָֽלֶף׃Psaumes 104.14 Psaumes 104.24-104.25 Genèse 31.9 Genèse 1.24-1.25 Jonas 4.11
¹¹ יָ֭דַעְתִּי כָּל־עֹ֣וף הָרִ֑ים וְזִ֥יז שָׂ֝דַ֗י עִמָּדִֽי׃Genèse 1.20-1.22 Matthieu 6.26 Psaumes 104.12 Ezéchiel 14.15-14.16 Psaumes 147.9
¹² אִם־אֶ֭רְעַב לֹא־אֹ֣מַר לָ֑ךְ כִּי־לִ֥י תֵ֝בֵ֗ל וּמְלֹאָֽהּ׃Exode 19.5 Deutéronome 10.14 Genèse 1.28-1.30 Job 41.11 Psaumes 145.15-145.16
¹³ הַֽ֭אֹוכַל בְּשַׂ֣ר אַבִּירִ֑ים וְדַ֖ם עַתּוּדִ֣ים אֶשְׁתֶּֽה׃ ¹⁴ זְבַ֣ח לֵאלֹהִ֣ים תֹּודָ֑ה וְשַׁלֵּ֖ם לְעֶלְיֹ֣ון נְדָרֶֽיךָ׃Hébreux 13.15 Deutéronome 23.21 Psaumes 56.12 Osée 14.2 Psaumes 50.23
¹⁵ וּ֭קְרָאֵנִי בְּיֹ֣ום צָרָ֑ה אֲ֝חַלֶּצְךָ֗ וּֽתְכַבְּדֵֽנִי׃Psaumes 107.28 Psaumes 91.15 Psaumes 81.7 Zacharie 13.9 Psaumes 107.19
¹⁶ וְלָ֤רָשָׁ֨ע׀ אָ֘מַ֤ר אֱלֹהִ֗ים מַה־לְּ֭ךָ לְסַפֵּ֣ר חֻקָּ֑י וַתִּשָּׂ֖א בְרִיתִ֣י עֲלֵי־פִֽיךָ׃Psaumes 78.36-78.38 Esaïe 58.1-58.7 Esaïe 1.11-1.15 Hébreux 8.9 Esaïe 48.1-48.2
¹⁷ וְ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דְּבָרַ֣י אַחֲרֶֽיךָ׃Néhémie 9.26 Proverbes 12.1 Proverbes 1.7 2 Timothée 4.3-4.4 Proverbes 1.28-1.29
¹⁸ אִם־רָאִ֣יתָ גַ֭נָּב וַתִּ֣רֶץ עִמֹּ֑ו וְעִ֖ם מְנָאֲפִ֣ים חֶלְקֶֽךָ׃1 Timothée 5.22 Romains 1.32 Jérémie 5.8-5.9 Job 31.9-31.11 Proverbes 1.10-1.19
¹⁹ פִּ֭יךָ שָׁלַ֣חְתָּ בְרָעָ֑ה וּ֝לְשֹׁונְךָ֗ תַּצְמִ֥יד מִרְמָֽה׃Psaumes 10.7 Psaumes 36.3-36.4 Psaumes 12.2-12.3 Psaumes 55.21 Osée 4.2
²⁰ תֵּ֭שֵׁב בְּאָחִ֣יךָ תְדַבֵּ֑ר בְּבֶֽן־אִ֝מְּךָ֗ תִּתֶּן־דֹּֽפִי׃Matthieu 10.21 Psaumes 31.18 Matthieu 5.11 Lévitique 19.16 Tite 2.3
²¹ אֵ֤לֶּה עָשִׂ֨יתָ׀ וְֽהֶחֱרַ֗שְׁתִּי דִּמִּ֗יתָ הֱֽיֹות־אֶֽהְיֶ֥ה כָמֹ֑וךָ אֹוכִיחֲךָ֖ וְאֶֽעֶרְכָ֣ה לְעֵינֶֽיךָ׃Psaumes 90.8 Esaïe 57.11 Ecclésiaste 8.11-8.12 Romains 2.4-2.5 Proverbes 29.1
²² בִּֽינוּ־נָ֣א זֹ֭את שֹׁכְחֵ֣י אֱלֹ֑והַּ פֶּן־אֶ֝טְרֹ֗ף וְאֵ֣ין מַצִּֽיל׃Psaumes 7.2 Psaumes 9.17 Job 8.13 Osée 4.6 Luc 15.17
²³ זֹבֵ֥חַ תֹּודָ֗ה יְֽכַ֫בְּדָ֥נְנִי וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים׃Psaumes 91.16 Jacques 3.13 Philippiens 1.27 Psaumes 25.14 Actes 13.26