Psaumes 142.4
Biblia Hebraica Stuttgartensia

Prière dans la détresse

¹ מַשְׂכִּ֥יל לְדָוִ֑ד בִּהְיֹותֹ֖ו בַמְּעָרָ֣ה תְפִלָּֽה׃
Psaumes 57.1 Psaumes 30.8 Psaumes 54.1 Psaumes 141.1 Psaumes 28.2
² (142.1) קֹ֭ולִי אֶל־יְהוָ֣ה אֶזְעָ֑ק קֹ֝ולִ֗י אֶל־יְהוָ֥ה אֶתְחַנָּֽן׃
Esaïe 26.16 Hébreux 5.7 Romains 8.26 Psaumes 102.1-102.28 Philippiens 4.6-4.7
³ (142.2) אֶשְׁפֹּ֣ךְ לְפָנָ֣יו שִׂיחִ֑י צָ֝רָתִ֗י לְפָנָ֥יו אַגִּֽיד׃
Psaumes 140.5 Psaumes 143.4 Psaumes 77.3 Marc 14.33-14.36 Psaumes 102.4
⁴ (142.3) בְּהִתְעַטֵּ֬ף עָלַ֨י׀ רוּחִ֗י וְאַתָּה֮ יָדַ֪עְתָּ נְֽתִיבָ֫תִ֥י בְּאֹֽרַח־ז֥וּ אֲהַלֵּ֑ךְ טָמְנ֖וּ פַ֣ח לִֽי׃
Psaumes 31.11 Psaumes 88.8 Psaumes 88.18 Psaumes 69.20 Job 19.13-19.19
⁵ (142.4) הַבֵּ֤יט יָמִ֨ין׀ וּרְאֵה֮ וְאֵֽין־לִ֪י מַ֫כִּ֥יר אָבַ֣ד מָנֹ֣וס מִמֶּ֑נִּי אֵ֖ין דֹּורֵ֣שׁ לְנַפְשִֽׁי׃
Psaumes 16.5 Psaumes 27.13 Psaumes 46.1 Psaumes 91.9-91.10 Psaumes 46.11
⁶ (142.5) זָעַ֥קְתִּי אֵלֶ֗יךָ יְה֫וָ֥ה אָ֭מַרְתִּי אַתָּ֣ה מַחְסִ֑י חֶ֝לְקִ֗י בְּאֶ֣רֶץ הַֽחַיִּים׃
Psaumes 79.8 Psaumes 116.6 Psaumes 17.1 Psaumes 18.17 Romains 8.37
⁷ (142.6) הַקְשִׁ֤יבָה׀ אֶֽל־רִנָּתִי֮ כִּֽי־דַלֹּ֪ותִ֫י מְאֹ֥ד הַצִּילֵ֥נִי מֵרֹדְפַ֑י כִּ֖י אָמְצ֣וּ מִמֶּֽנִּי׃
Psaumes 13.6 Psaumes 146.7 Psaumes 143.11 Psaumes 7.6-7.7 Psaumes 119.17
⁸ (142.7) הֹ֘וצִ֤יאָה מִמַּסְגֵּ֨ר׀ נַפְשִׁי֮ לְהֹודֹ֪ות אֶת־שְׁ֫מֶ֥ךָ בִּ֭י יַכְתִּ֣רוּ צַדִּיקִ֑ים כִּ֖י תִגְמֹ֣ל עָלָֽי׃