Job 35
Biblia Hebraica Stuttgartensia

¹ וַיַּ֥עַן אֱלִיה֗וּ וַיֹּאמַֽר׃ ² הֲ֭זֹאת חָשַׁ֣בְתָּ לְמִשְׁפָּ֑ט אָ֝מַ֗רְתָּ צִדְקִ֥י מֵאֵֽל׃ Matthieu 12.36-12.37 Job 9.17 Job 19.6-19.7 Job 34.5 Job 40.8
³ כִּֽי־תֹ֭אמַר מַה־יִּסְכָּן־לָ֑ךְ מָֽה־אֹ֝עִ֗יל מֵֽחַטָּאתִֽי׃ Job 34.9 Psaumes 73.13 Job 21.15 Job 31.2 Job 10.15
⁴ אֲ֭נִי אֲשִֽׁיבְךָ֣ מִלִּ֑ין וְֽאֶת־רֵעֶ֥יךָ עִמָּֽךְ׃ Proverbes 13.20 Job 34.8
⁵ הַבֵּ֣ט שָׁמַ֣יִם וּרְאֵ֑ה וְשׁ֥וּר שְׁ֝חָקִ֗ים גָּבְה֥וּ מִמֶּֽךָּ׃ Job 22.12 Esaïe 55.9 Nahum 1.3 Job 36.26-37.5 1 Rois 8.27
⁶ אִם־חָ֭טָאתָ מַה־תִּפְעָל־בֹּ֑ו וְרַבּ֥וּ פְ֝שָׁעֶ֗יךָ מַה־תַּעֲשֶׂה־לֹּֽו׃ Proverbes 8.36 Jérémie 7.19 Proverbes 9.12
⁷ אִם־צָ֭דַקְתָּ מַה־תִּתֶּן־לֹ֑ו אֹ֥ו מַה־מִיָּדְךָ֥ יִקָּֽח׃ Job 22.2-22.3 Proverbes 9.12 Romains 11.35 Luc 17.10 Psaumes 16.2
⁸ לְאִישׁ־כָּמֹ֥וךָ רִשְׁעֶ֑ךָ וּלְבֶן־אָ֝דָ֗ם צִדְקָתֶֽךָ׃ Ezéchiel 22.30 Actes 27.24 Psaumes 106.23 Genèse 18.24-18.33 Psaumes 106.30
⁹ מֵ֭רֹב עֲשׁוּקִ֣ים יַזְעִ֑יקוּ יְשַׁוְּע֖וּ מִזְּרֹ֣ועַ רַבִּֽים׃ Exode 2.23 Job 34.28 Psaumes 12.5 Exode 3.7 Job 12.19
¹⁰ וְֽלֹא־אָמַ֗ר אַ֭יֵּה אֱלֹ֣והַּ עֹשָׂ֑י נֹתֵ֖ן זְמִרֹ֣ות בַּלָּֽיְלָה׃ Psaumes 149.5 Actes 16.25 Psaumes 42.8 Psaumes 77.6 Esaïe 51.13
¹¹ מַ֭לְּפֵנוּ מִבַּהֲמֹ֣ות אָ֑רֶץ וּמֵעֹ֖וף הַשָּׁמַ֣יִם יְחַכְּמֵֽנוּ׃ Psaumes 94.12 Job 36.22 Job 32.8 Genèse 2.7 Genèse 1.26
¹² שָׁ֣ם יִ֭צְעֲקוּ וְלֹ֣א יַעֲנֶ֑ה מִ֝פְּנֵ֗י גְּאֹ֣ון רָעִֽים׃ Proverbes 1.28 Jean 9.31 Psaumes 123.3-123.4 Psaumes 73.6-73.8 Psaumes 18.41
¹³ אַךְ־שָׁ֭וְא לֹא־יִשְׁמַ֥ע׀ אֵ֑ל וְ֝שַׁדַּ֗י לֹ֣א יְשׁוּרֶֽנָּה׃ Proverbes 15.29 Esaïe 1.15 Jérémie 11.11 Jacques 4.3 Job 30.20
¹⁴ אַ֣ף כִּֽי־תֹ֖אמַר לֹ֣א תְשׁוּרֶ֑נּוּ דִּ֥ין לְ֝פָנָ֗יו וּתְחֹ֥ולֵֽל לֹֽו׃ Job 9.11 Job 19.7 Psaumes 27.12-27.14 Michée 7.7-7.9 Esaïe 50.10
¹⁵ וְעַתָּ֗ה כִּי־אַ֭יִן פָּקַ֣ד אַפֹּ֑ו וְלֹֽא־יָדַ֖ע בַּפַּ֣שׁ מְאֹֽד׃ Psaumes 89.32 Psaumes 88.11-88.16 Nombres 20.12 Job 4.5 Job 9.14
¹⁶ וְ֭אִיֹּוב הֶ֣בֶל יִפְצֶה־פִּ֑יהוּ בִּבְלִי־דַ֝֗עַת מִלִּ֥ין יַכְבִּֽר׃ פ Job 38.2 Job 3.1 Job 33.2 Job 33.8-33.12 Job 34.35-34.37