La Bible Bible en Swahili de l’est

Chapitre 82 Chapitre 84

Prière contre les ennemis d’Israël

¹ Ee Mungu, usistarehe, Ee Mungu, usinyamae, wala usitulie.
² Maana adui zako wanafanya ghasia, Nao wakuchukiao wameviinua vichwa vyao.
³ Juu ya watu wako wanafanya hila, Na kushauriana juu yao uliowaficha.
⁴ Wamesema, Njoni, tuwakatilie mbali wasiwe taifa, Na jina la Israeli halitakumbukwa tena.
⁵ Maana wanashauriana kwa moyo mmoja, Juu yako wanafanyana agano.
⁶ Hema za Edomu, na Waishmaeli, Na Moabu, na Wahagari,
⁷ Gebali, na Amoni, na Amaleki, Na Filisti, nao wanaokaa Tiro,
⁸ Ashuri naye amepatana nao, Wamewasaidia wana wa Lutu.
⁹ Uwatende kama Midiani, kama Sisera, Kama Yabini, penye kijito Kishoni.
¹⁰ Ambao waliangamizwa Endori; Wakawa samadi juu ya nchi.
¹¹ Uwafanye wakuu wao kama Orebu na Zeebu, Na masheki yao wote kama Zeba na Zalmuna.
¹² Ambao Walisema, Na tutamalaki makao ya Mungu.
¹³ Ee Mungu, uwafanye kama mavumbi ya kisulisuli, Mithili ya makapi mbele ya upepo,
¹⁴ Kama moto uteketezao msitu, Kama miali ya moto iiwashayo milima,
¹⁵ Ndivyo utakavyowafuatia kwa tufani yako, Na kuwafadhaisha kwa dhoruba yako.
¹⁶ Uwajaze nyuso zao fedheha; Wakalitafute jina lako, Bwana.
¹⁷ Waaibike, wafadhaike milele, Naam, watahayarike na kupotea.
¹⁸ Wajue ya kuwa Wewe, uitwaye jina lako YEHOVA, Ndiwe peke yako Uliye juu, juu ya nchi yote.