Psaumes 27.6
Biblia Hebraica Stuttgartensia

Le triomphe de la foi

¹ לְדָוִ֨ד׀ יְהוָ֤ה׀ אֹורִ֣י וְ֭יִשְׁעִי מִמִּ֣י אִירָ֑א יְהוָ֥ה מָֽעֹוז־חַ֝יַּ֗י מִמִּ֥י אֶפְחָֽד׃
Psaumes 118.6 Hébreux 13.6 Exode 15.2 2 Corinthiens 12.9 Esaïe 60.19-60.20
² בִּקְרֹ֤ב עָלַ֨י׀ מְרֵעִים֮ לֶאֱכֹ֪ל אֶת־בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ׃
Psaumes 14.4 Jean 18.3-18.6 Job 19.22 Psaumes 62.3-62.4 Psaumes 22.16
³ אִם־תַּחֲנֶ֬ה עָלַ֨י׀ מַחֲנֶה֮ לֹֽא־יִירָ֪א לִ֫בִּ֥י אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בֹוטֵֽחַ׃
Psaumes 3.6 Philippiens 1.28 Apocalypse 12.7-12.11 Psaumes 52.6 2 Chroniques 20.15
⁴ אַחַ֤ת׀ שָׁאַ֣לְתִּי מֵֽאֵת־יְהוָה֮ אֹותָ֪הּ אֲבַ֫קֵּ֥שׁ שִׁבְתִּ֣י בְּבֵית־יְ֭הוָה כָּל־יְמֵ֣י חַיַּ֑י לַחֲזֹ֥ות בְּנֹֽעַם־יְ֝הוָ֗ה וּלְבַקֵּ֥ר בְּהֵיכָלֹֽו׃
Psaumes 26.8 Psaumes 23.6 Psaumes 65.4 Psaumes 84.10 Psaumes 63.2-63.5
⁵ כִּ֤י יִצְפְּנֵ֨נִי׀ בְּסֻכֹּה֮ בְּיֹ֪ום רָ֫עָ֥ה יַ֭סְתִּרֵנִי בְּסֵ֣תֶר אָהֳלֹ֑ו בְּ֝צ֗וּר יְרֹומְמֵֽנִי׃
Psaumes 31.20 Psaumes 40.2 Psaumes 91.1 Psaumes 138.7 Esaïe 32.2
⁶ וְעַתָּ֨ה יָר֪וּם רֹאשִׁ֡י עַ֤ל אֹֽיְבַ֬י סְֽבִיבֹותַ֗י וְאֶזְבְּחָ֣ה בְ֭אָהֳלֹו זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַיהוָֽה׃
Psaumes 3.3 Psaumes 107.22 Hébreux 13.15 Esaïe 12.6 Apocalypse 5.9
⁷ שְׁמַע־יְהוָ֖ה קֹולִ֥י אֶקְרָ֗א וְחָנֵּ֥נִי וַעֲנֵֽנִי׃
Psaumes 13.3 Psaumes 130.2-130.4 Psaumes 5.2 Psaumes 4.1 Psaumes 143.1-143.2
⁸ לְךָ֤׀ אָמַ֣ר לִ֭בִּי בַּקְּשׁ֣וּ פָנָ֑י אֶת־פָּנֶ֖יךָ יְהוָ֣ה אֲבַקֵּֽשׁ׃
Psaumes 105.4 Jérémie 29.12-29.13 Psaumes 119.58 Esaïe 55.6-55.7 Psaumes 63.1-63.2
⁹ אַל־תַּסְתֵּ֬ר פָּנֶ֨יךָ׀ מִמֶּנִּי֮ אַֽל־תַּט־בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־תִּטְּשֵׁ֥נִי וְאַל־תַּֽ֝עַזְבֵ֗נִי אֱלֹהֵ֥י יִשְׁעִֽי׃
Psaumes 69.17 Psaumes 102.2 Psaumes 143.7 Psaumes 24.5 2 Timothée 4.17-4.18
¹⁰ כִּי־אָבִ֣י וְאִמִּ֣י עֲזָב֑וּנִי וַֽיהוָ֣ה יַֽאַסְפֵֽנִי׃
Esaïe 49.15 Esaïe 40.11 2 Timothée 4.16 Jean 16.32 Psaumes 69.8
¹¹ הֹ֤ורֵ֥נִי יְהוָ֗ה דַּ֫רְכֶּ֥ךָ וּ֭נְחֵנִי בְּאֹ֣רַח מִישֹׁ֑ור לְ֝מַ֗עַן שֹׁורְרָֽי׃
Psaumes 5.8 Psaumes 86.11 Psaumes 26.12 Psaumes 25.4-25.5 Psaumes 64.6
¹² אַֽל־תִּ֭תְּנֵנִי בְּנֶ֣פֶשׁ צָרָ֑י כִּ֥י קָֽמוּ־בִ֥י עֵֽדֵי־שֶׁ֝֗קֶר וִיפֵ֥חַ חָמָֽס׃
Psaumes 35.11 Actes 9.1 2 Samuel 16.7-16.8 Psaumes 35.25 Psaumes 31.8
¹³ ל̣ׄוּלֵ̣֗ׄא̣ׄ הֶ֭אֱמַנְתִּי לִרְאֹ֥ות בְּֽטוּב־יְהוָ֗ה בְּאֶ֣רֶץ חַיִּֽים׃
Psaumes 142.5 Ezéchiel 26.20 2 Corinthiens 4.16 Psaumes 56.13 2 Corinthiens 4.8-4.14
¹⁴ קַוֵּ֗ה אֶל־יְה֫וָ֥ה חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־יְהוָֽה׃
Psaumes 31.24 Psaumes 37.34 Esaïe 40.31 Esaïe 30.18 Habakuk 2.3