Psaumes 51.15
Biblia Hebraica Stuttgartensia

Psaume de retour à Dieu

¹ לַמְנַצֵּ֗חַ מִזְמֹ֥ור לְדָוִֽד׃
Actes 3.19 Esaïe 43.25 Colossiens 2.14 Esaïe 44.22 Psaumes 51.9
² (51.1) בְּֽבֹוא־אֵ֭לָיו נָתָ֣ן הַנָּבִ֑יא כַּֽאֲשֶׁר־בָּ֝֗א אֶל־בַּת־שָֽׁבַע׃
Psaumes 51.7 Apocalypse 1.5 Ezéchiel 36.25 1 Corinthiens 6.11 Esaïe 1.16
³ (51.1) חָנֵּ֣נִי אֱלֹהִ֣ים כְּחַסְדֶּ֑ךָ כְּרֹ֥ב רַ֝חֲמֶ֗יךָ מְחֵ֣ה פְשָׁעָֽי׃
Esaïe 59.12 Proverbes 28.13 Psaumes 32.5 Luc 15.18-15.21 Psaumes 38.18
⁴ (51.2) הֶ֭רֶב כַּבְּסֵ֣נִי מֵעֲוֹנִ֑י וּֽמֵחַטָּאתִ֥י טַהֲרֵֽנִי׃
Romains 3.4 Luc 15.21 Genèse 20.6 Genèse 39.9 2 Samuel 12.13-12.14
⁵ (51.3) כִּֽי־פְ֭שָׁעַי אֲנִ֣י אֵדָ֑ע וְחַטָּאתִ֖י נֶגְדִּ֣י תָמִֽיד׃
Job 14.4 Ephésiens 2.3 Romains 5.12 Psaumes 58.3 Jean 3.6
⁶ (51.4) לְךָ֤ לְבַדְּךָ֨׀ חָטָאתִי֮ וְהָרַ֥ע בְּעֵינֶ֗יךָ עָ֫שִׂ֥יתִי לְ֭מַעַן תִּצְדַּ֥ק בְּדָבְרֶ֗ךָ תִּזְכֶּ֥ה בְשָׁפְטֶֽךָ׃
1 Samuel 16.7 Job 38.36 Romains 7.22 1 Chroniques 29.17 Jacques 4.8
⁷ (51.5) הֵן־בְּעָוֹ֥ון חֹולָ֑לְתִּי וּ֝בְחֵ֗טְא יֶֽחֱמַ֥תְנִי אִמִּֽי׃
Esaïe 1.18 Hébreux 9.19 1 Jean 1.7 Exode 12.22 Lévitique 14.4-14.7
⁸ (51.6) הֵן־אֱ֭מֶת חָפַ֣צְתָּ בַטֻּחֹ֑ות וּ֝בְסָתֻ֗ם חָכְמָ֥ה תֹודִיעֵֽנִי׃
Psaumes 119.81-119.82 Luc 4.18 Esaïe 57.15-57.18 Psaumes 126.5-126.6 Psaumes 38.3
⁹ (51.7) תְּחַטְּאֵ֣נִי בְאֵזֹ֣וב וְאֶטְהָ֑ר תְּ֝כַבְּסֵ֗נִי וּמִשֶּׁ֥לֶג אַלְבִּֽין׃
Jérémie 16.17 Psaumes 51.1 Colossiens 2.14 Michée 7.18-7.19 Esaïe 38.17
¹⁰ (51.8) תַּ֭שְׁמִיעֵנִי שָׂשֹׂ֣ון וְשִׂמְחָ֑ה תָּ֝גֵ֗לְנָה עֲצָמֹ֥ות דִּכִּֽיתָ׃
Ezéchiel 11.19 2 Corinthiens 5.17 Ezéchiel 18.31 Matthieu 5.8 Ephésiens 4.22-4.24
¹¹ (51.9) הַסְתֵּ֣ר פָּ֭נֶיךָ מֵחֲטָאָ֑י וְֽכָל־עֲוֹ֖נֹתַ֣י מְחֵֽה׃
Ephésiens 4.30 2 Rois 13.23 1 Samuel 10.10 Romains 8.9 Esaïe 63.10-63.11
¹² (51.10) לֵ֣ב טָ֭הֹור בְּרָא־לִ֣י אֱלֹהִ֑ים וְר֥וּחַ נָ֝כֹ֗ון חַדֵּ֥שׁ בְּקִרְבִּֽי׃
Esaïe 41.10 Esaïe 61.10 Psaumes 13.5 2 Corinthiens 3.17 Luc 1.47
¹³ (51.11) אַל־תַּשְׁלִיכֵ֥נִי מִלְּפָנֶ֑יךָ וְר֥וּחַ קָ֝דְשְׁךָ֗ אַל־תִּקַּ֥ח מִמֶּֽנִּי׃
Luc 22.32 Jacques 5.19-5.20 Psaumes 22.27 Psaumes 25.4 Actes 26.18-26.20
¹⁴ (51.12) הָשִׁ֣יבָה לִּ֭י שְׂשֹׂ֣ון יִשְׁעֶ֑ךָ וְר֖וּחַ נְדִיבָ֣ה תִסְמְכֵֽנִי׃
2 Samuel 12.9 Psaumes 35.28 Psaumes 26.9 Actes 20.26 Ezéchiel 33.8
¹⁵ (51.13) אֲלַמְּדָ֣ה פֹשְׁעִ֣ים דְּרָכֶ֑יךָ וְ֝חַטָּאִ֗ים אֵלֶ֥יךָ יָשֽׁוּבוּ׃
Psaumes 63.3-63.5 Psaumes 9.14 Psaumes 119.13 1 Samuel 2.9 Genèse 44.16
¹⁶ (51.14) הַצִּ֘ילֵ֤נִי מִדָּמִ֨ים׀ אֱֽלֹהִ֗ים אֱלֹהֵ֥י תְּשׁוּעָתִ֑י תְּרַנֵּ֥ן לְשֹׁונִ֗י צִדְקָתֶֽךָ׃
Psaumes 40.6 Hébreux 10.5-10.6 Amos 5.21-5.23 Nombres 15.30-15.31 Jérémie 7.22-7.23
¹⁷ (51.15) אֲ֭דֹנָי שְׂפָתַ֣י תִּפְתָּ֑ח וּ֝פִ֗י יַגִּ֥יד תְּהִלָּתֶֽךָ׃
Psaumes 34.18 Luc 18.11-18.14 Luc 15.10 Esaïe 66.2 Esaïe 57.15
¹⁸ (51.16) כִּ֤י׀ לֹא־תַחְפֹּ֣ץ זֶ֣בַח וְאֶתֵּ֑נָה עֹ֝ולָ֗ה לֹ֣א תִרְצֶֽה׃
Psaumes 102.16 Luc 12.32 Néhémie 2.17 Esaïe 62.1 Jérémie 51.50
¹⁹ (51.17) זִֽבְחֵ֣י אֱלֹהִים֮ ר֪וּחַ נִשְׁבָּ֫רָ֥ה לֵב־נִשְׁבָּ֥ר וְנִדְכֶּ֑ה אֱ֝לֹהִ֗ים לֹ֣א תִבְזֶֽה׃
Psaumes 4.5 Malachie 3.3 Ephésiens 5.2 Psaumes 118.27 Psaumes 66.13-66.15
²⁰ (51.18) הֵיטִ֣יבָה בִ֭רְצֹונְךָ אֶת־צִיֹּ֑ון תִּ֝בְנֶ֗ה חֹומֹ֥ות יְרוּשָׁלִָֽם׃
²¹ (51.19) אָ֤ז תַּחְפֹּ֣ץ זִבְחֵי־צֶ֭דֶק עֹולָ֣ה וְכָלִ֑יל אָ֤ז יַעֲל֖וּ עַל־מִזְבַּחֲךָ֣ פָרִֽים׃