Psaumes 50.12
Biblia Hebraica Stuttgartensia

¹ מִזְמֹ֗ור לְאָ֫סָ֥ף אֵ֤ל׀ אֱֽלֹהִ֡ים יְֽהוָ֗ה דִּבֶּ֥ר וַיִּקְרָא־אָ֑רֶץ מִמִּזְרַח־שֶׁ֝֗מֶשׁ עַד־מְבֹאֹֽו׃Psaumes 113.3 Josué 22.22 Matthieu 25.32 Néhémie 9.32 Genèse 17.1
² מִצִּיֹּ֥ון מִכְלַל־יֹ֗פִי אֱלֹהִ֥ים הֹופִֽיעַ׃Deutéronome 33.2 Psaumes 48.2 Psaumes 80.1 Esaïe 12.6 Apocalypse 21.23
³ יָ֤בֹ֥א אֱלֹהֵ֗ינוּ וְֽאַל־יֶ֫חֱרַ֥שׁ אֵשׁ־לְפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מְאֹֽד׃Daniel 7.10 Nombres 16.35 Lévitique 10.2 Hébreux 10.28-10.29 Esaïe 42.13-42.14
⁴ יִקְרָ֣א אֶל־הַשָּׁמַ֣יִם מֵעָ֑ל וְאֶל־הָ֝אָ֗רֶץ לָדִ֥ין עַמֹּֽו׃Esaïe 1.2 Deutéronome 32.1 Deutéronome 31.28 Michée 6.1-6.2 Deutéronome 4.26
⁵ אִסְפוּ־לִ֥י חֲסִידָ֑י כֹּרְתֵ֖י בְרִיתִ֣י עֲלֵי־זָֽבַח׃Hébreux 12.24 Matthieu 26.28 1 Thessaloniciens 3.13 Hébreux 9.10-9.23 Hébreux 13.20
⁶ וַיַּגִּ֣ידוּ שָׁמַ֣יִם צִדְקֹ֑ו כִּֽי־אֱלֹהִ֓ים׀ שֹׁפֵ֖ט ה֣וּא סֶֽלָה׃Psaumes 75.7 Psaumes 97.6 Apocalypse 19.2 Psaumes 89.5 Romains 2.5
⁷ שִׁמְעָ֤ה עַמִּ֨י׀ וַאֲדַבֵּ֗רָה יִ֭שְׂרָאֵל וְאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃Psaumes 81.8 Exode 20.2 Ezéchiel 20.7 Psaumes 81.10-81.12 Esaïe 1.18
⁸ לֹ֣א עַל־זְ֭בָחֶיךָ אֹוכִיחֶ֑ךָ וְעֹולֹתֶ֖יךָ לְנֶגְדִּ֣י תָמִֽיד׃Hébreux 10.4-10.10 Psaumes 40.6-40.8 Osée 6.6 Esaïe 1.11-1.31 Psaumes 51.16
⁹ לֹא־אֶקַּ֣ח מִבֵּיתְךָ֣ פָ֑ר מִ֝מִּכְלְאֹתֶ֗יךָ עַתּוּדִֽים׃Psaumes 69.31 Actes 17.25 Michée 6.6-6.8 Esaïe 43.23-43.24 Hébreux 10.4-10.6
¹⁰ כִּי־לִ֥י כָל־חַיְתֹו־יָ֑עַר בְּ֝הֵמֹ֗ות בְּהַרְרֵי־אָֽלֶף׃Genèse 1.24-1.25 Jonas 4.11 Jérémie 27.5-27.6 Psaumes 8.6-8.8 Genèse 2.19
¹¹ יָ֭דַעְתִּי כָּל־עֹ֣וף הָרִ֑ים וְזִ֥יז שָׂ֝דַ֗י עִמָּדִֽי׃Matthieu 6.26 Genèse 1.20-1.22 Psaumes 147.9 Job 39.26-39.30 Job 38.41
¹² אִם־אֶ֭רְעַב לֹא־אֹ֣מַר לָ֑ךְ כִּי־לִ֥י תֵ֝בֵ֗ל וּמְלֹאָֽהּ׃Exode 19.5 Deutéronome 10.14 Genèse 8.17 Genèse 1.11-1.12 Psaumes 115.15-115.16
¹³ הַֽ֭אֹוכַל בְּשַׂ֣ר אַבִּירִ֑ים וְדַ֖ם עַתּוּדִ֣ים אֶשְׁתֶּֽה׃ ¹⁴ זְבַ֣ח לֵאלֹהִ֣ים תֹּודָ֑ה וְשַׁלֵּ֖ם לְעֶלְיֹ֣ון נְדָרֶֽיךָ׃Deutéronome 23.21 Hébreux 13.15 Psaumes 56.12 Psaumes 116.12-116.14 Psaumes 107.21-107.22
¹⁵ וּ֭קְרָאֵנִי בְּיֹ֣ום צָרָ֑ה אֲ֝חַלֶּצְךָ֗ וּֽתְכַבְּדֵֽנִי׃Psaumes 107.28 Psaumes 91.15 Psaumes 81.7 Zacharie 13.9 Psaumes 107.6-107.13
¹⁶ וְלָ֤רָשָׁ֨ע׀ אָ֘מַ֤ר אֱלֹהִ֗ים מַה־לְּ֭ךָ לְסַפֵּ֣ר חֻקָּ֑י וַתִּשָּׂ֖א בְרִיתִ֣י עֲלֵי־פִֽיךָ׃Psaumes 78.36-78.38 Hébreux 8.9 Esaïe 48.1-48.2 Psaumes 25.14 1 Corinthiens 9.27
¹⁷ וְ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דְּבָרַ֣י אַחֲרֶֽיךָ׃Néhémie 9.26 Proverbes 12.1 Proverbes 1.7 Romains 2.21-2.23 Jérémie 18.12
¹⁸ אִם־רָאִ֣יתָ גַ֭נָּב וַתִּ֣רֶץ עִמֹּ֑ו וְעִ֖ם מְנָאֲפִ֣ים חֶלְקֶֽךָ׃Romains 1.32 1 Timothée 5.22 Proverbes 1.10-1.19 Matthieu 23.30 Ephésiens 5.11-5.13
¹⁹ פִּ֭יךָ שָׁלַ֣חְתָּ בְרָעָ֑ה וּ֝לְשֹׁונְךָ֗ תַּצְמִ֥יד מִרְמָֽה׃Psaumes 10.7 Osée 4.2 Esaïe 59.3-59.4 Romains 3.13-3.14 Apocalypse 21.8
²⁰ תֵּ֭שֵׁב בְּאָחִ֣יךָ תְדַבֵּ֑ר בְּבֶֽן־אִ֝מְּךָ֗ תִּתֶּן־דֹּֽפִי׃Matthieu 10.21 Lévitique 19.16 Tite 2.3 Proverbes 10.18 1 Timothée 3.11
²¹ אֵ֤לֶּה עָשִׂ֨יתָ׀ וְֽהֶחֱרַ֗שְׁתִּי דִּמִּ֗יתָ הֱֽיֹות־אֶֽהְיֶ֥ה כָמֹ֑וךָ אֹוכִיחֲךָ֖ וְאֶֽעֶרְכָ֣ה לְעֵינֶֽיךָ׃Psaumes 90.8 Esaïe 57.11 Ecclésiaste 8.11-8.12 Romains 2.4-2.5 Proverbes 29.1
²² בִּֽינוּ־נָ֣א זֹ֭את שֹׁכְחֵ֣י אֱלֹ֑והַּ פֶּן־אֶ֝טְרֹ֗ף וְאֵ֣ין מַצִּֽיל׃Psaumes 7.2 Psaumes 9.17 Job 8.13 Deutéronome 32.18 Ezéchiel 18.28
²³ זֹבֵ֥חַ תֹּודָ֗ה יְֽכַ֫בְּדָ֥נְנִי וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים׃Psaumes 91.16 Jacques 3.13 Actes 13.26 Jean 7.17 Jean 8.31-8.32