Psaumes 10.18
Biblia Hebraica Stuttgartensia

Le méchant et son sort

¹ לָמָ֣ה יְ֭הוָה תַּעֲמֹ֣ד בְּרָחֹ֑וק תַּ֝עְלִ֗ים לְעִתֹּ֥ות בַּצָּרָֽה׃
Psaumes 22.1 Psaumes 30.7 Jérémie 14.8 Psaumes 88.14 Job 34.29
² בְּגַאֲוַ֣ת רָ֭שָׁע יִדְלַ֣ק עָנִ֑י יִתָּפְשׂ֓וּ׀ בִּמְזִמֹּ֖ות ז֣וּ חָשָֽׁבוּ׃
Psaumes 7.16 Psaumes 9.15-9.16 Psaumes 59.12 Psaumes 119.122 Psaumes 140.5
³ כִּֽי־הִלֵּ֣ל רָ֭שָׁע עַל־תַּאֲוַ֣ת נַפְשֹׁ֑ו וּבֹצֵ֥עַ בֵּ֝רֵ֗ךְ נִ֘אֵ֥ץ׀ יְהוָֽה׃
Psaumes 94.4 Psaumes 49.6 Exode 15.9 Jacques 4.16 Luc 12.15
⁴ רָשָׁ֗ע כְּגֹ֣בַהּ אַ֭פֹּו בַּל־יִדְרֹ֑שׁ אֵ֥ין אֱ֝לֹהִ֗ים כָּל־מְזִמֹּותָֽיו׃
Psaumes 53.1 Psaumes 27.8 Psaumes 18.27 Daniel 5.22-5.23 Psaumes 101.5
⁵ יָ֘חִ֤ילוּ דְרָכָ֨יו ׀ בְּכָל־עֵ֗ת מָרֹ֣ום מִ֭שְׁפָּטֶיךָ מִנֶּגְדֹּ֑ו כָּל־צֹ֝ורְרָ֗יו יָפִ֥יחַ בָּהֶֽם׃
Psaumes 12.5 Esaïe 26.11 Juges 9.27 Juges 9.38 Proverbes 2.13
⁶ אָמַ֣ר בְּ֭לִבֹּו בַּל־אֶמֹּ֑וט לְדֹ֥ר וָ֝דֹ֗ר אֲשֶׁ֣ר לֹֽא־בְרָֽע׃
Matthieu 24.48 Ecclésiaste 8.11 Apocalypse 18.7 Psaumes 14.1 Esaïe 56.12
⁷ אָלָ֤ה פִּ֣יהוּ מָ֭לֵא וּמִרְמֹ֣ות וָתֹ֑ךְ תַּ֥חַת לְ֝שֹׁונֹ֗ו עָמָ֥ל וָאָֽוֶן׃
Psaumes 7.14 Job 20.12 Psaumes 140.3 Psaumes 36.3 Psaumes 64.3
⁸ יֵשֵׁ֤ב׀ בְּמַאְרַ֬ב חֲצֵרִ֗ים בַּֽ֭מִּסְתָּרִים יַהֲרֹ֣ג נָקִ֑י עֵ֝ינָ֗יו לְֽחֵלְכָ֥ה יִצְפֹּֽנוּ׃
Habakuk 3.14 Luc 10.1 1 Samuel 22.18 Psaumes 94.6 Luc 8.1
⁹ יֶאֱרֹ֬ב בַּמִּסְתָּ֨ר׀ כְּאַרְיֵ֬ה בְסֻכֹּ֗ה יֶ֭אֱרֹב לַחֲטֹ֣וף עָנִ֑י יַחְטֹ֥ף עָ֝נִ֗י בְּמָשְׁכֹ֥ו בְרִשְׁתֹּֽו׃
Psaumes 17.12 Psaumes 59.3 Michée 7.2 Actes 23.21 Psaumes 37.14
¹⁰ יִדְכֶּ֥ה יָשֹׁ֑חַ וְנָפַ֥ל בַּ֝עֲצוּמָ֗יו חֵ֣יל כָּאִֽים׃
1 Samuel 2.36 1 Samuel 18.21-18.26 1 Samuel 23.21-23.22 2 Samuel 15.5
¹¹ אָמַ֣ר בְּ֭לִבֹּו שָׁ֣כַֽח אֵ֑ל הִסְתִּ֥יר פָּ֝נָ֗יו בַּל־רָאָ֥ה לָנֶֽצַח׃
Psaumes 73.11 Ezéchiel 8.12 Psaumes 94.7 Ezéchiel 9.9 Luc 7.39
¹² קוּמָ֤ה יְהוָ֗ה אֵ֭ל נְשָׂ֣א יָדֶ֑ךָ אַל־תִּשְׁכַּ֥ח עֲנָוִֽים׃
Michée 5.9 Psaumes 9.12 Psaumes 3.7 Psaumes 77.9 Esaïe 33.10
¹³ עַל־מֶ֤ה׀ נִאֵ֖ץ רָשָׁ֥ע׀ אֱלֹהִ֑ים אָמַ֥ר בְּ֝לִבֹּ֗ו לֹ֣א תִּדְרֹֽשׁ׃
Psaumes 74.18 2 Chroniques 24.22 Genèse 42.22 1 Thessaloniciens 4.8 Psaumes 74.10
¹⁴ רָאִ֡תָה כִּֽי־אַתָּ֤ה׀ עָ֘מָ֤ל וָכַ֨עַס׀ תַּבִּיט֮ לָתֵ֪ת בְּיָ֫דֶ֥ךָ עָ֭לֶיךָ יַעֲזֹ֣ב חֵלֶ֑כָה יָ֝תֹ֗ום אַתָּ֤ה׀ הָיִ֬יתָ עֹוזֵֽר׃
Psaumes 68.5 Psaumes 146.9 Osée 14.3 Deutéronome 10.18 Psaumes 55.22
¹⁵ שְׁ֭בֹר זְרֹ֣ועַ רָשָׁ֑ע וָ֝רָ֗ע תִּֽדְרֹושׁ־רִשְׁעֹ֥ו בַל־תִּמְצָֽא׃
Psaumes 37.17 Ezéchiel 30.21-30.22 Sophonie 1.12 Job 38.15 Psaumes 7.9
¹⁶ יְהוָ֣ה מֶ֭לֶךְ עֹולָ֣ם וָעֶ֑ד אָבְד֥וּ גֹ֝ויִ֗ם מֵֽאַרְצֹֽו׃
Psaumes 29.10 Psaumes 145.13 Lamentations 5.19 Daniel 4.34 Daniel 6.26
¹⁷ תַּאֲוַ֬ת עֲנָוִ֣ים שָׁמַ֣עְתָּ יְהוָ֑ה תָּכִ֥ין לִ֝בָּ֗ם תַּקְשִׁ֥יב אָזְנֶֽךָ׃
Psaumes 9.18 1 Chroniques 29.18 Jacques 1.16-1.17 Luc 18.13-18.14 Psaumes 34.15
¹⁸ לִשְׁפֹּ֥ט יָתֹ֗ום וָ֫דָ֥ךְ בַּל־יֹוסִ֥יף עֹ֑וד לַעֲרֹ֥ץ אֱ֝נֹ֗ושׁ מִן־הָאָֽרֶץ׃
Psaumes 82.3 Esaïe 11.4 Psaumes 9.9 Psaumes 17.14 1 Corinthiens 15.47-15.48