Psaumes 143
Biblia Hebraica Stuttgartensia

Prière pour la délivrance

1 מִזְמֹ֗ור לְדָ֫וִ֥ד יְהוָ֤ה׀ שְׁמַ֬ע תְּפִלָּתִ֗י הַאֲזִ֥ינָה אֶל־תַּחֲנוּנַ֑י בֶּאֱמֻנָתְךָ֥ עֲ֝נֵ֗נִי בְּצִדְקָתֶֽךָ׃
Psaumes 71.2 Psaumes 140.6 Psaumes 31.1 1 Jean 1.9 Daniel 9.16
2 וְאַל־תָּבֹ֣וא בְ֭מִשְׁפָּט אֶת־עַבְדֶּ֑ךָ כִּ֤י לֹֽא־יִצְדַּ֖ק לְפָנֶ֣יךָ כָל־חָֽי׃
Ecclésiaste 7.20 Psaumes 130.3 Romains 3.20 Job 14.3 Job 25.4
3 כִּ֥י רָ֘דַ֤ף אֹויֵ֨ב׀ נַפְשִׁ֗י דִּכָּ֣א לָ֭אָרֶץ חַיָּתִ֑י הֹושִׁיבַ֥נִי בְ֝מַחֲשַׁכִּ֗ים כְּמֵתֵ֥י עֹולָֽם׃
Psaumes 88.4-88.6 Psaumes 31.12-31.13 Psaumes 35.4 2 Samuel 18.11 Lamentations 3.6
4 וַתִּתְעַטֵּ֣ף עָלַ֣י רוּחִ֑י בְּ֝תֹוכִ֗י יִשְׁתֹּומֵ֥ם לִבִּֽי׃
Psaumes 142.3 Psaumes 77.3 Luc 22.44 Psaumes 124.4 Psaumes 102.1
5 זָ֘כַ֤רְתִּי יָמִ֨ים׀ מִקֶּ֗דֶם הָגִ֥יתִי בְכָל־פָּעֳלֶ֑ךָ בְּֽמַעֲשֵׂ֖ה יָדֶ֣יךָ אֲשֹׂוחֵֽחַ׃
Psaumes 77.5-77.6 Michée 6.5 1 Samuel 17.34-17.37 1 Samuel 17.45-17.50 Psaumes 77.10-77.12
6 פֵּרַ֣שְׂתִּי יָדַ֣י אֵלֶ֑יךָ נַפְשִׁ֓י׀ כְּאֶֽרֶץ־עֲיֵפָ֖ה לְךָ֣ סֶֽלָה׃
Psaumes 63.1 Psaumes 88.9 Job 11.13 Psaumes 84.2 Esaïe 26.8-26.9
7 מַ֘הֵ֤ר עֲנֵ֨נִי׀ יְהוָה֮ כָּלְתָ֪ה ר֫וּחִ֥י אַל־תַּסְתֵּ֣ר פָּנֶ֣יךָ מִמֶּ֑נִּי וְ֝נִמְשַׁ֗לְתִּי עִם־יֹ֥רְדֵי בֹֽור׃
Psaumes 69.17 Psaumes 27.9 Psaumes 28.1 Psaumes 84.2 Esaïe 38.18
8 הַשְׁמִ֘יעֵ֤נִי בַבֹּ֨קֶר׀ חַסְדֶּךָ֮ כִּֽי־בְךָ֪ בָ֫טָ֥חְתִּי הֹודִיעֵ֗נִי דֶּֽרֶךְ־ז֥וּ אֵלֵ֑ךְ כִּֽי־אֵ֝לֶיךָ נָשָׂ֥אתִי נַפְשִֽׁי׃
Psaumes 25.4-25.5 Psaumes 46.5 Esaïe 48.17 Esaïe 30.21 Psaumes 86.4
9 הַצִּילֵ֖נִי מֵאֹיְבַ֥י׀ יְהוָ֗ה אֵלֶ֥יךָ כִסִּֽתִי׃
Psaumes 59.1 Psaumes 142.5 Hébreux 6.18 Psaumes 34.2-34.4 Psaumes 31.15
10 לַמְּדֵ֤נִי׀ לַֽעֲשֹׂ֣ות רְצֹונֶךָ֮ כִּֽי־אַתָּ֪ה אֱלֹ֫והָ֥י רוּחֲךָ֥ טֹובָ֑ה תַּ֝נְחֵ֗נִי בְּאֶ֣רֶץ מִישֹֽׁור׃
Néhémie 9.20 Psaumes 25.4-25.5 Psaumes 119.12 Psaumes 23.3 Hébreux 13.21
11 לְמַֽעַן־שִׁמְךָ֣ יְהוָ֣ה תְּחַיֵּ֑נִי בְּצִדְקָתְךָ֓׀ תֹוצִ֖יא מִצָּרָ֣ה נַפְשִֽׁי׃
Psaumes 31.1 Psaumes 119.25 Psaumes 71.2 Apocalypse 7.14-7.17 Psaumes 138.7
12 וּֽבְחַסְדְּךָ֮ תַּצְמִ֪ית אֹ֫יְבָ֥י וְֽ֭הַאֲבַדְתָּ כָּל־צֹרֲרֵ֣י נַפְשִׁ֑י כִּ֝֗י אֲנִ֣י עַבְדֶּֽךָ׃
Psaumes 116.16 Psaumes 54.5 1 Samuel 26.10 Psaumes 52.5 1 Samuel 25.29