Juges 21.8
Vulgate

¹ iuraverunt quoque filii Israhel in Maspha et dixerunt nullus nostrum dabit filiis Beniamin de filiabus suis uxorem
Juges 20.1 Juges 20.8 Juges 21.18 Ecclésiaste 5.2 Deutéronome 7.2-7.3
² veneruntque omnes ad domum Dei in Silo et in conspectu eius sedentes usque ad vesperam levaverunt vocem et magno ululatu coeperunt flere dicentes
Juges 20.26 Juges 20.18 1 Samuel 30.4 Juges 21.12 Josué 18.1
³ quare Domine Deus Israhel factum est hoc malum in populo tuo ut hodie una tribus auferretur ex nobis
Jérémie 12.1 Psaumes 74.1 Esaïe 63.17 Josué 7.7-7.9 Deutéronome 29.24
⁴ altera autem die diluculo consurgentes extruxerunt altare obtuleruntque ibi holocausta et pacificas victimas et dixerunt
2 Samuel 24.25 2 Samuel 24.18 Osée 5.15 1 Rois 8.64 Psaumes 78.34-78.35
⁵ quis non ascendit in exercitu Domini de universis tribubus Israhel grandi enim se iuramento constrinxerant cum essent in Maspha interfici eos qui defuissent
Juges 5.23 Juges 21.1 1 Samuel 11.7 Juges 21.18 Jérémie 48.10
⁶ ductique paenitentia filii Israhel super fratre suo Beniamin coeperunt dicere ablata est una tribus de Israhel
Juges 21.15 Juges 20.23 Osée 11.8 2 Samuel 2.26 Juges 11.35
⁷ unde uxores accipient omnes enim in commune iuravimus non daturos nos his filias nostras
Juges 21.1 1 Samuel 14.45 Juges 21.18 1 Samuel 14.28-14.29
⁸ idcirco dixerunt quis est de universis tribubus Israhel qui non ascendit ad Dominum in Maspha et ecce inventi sunt habitatores Iabisgalaad in illo exercitu non fuisse
1 Samuel 31.11-31.13 2 Samuel 2.5-2.6 1 Samuel 11.1-11.3
⁹ eo quoque tempore cum essent in Silo nullus ex eis ibi reppertus est
¹⁰ miserunt itaque decem milia viros robustissimos et praeceperunt eis ite et percutite habitatores Iabisgalaad in ore gladii tam uxores quam parvulos eorum
Juges 21.5 1 Samuel 11.7 Juges 5.23 1 Samuel 15.3 Josué 7.24
¹¹ et hoc erit quod observare debetis omne generis masculini et mulieres quae cognoverunt viros interficite
Nombres 31.17-31.18 Deutéronome 2.34
¹² inventaeque sunt de Iabisgalaad quadringentae virgines quae nescierunt viri torum et adduxerunt eas in castra in Silo in terra Chanaan
Josué 18.1 Jérémie 7.12 Juges 20.23 Psaumes 78.60 Juges 20.18
¹³ miseruntque nuntios ad filios Beniamin qui erant in petra Remmon et praeceperunt eis ut eos in pace susciperent
Deutéronome 20.10 Juges 20.47 Josué 15.32 Esaïe 57.19 Ephésiens 2.17
¹⁴ veneruntque filii Beniamin in illo tempore et datae sunt eis uxores de filiabus Iabisgalaad alias autem non reppererunt quas simili modo traderent
1 Corinthiens 7.2 Juges 21.12 Juges 20.47
¹⁵ universusque Israhel valde doluit et egit paenitudinem super interfectione unius tribus ex Israhel
Juges 21.6 1 Chroniques 15.13 Esaïe 58.12 Esaïe 30.13 Juges 21.17
¹⁶ dixeruntque maiores natu quid faciemus reliquis qui non acceperunt uxores omnes in Beniamin feminae conciderunt
¹⁷ et magna nobis cura ingentique studio providendum est ne una tribus deleatur ex Israhel
Nombres 26.55 Nombres 36.7
¹⁸ filias nostras eis dare non possumus constricti iuramento et maledictione qua diximus maledictus qui dederit de filiabus suis uxorem Beniamin
Juges 21.1 Juges 11.35
¹⁹ ceperuntque consilium atque dixerunt ecce sollemnitas Domini est in Silo anniversaria quae sita est ad septentrionem urbis Bethel et ad orientalem plagam viae quae de Bethel tendit ad Sycimam et ad meridiem oppidi Lebona
1 Samuel 1.3 Jean 7.2 Deutéronome 16.1 Lévitique 23.34 Lévitique 23.6
²⁰ praeceperuntque filiis Beniamin atque dixerunt ite et latete in vineis
²¹ cumque videritis filias Silo ad ducendos choros ex more procedere exite repente de vineis et rapite eas singuli uxores singulas et pergite in terram Beniamin
Juges 11.34 Exode 15.20 Jérémie 31.13 Psaumes 149.3 1 Samuel 18.6
²² cumque venerint patres earum ac fratres et adversum vos queri coeperint atque iurgari dicemus eis miseremini eorum non enim rapuerunt eas iure bellantium atque victorum sed rogantibus ut acciperent non dedistis et a vestra parte peccatum est
Juges 21.1 Juges 21.18 1 Corinthiens 7.2 Genèse 1.27 Philémon 1.9-1.12
²³ feceruntque filii Beniamin ut sibi fuerat imperatum et iuxta numerum suum rapuerunt sibi de his quae ducebant choros uxores singulas abieruntque in possessionem suam aedificantes urbes et habitantes in eis
Juges 20.48
²⁴ filii quoque Israhel reversi sunt per tribus et familias in tabernacula sua
²⁵ in diebus illis non erat rex in Israhel sed unusquisque quod sibi rectum videbatur hoc faciebat
Juges 17.6 Juges 19.1 Juges 18.1 Deutéronome 12.8 Ecclésiaste 11.9