Psaumes 30.2
Biblia Hebraica Stuttgartensia

¹ מִזְמֹ֡ור שִׁיר־חֲנֻכַּ֖ת הַבַּ֣יִת לְדָוִֽד׃Psaumes 25.2 Psaumes 35.19 Psaumes 13.4 Daniel 4.37 2 Samuel 5.11
² (30.1) אֲרֹומִמְךָ֣ יְ֭הוָה כִּ֣י דִלִּיתָ֑נִי וְלֹא־שִׂמַּ֖חְתָּ אֹיְבַ֣י לִֽי׃Psaumes 6.2 Psaumes 103.3-103.4 Psaumes 88.13 Exode 15.26 Psaumes 107.17-107.22
³ (30.2) יְהוָ֥ה אֱלֹהָ֑י שִׁוַּ֥עְתִּי אֵ֝לֶ֗יךָ וַתִּרְפָּאֵֽנִי׃Psaumes 28.1 Psaumes 16.10 Psaumes 86.13 Psaumes 56.13 Psaumes 71.20
⁴ (30.3) יְֽהוָ֗ה הֶֽעֱלִ֣יתָ מִן־שְׁאֹ֣ול נַפְשִׁ֑י חִ֝יִּיתַ֗נִי מִיָּֽרְדִי־בֹֽור׃Psaumes 97.12 1 Chroniques 16.4 Exode 15.11 Apocalypse 19.5-19.6 Psaumes 132.9
⁵ (30.4) זַמְּר֣וּ לַיהוָ֣ה חֲסִידָ֑יו וְ֝הֹוד֗וּ לְזֵ֣כֶר קָדְשֹֽׁו׃Esaïe 54.7-54.8 2 Corinthiens 4.17 Psaumes 103.9 Esaïe 26.20 Psaumes 6.6-6.9
⁶ (30.5) כִּ֤י רֶ֨גַע׀ בְּאַפֹּו֮ חַיִּ֪ים בִּרְצֹ֫ונֹ֥ו בָּ֭עֶרֶב יָלִ֥ין בֶּ֗כִי וְלַבֹּ֥קֶר רִנָּֽה׃Psaumes 16.8 Esaïe 56.12 Luc 12.19 2 Corinthiens 12.7 Psaumes 15.5
⁷ (30.6) וַ֭אֲנִי אָמַ֣רְתִּי בְשַׁלְוִ֑י בַּל־אֶמֹּ֥וט לְעֹולָֽם׃Psaumes 104.29 Psaumes 143.7 Deutéronome 31.17 Psaumes 10.1 Psaumes 89.17
⁸ (30.7) יְֽהוָ֗ה בִּרְצֹונְךָ֮ הֶעֱמַ֪דְתָּה לְֽהַרְרִ֫י עֹ֥ז הִסְתַּ֥רְתָּ פָנֶ֗יךָ הָיִ֥יתִי נִבְהָֽל׃Psaumes 77.1-77.2 Psaumes 34.6 Psaumes 130.1-130.2 Philippiens 4.6-4.7 1 Corinthiens 12.8-12.9
⁹ (30.8) אֵלֶ֣יךָ יְהוָ֣ה אֶקְרָ֑א וְאֶל־אֲ֝דֹנָ֗י אֶתְחַנָּֽן׃Psaumes 6.5 Psaumes 118.17 Esaïe 38.18 Ecclésiaste 9.10 Psaumes 88.10-88.12
¹⁰ (30.9) מַה־בֶּ֥צַע בְּדָמִי֮ בְּרִדְתִּ֪י אֶ֫ל־שָׁ֥חַת הֲיֹודְךָ֥ עָפָ֑ר הֲיַגִּ֥יד אֲמִתֶּֽךָ׃Psaumes 54.4 Psaumes 143.1 Psaumes 27.7 Psaumes 143.7-143.9 Psaumes 51.1-51.2
¹¹ (30.10) שְׁמַע־יְהוָ֥ה וְחָנֵּ֑נִי יְ֝הוָה הֱֽיֵה־עֹזֵ֥ר לִֽי׃Jérémie 31.4 Apocalypse 21.4 Psaumes 149.3 Ecclésiaste 3.4 Psaumes 150.4
¹² (30.11) הָפַ֣כְתָּ מִסְפְּדִי֮ לְמָחֹ֪ול לִ֥י פִּתַּ֥חְתָּ שַׂקִּ֑י וַֽתְּאַזְּרֵ֥נִי שִׂמְחָֽה׃Psaumes 16.9 Psaumes 57.8 Psaumes 146.1-146.2 Actes 4.20 Psaumes 13.6
¹³ (30.12) לְמַ֤עַן׀ יְזַמֶּרְךָ֣ כָ֭בֹוד וְלֹ֣א יִדֹּ֑ם יְהוָ֥ה אֱ֝לֹהַ֗י לְעֹולָ֥ם אֹודֶֽךָּ׃